i feel lonely

**انسانة بطيبتي** · 2011-02-12, 17:56

hala , i feel lonely

rbee3aty they got married and they forgot me ,

mafehom 5air , laish che ? laish ya denya

ana kent katba maw'9oo3 gabl but they closed it i dont know why ?

wayed malal

المزيد من آخر المواضيع من نفس القسم:

**poufooh** · 2011-02-12, 17:59

حبيبتي ان شاء الله بيي نصيبج وبتعرسين

هم مانسوج بس مشغولين ف حياتهم اليديده

اشغلي عمجر بشيء مفيد =)

**جنـه الــورد** · 2011-02-12, 17:59

me 2 i feel so lonely

**دودوالحلوة** · 2011-02-12, 18:01

تراج يوم تعرسين انشالله بتفهمين انهم ما نسوج و ان الحياة بالنسبة لهم تغيرت و في اولويات ... ربنا يرزقج بابن الحلال يا رب و عقب بتقدرين ظروفهم اكثر
لا تزعلين يالغالية

**أنسة_سارة** · 2011-02-12, 18:05

الربيعه الحقيقيه تبين وقت الزواج اللي تعرس وتنسى ربيعاتها ولا تتصل ابدا ولا حتى مسج فهاي اغسلي ايديج منها .... صحيح ان حياه البنت تتغير بعد الزواج ويكون عندها مسؤوليه اكبر بس مب لدرجة انها تنقطع عن النااس ........ انا ربيعتي معرسه قبل العرس كنا وايد نتواصل بعد العرس اكيد تغير شوي الوضع بس الحمدلله ما نستني ودايما هي اللي تتصل حتى ولو من شهر للشهر بس فيها خير .... فانتي حبيبتي لا تهتمين واللي ما يباج لا تصيحين تبينه لا تتضايقين ولا شي ولا تتواصلين معاها مادام هي ما ترد عليج ولا تتواصل وياج ......... ان اختي معرسه وعندها عيال ومع ذلك ما نست ربيعاتها تتواصل وياهن وتعزمهن

**بنـــ جوري ـت** · 2011-02-12, 18:07

فديتج مب بس إنتي جي اغلبنا جي .. بس صراحه انا عاذرتنهن يعني هاي حياتهن .. وانا بعد بلقى نصيبي وبمشي فدربي..

بس بصراحه بين فترة وفترة تتصل فيني صديقتي الصدوقه.. مع انها معرسه قريب .. فوديتها.. ربيه يسعدها فدنياها

ومثل ماقلتي بصراااحه ملل وكله قعدة بيت .. بس بعد كل عسر يسر .. وانا يايني اكيد الدور.. بس الحين خلينا نتهنى بكل دقيقه.. ترا عقب بنتم نصييح على هالوقت .. من رمسة المعرسات عاد مادري وانا احس صدقهن ^^

**bellegirl** · 2011-02-12, 18:15

اشغلي عمجر بشيء مفيد =)

**ابتسامة قمر** · 2011-02-12, 18:18

الصداقة مب كل شيء في الحياة

الصداقة نقطة في الحياة شرات الدراسة والدوام وووالخ

مب حلوة نحصر حياتها عشان الربع وبس

**مجنونة و تجنن** · 2011-02-12, 19:04

كلهم جي ، حتى انا ربيعتي عرست كنت معاها من 6 سنوات ومن عرست تغيرت 360 درجت و ما حبيت الوضع و كل واحد راح في نصيبه ، و ان شاء الله الله يعوضني بأحسن منها مليون مرة ...

**بهلولة** · 2011-02-13, 11:22

مي تووووووو
الكل سافر ولاهي باموره
الله يرجع القريب ويفرج هم كل مهمووووم

**اهلين و سهلين** · 2011-02-13, 11:28

حبوووبة الاغلب جي
بس عقب سنة من العرس يذكرونج و نادرا ما اتم وحدة وياج

اشغلي عمرج بشي مفيد و حاولي تكونين صداقات مع الناس و خلج اجتماعية

وكلنا خواتج ان شاء الله لو بغيتي شي من عيوننني راسليييني

**jumana** · 2011-02-13, 12:48

الله كريم

**انسانة بطيبتي** · 2011-02-19, 17:56

المشاركة الأصلية كتبت بواسطة ابتسامة قمر

الصداقة مب كل شيء في الحياة

الصداقة نقطة في الحياة شرات الدراسة والدوام وووالخ

مب حلوة نحصر حياتها عشان الربع وبس

مرحبا ، اسمحيلي اختي بس انا ما اتفق وياج في هالشي ان الصداقة نقطة في الحياة مثل الدراسة والدوام ، الصداقة مب شي مال يوم او يومين الصداقة مب شرات الدراسة ان ندرس سنتين وعقب خلاص ، انا مادري ليش جي مستوي الحين ، ماعرف ليش

**انسانة بطيبتي** · 2011-02-20, 16:01

المشاركة الأصلية كتبت بواسطة اهلين و سهلين

حبوووبة الاغلب جي
بس عقب سنة من العرس يذكرونج و نادرا ما اتم وحدة وياج

اشغلي عمرج بشي مفيد و حاولي تكونين صداقات مع الناس و خلج اجتماعية

وكلنا خواتج ان شاء الله لو بغيتي شي من عيوننني راسليييني

شكرا اختي على ردج

**malak_AD** · 2011-02-20, 18:04

انا بعد لاحظت هالشي من تعرس البنت خلاص تنسى ربيعاتها ومن تشتغل وتدرس بعد تنسى ربيعاتها ليش ان شاءالله؟؟؟

انا عشان جيه اعتبر اي وحده جيه تسوي مب صديقه حقيقه واخت واسوي لها اكبر طاف

الموضوع: i feel lonely

أدوات الموضوع

عرض

i feel lonely

المزيد من آخر المواضيع من نفس القسم:

المواضيع المتشابهه

I FEEL SICK

Im Fatami..Im Lonely

Lonely

feel good factory .. سمعتوا به ؟

Lonely