متقدم لي واحد متزوج

[الأصالة]

السلام عليكم بنات

ماعرف شو اقولكم بس اتقدم لي واحد متزوج يعني يباني الزوجة الثانية هو شاب يبين عليه طيب وخلوق ..

بس يقول انه مب مرتاح ويا حرمته وحاول ياما وياها انها اتغير اسلوبها وياه وطريقتها بس اسبوع واترد ريما لعادتها القديمه طبعا هو كلم امي وشرح لها ظروفه وقالها بتزوج فلانه (الي هي انا) وبعد العرس مباشرة بيخبر حرمته وأهله لانها من اهله...

انتوا شو رايكم فالموضوع؟

الله يخليكم الي عندها كلمه طيبه اتقولها والي لا ماله داعي اترد على موضوعي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[* ام خماس *]

الله المستعاان .. حبيبتي ماا انصحج بهالزوااج ابد

اولااا يبااج بالسر بدوع علم أهله .. ثاانياا حرمته ماا تعرف ترضينهااا لنفسج ؟!!

حبوبة الدنياا دواارة والي سواهاا مرة بيسويهاا ثاانيه وثاالثه وكله بالسر

هااذي حيااتج فلا تبدينهااا بداايه غلط وتكونين بالظل وبالسر وأنتي ماا تعرفين مصير زوااجج شو ^^

الله يوفقج ويعوضج أخير عنه ان شااء الله

[هم ثقيل]

بصراحة لازم يخبرهم قبل
لانه انتي ما بتعرفين شو بيصير يمكن تصير لج مشاكل
حبوبة خل خوانج يسالون عنه
و استخيري انا ندمت لما ما استخرت لاني كنت صغيرة
بس استخيري فديتج

[om3laawi]

بصراحة لازم يخبرهم قبل
لانه انتي ما بتعرفين شو بيصير يمكن تصير لج مشاكل
حبوبة خل خوانج يسالون عنه
و استخيري انا ندمت لما ما استخرت لاني كنت صغيرة
بس استخيري فديتج

[Pheno-m-enon]

شرات ما قالت ام خماس = )
شدراج إنه عقب العرس بيخبر حرمته الاولى؟

[LOVE DUBAI]

بس الحينه اللي اعرفه
المحكمه ما اتملج عليكم الا بموافقة وعلم الحرمه الاولي

هذا اللي سمعته

[شوك و ورد]

انتــي لا ترفضين بس خبريــه ان أهلــه وزوجتـــه الأولـــى لازم اتكــون موافقــه عشان ربـــي يوفقج حبيبتـــــي,,

واللــه يوفقــج ويرزقــج باللـــي تبينـــه,,

[الأصالة]

كل حد يقول كلام

في من الناس يقول ان الريال الله حلله 4 حريم وعادي اذا قرر يتزوج بس شرط انه يخبر ويخير حرمته الأولى بزواجه الثاني صح والا لا

بيني وبينكم قلبي عورني على حرمته و تميت اتخيل نفسي مكانها وحتى يتني فكره اني اوصل لرقمها بأي طريقة واتم انصحها اتخلي بالها على زوجها

صح كلامي غريب بس مارضيت اني انحط في نفس موقفها

وفي نفس الوقت قلت هي الي يابته حق عمرها لو تعامل ريلها زين وتهتم فيه مستحيل بيدور غيرها يعني مرات الغلط يكون من الحرمه مب الريال..

والا شو رايكم

[مالكـ أمل]

كل حد يقول كلام

في من الناس يقول ان الريال الله حلله 4 حريم وعادي اذا قرر يتزوج بس شرط انه يخبر ويخير حرمته الأولى بزواجه الثاني صح والا لا

بيني وبينكم قلبي عورني على حرمته و تميت اتخيل نفسي مكانها وحتى يتني فكره اني اوصل لرقمها بأي طريقة واتم انصحها اتخلي بالها على زوجها

صح كلامي غريب بس مارضيت اني انحط في نفس موقفها

وفي نفس الوقت قلت هي الي يابته حق عمرها لو تعامل ريلها زين وتهتم فيه مستحيل بيدور غيرها يعني مرات الغلط يكون من الحرمه مب الريال..

والا شو رايكم

مهما كان فديتج لا تخلي نفسج ف هالموقف حتى لو كان مب مرتاح معاها مثل
ما يقول وشو يضمن لج انه بخبرهم عقب لو مكانج كان بريح راسي من المشاكل وبرفض

[ابلة انجليزي]

كل حد يقول كلام


وفي نفس الوقت قلت هي الي يابته حق عمرها لو تعامل ريلها زين وتهتم فيه مستحيل بيدور غيرها يعني مرات الغلط يكون من الحرمه مب الريال..

والا شو رايكم

حبيبتي شدراج احينة انه مرته مو مهتمة فيه ؟؟؟ انتي شفتي بعينج ؟؟ كل الرياييل يقولون جي و

الدليل ادخلي مواضيع اللي منزلينها الاخوات هني و كل الرياييل عندهم يقولون نفس الكلام انه الريال

يقول مرته مو مهتمة فيه ومرته مو مسوية له اي حساب ،، لا تصدقينهم و شو دراج انه بيعترف

فيج بعد الزواج ،،

[jameela200]

استخيري اختي ولا تتهورين ...

[الأصالة]

ههههه

لا ان شاء الله ما بتهور

بفكر فالموضوع زين

[سارة -22]

اهم شي انه اييب الموافقه من زوحته واهله واتاكدي انهم موافقين ويحضرون الملجة بعد
عشان الله يوفقج وترتاحين في زواجج وماتحاتين شو باجر بيصير
وصلاه الاستخاره صلى والله يوفقج انشالله

[أحلا ورده]

فكري الف مره قبل لا تخطين هذه الخطوه

[ملكة الاحاسيس]

دامج طلبتي الرايي سمعيني زين


دام رومس الوالده خل تسيرين انتي وهيه ورمسو الحرمة بتلميح اوسالو عنها حد يعرفها ويعرف حياتها


صدقووووني تنصدمون قسم بالله من كم يوم يانا واحد يبي يعرس. المصيبة فيه وهدفه الخبيث قال ابي احرق دم مرتي واطلقها مثل الكلبة ! طيب والعيال قال بخلي اليديدة تربيهم




يعني حطي في بالج احتمالات كثيرة من مثل :


عادي يعقد ويتراجع وهذووووول كثير ولوتلاحظين يطولون بالملجة عسب ياخذون الي يبونه وعقب باباي


بعضهم يتزوج وعاااادي حرمته تزعل وتطلب طلاق يايطلقها يايطلق الثانية وفي الحالتين ظلـم


بعضهم هذول بالخفية والسرررر مع ان من حق الثانيه تعيش وتاكل وتطلع وتحمل وو و هاي بصراحه مظلووومة مخنوقة


بعضهم يتزوج ويمارس حياته ويملللللل مثل ما مل من الاولى فيلعب قرعه منو الاولى انه يستمر وياها ويطلق وحده فيهن

بعضهم لا نيته خبيثة يبى يحرق قلب الاولى لاشباع رغبه امه او اهله وهذوووول كثري منهم تيوس. والعفو عالكلمة



وامور كثيرة خلينا ساكتين باختصار هو شرع الله الجميل لكن شوهوووووه وبقوة