الزوج البخيل !!

**نونو ماما** · 2011-02-09, 17:51

السلام عليكــــــــــم ورحمة الله و بركاته

الغاليات ... الزوج البخيل كيـــــــــــــــــــــف نغيرهـــ ؟!

الزوج الي يشوف إن 100 درهم بالنسبة له مبلغ عظيييم ؟!!

حتى لو كان من ذوي الدخل المحدود .. المفروض ما يقول لحرمته اشتريت هذا بكم و خسارة و الخ

و الله الكلام عن الفلوس سندر رااااااسي كاااارهة البيزات كرررره !!

تدرون صفة البخل مب حلوة و تكره الحرمة بعيشتها ><"

لا إله إلا الله ...

عزيزاتي .. الي بتدخل و تقول آخخخخ الزوج البخيل ما ينطاق و هالكلام الي مامنه فايدة أحسن لها
ماترد !!

و الي عندها رد يشرح النفس و يحل المشكلة تتفضل برايها الطيب ...

و الي عندها اقتراحات و جي تتفضل ...

ربي يريح بالكم دنيا و آخرة ..

أختكم : نونو ماما

المزيد من آخر المواضيع من نفس القسم:

**عيون المهاااا** · 2011-02-09, 17:53

الله يهديهم هالرياييل ويسخرهم لنا امين

**نونو ماما** · 2011-02-09, 18:40

فوووووووووووق

**Back 2 Home** · 2011-02-09, 18:48

up up up

**مشوطه** · 2011-02-09, 18:50

خليج معااه وقوليله كل شيء غلا هالايام
والفلوس وسخ الدنيا
والله هب عارفة شو اقول وجااان اتفلسف يا اختي سامحيني
وربي يبعد عنه هالبخل يارب

*** ام خماس *** · 2011-02-09, 19:00

الله المستعاان .. حبيبتي الرياييل تفكيرهم غير عن تفكيرنااااا

والانساان الي يشتغل يحب بيزااته تنصرف في محلهااا ^_^

الله يسخركم لبعض ويسعدكم دنياا وأخرة ياارب

**القبيليه** · 2011-02-09, 19:10

الله يعينج
بس مرات الرياييل معاهم حق بعض الحريم الله يهداهم تبا تصرف معاش ريلها كله ع شغلاتها اللي مالها داعي ماركات وهالخرابيط وتنسى ان فيه اساسيات ضروريه وماحد يفكر فيها غير الريال مثل السكن ويفكر في مابعد فالمستقبل ويمكن يكون دخله محدود ويخاف يصرف بيزاته ومايروم يكمل شهر
خليج وياه وشجعيه وتكلمي عن المستقبل قولي لازم ندخر كم فلس لمستقبلنا ولازم مانبذر عشان مستقبلنا خليه يحس انج انتي بعد مهتمه وتحاتين مستقبلكم ومستقبل عيالكم وصدقيني بيثق ان فيه ايد ويا ايده ومابيبخل عليج بس لو تميتي تقولين انت بخيل وانت ماتعطيني وانت وانت ...الخ
والله بيخاف بيقول هذي ماتفكر الا في عمرها وانا اللي بتصرف ولا بطيعها فالتبذير
والله يصخرلج ريلج ويهديه والله يكرمه ويكرمكم ارب

**هتان الفجر.** · 2011-02-09, 19:13

يمكن هو مب من النوع البخيل يمكن من النوع الحريص ويحب يعرف البيزات وين تنصرف تعرفين حياتنا اغلبتها صرف عالمظاهر . وفي ناس تحكم حياتها ومصاريفها بالعقل لانهم يفكرون لجدام. فالافضل فكلا الحالتين اذا كان بخيل او حريص حاولي فيه يحدد مصرف معين لج ومصرف معين للبيت شهريا وانتي طبعا تتصرفين فيهن وتقدرين توفرين لج من مصروفج عشان وقت الضيج عشان ما تحتايين تطلبين منه

**P u r e** · 2011-02-09, 19:23

البخل طبع في الإنسان ما يخوز ..

اللهم إني أعوذ بك من البخل ..

**نونو ماما** · 2011-02-09, 19:24

تسلمن خواتي على المشاركة

**اهلين و سهلين** · 2011-02-09, 19:36

في فرق بين البخل و الحرص

يمكن انتي وايد تصرفين و حاسبي لو كان راتبه شوي بعد راعيه انتي

الله يعينج

**فديتني نونو** · 2011-02-09, 19:38

الله يعينج يالغاليه ماعندي غير الله يعينج حبيبتي

**لمسة فن99** · 2011-02-09, 20:05

الله يهديه ويبعد عنه البخل
افضل حل انج تدعين في كل صلاة وفي كل سجود والله يبعد عنه البخل
وييسر اموركم..

**جرح وحداوي** · 2011-02-10, 10:18

بالسيااااااسة كل شي ايي..

ربي يهدييهم ويسخر كل زوج لزووجته,

**نم نم مي** · 2011-02-10, 10:59

السلام عليكم ..

لا إله إلا الله ..

أدرسي نمطــ الشخصيه لريلج هل هو

شمــــــــــالي أو جنوبي أو غربي أو شرقي ..

بتعرفين تغيرينهـ بإذنهـ تعالى ..

إبحثي في النت ..

الموضوع: الزوج البخيل !!

أدوات الموضوع

عرض

الزوج البخيل !!

المزيد من آخر المواضيع من نفس القسم:

المواضيع المتشابهه

ربيعتي وريلها البخيل ..

بديت أأدب زوجي البخيل

التخلص من الزوج البخيل

شو الحل ويا الزوج البخيل

البخيل