ولادتي..!!!

**فجوووره** · 2011-02-15, 20:50

سلام عليكن...

شحالكن..؟؟

ولادتي في مسشفى صقر..!!!

اول ولادة لي كانت جدا صعبه..ياني الطلق بنفس التاريخ اللي المسشفى عطوني اياه..
بس مافي ولادة وكان مفتوح عندي 1 سانتي..طبعا ما خليت شي ما سويته عسبت يزيد عندي العوار كنت اشرب (قرفة-ماي ورد وزعفران-وكنت ايلس فماي حار-وامشي ع الرمل-واشرب زي الخروع-وزعر )وركبت النيسان ورحت عوافي وماقصر ريلي دقدقني عدل)..بس ماشي فايدة وبعد اسبوع من الموعد..رحت المستشفى واتنومت عدهم 3 ايام وكل 7 ساعات كانو يحطون لي تحميلة الطلق..بس بعد ماشي فايدة.. ويا اليوم الموعود..نزلوني غرفة الولادة وحطولي طلق فابرة المغذي..وفتحو الماي عن البيبي..وبعد مافي فايدة الرحم ما يفتح..وركبولي ابرة طلق كبيرة وايد واتخوف..وبعدها تعبت ونبض البيبي قام يقل وما كنت اقدر اتنفس بالاكسجين..وبعدين دخلوني ع طول لغرفة الولادة.. والحمدلله ربيت بالسلامة ويت نواري الحلوة ونورت عليه دنيتي..
حاليا ما افكر احمل الين تكبر بنتي(عمرها 5 شهور) ..وقاعدة افكر فالحمل الثاني كيف بتكون ولادتي..والرحم بيفتح عندي ولا..!!

المزيد من آخر المواضيع من نفس القسم:

**صدى الغربه** · 2011-02-15, 21:01

هلا ام نواري

بالنسبه للولاده تختلف من اول مره للثانيه

وحتى بالنسبه لجنس الجنين ..

اتحسين بولاده البنت اصعب عن الولد

ودايما اول ولاده اشوي صعبه

**miss__ad** · 2011-02-15, 21:04

اول شي الحمدالله على سلامتج
والله يخلييلج نوااري

بس اطمني كل ولاده غير عن الثاانيه في ولاده صعبه وفي ولاده سهله وميسره

وكل شي باجره

**عين الدماني** · 2011-02-15, 21:16

الحمدلله على سلامتج وعلى سلامة البيبي

وأنا بعد متروعه من الولاده الثانيه لاني عانيت في الولاده الاولى

**@أم عمر@** · 2011-02-15, 21:18

الحمد لله ع سلامتج ومبرووك ما يااج

**فجوووره** · 2011-02-15, 21:30

الله يسلمكن ويبارك فيكن..

ويزاكن الله خير طمنتن قلبي..

الموضوع: ولادتي..!!!

أدوات الموضوع

عرض

ولادتي..!!!

المزيد من آخر المواضيع من نفس القسم:

المواضيع المتشابهه

قصة ولادتي ...قصدي معركة ولادتي بدندونة فديتها...

قصة ولادتي

قصة ولادتي

قصة ولادتي الكاذبه و ولادتي الحقيقيه !!!!!