نعم أو لا !!! ولماذا ؟؟؟؟؟؟؟؟؟

**قلب عيسى** · 2011-02-09, 15:59

السلام عليكم ورحمة الله وبركاته

عزيزاتي الحوامل حبيت اطرح عليكم سؤال

هل تؤيدين أن يكون لك مرافق وقت الولاده نعم أم لا مع ذكر السبب وإذا نعم منو ؟؟؟

عني أنا في ولادتي الاولى عمتي فوق راسي وريلي جنبي وامي عند الباب اتصيح مع اني قايله ما اريد حد وياي بس وقت الولاده من كثر الألم ماعندي حاسيه هاييك الساعه

اما إن شاء الله في هالولادة مابخبر حد لا امي ولا عمتي وإذا عرفو بنبه السسترات مايدخلون حد

احس انه فشله خاصه انه لبس الولاده ولا جنج لابسه شي

أتريا ردودكم الغوالي

المزيد من آخر المواضيع من نفس القسم:

**منى الفقى** · 2011-02-09, 16:02

انا عن نفسى ما احب يكون معى اى شخص لا زوجى ولا امى

ما ابى احد يشوفنى وانا بهالحالة

شكرا على الموضوع

**aquagirl08** · 2011-02-09, 16:10

هذا اول حمل لي ف مادري منو بيدخل عندي غير امي... بس من ناحية الفكره ف انا معاها
احس لازم حد يكون معاج في هالوضع لانه ماتعرفين شو يصير لو شخص واحد

**صمت الغلا** · 2011-02-09, 16:44

بيخخخخخخخخخ ضحكتينى احس زين ومب زين ابالمرتين اللى ربيت فيهم كانت امى وياي بس ما كانت ادش الغرفة تدري انى استحى بس تسال النيرس وعلشان اطمن زوجي الغالى

ملاحظة ان شاء الله تنكتب شذه مو مثل ما كتبتيها

**ام علووش** · 2011-02-09, 16:52

انا صراحه ما ايد فكره انه حد يكون معاي لان فعيالي الاثنين كانت امي وعمتي فوق راسي
امي تصيح وعمتي اتبشر الناس انزين تريي لين اربي هههههه مستعيله
ان شاء الله هالولاده مابه اخبر حد

**شخصيه مستقله** · 2011-02-09, 17:07

هههههههههههههههههههههههههههههههههههههههههههه
انا مب متزوجه بس احس ان لازم حد يكون وياي يخفف عني الالم

**ونّات قلب** · 2011-02-09, 17:10

سمعت من المتزوجات طبعا.. انا مش متزوجه.. بس يقولون الريال يوم يدخل و يكون مع حرمته.. مرات ما يعيبه الي يجوفه << خصوصا اذا شاف الياهل و هوه ينولد.. و هالشي يأثّر على علاقته الحميميه مع زوجته << فهمتوني؟ منظر المنطقه الحساسه وجيه =)

مجرّد شي سمعته و حسيت اني بوافقهم فيه. .. ان الزوج ما يدخل..

و بالنسبه للحريم الباقيات.. امي و ام ريلي.. يستحسن ينتظرون برا

**بنت الشوامخ** · 2011-02-09, 17:12

انا مالجه بعدني ،، بس من قبل مفكره انه مااااابي ادخل معاي حد ! ،، لانه مثل ماقلتي تكونين بوضع مو حلوو غير جي لبسج وحالتج ،، مب حلوه حد يشوفج جي ،، حتى امي لاء ،، ام ريل مستحييل ،، حتى ريلي يعني ما اريد يشوفني جي

وتخفيف الالم وحاله عندي الله سبحانه استعين فيه ،، وماله داعي احد وياي ^^

**ام سعيد 2001** · 2011-02-09, 22:53

انا ما احب ادخل حد وياي لأني احس ان الولاده شيء خاص
و بعدين من شدة الألم تقولين اشياء و تسوين اشياء ما تبين حد يذكرج فيها بعدين
في بجري كل اهلي كانوا موجودين بس برع
و في ولاداتي الثانيه كنت اسير و اربي و اخبرهم بمسج عقب الولاده
ادعوا لي الله يسهل علي بنات

**مرود كحالي** · 2011-02-09, 23:11

انا اوويد ومااوويد
اوويد عالاقل لازم يكون شخص مثل امج او عمتج وممكن اختج يخفف عنج ويكون فوق راسج

مااوويد احس اللي تربي بتتوتر واايد خاصه لما تشوف انها هي تربي وفيه حد واقف على راسها

اما الريل مااوويد نهائيا يكون موجود الا اذا وقف برع يتريا هههه عشان يحس بالموقف لووول

وعني انا مابدخل حد لاني وايد اتوتر لوول بس مادري هاك الوقت هل بهتم ولا لا

والسموحه

**كلي محبة** · 2011-02-09, 23:29

انا في ولادتي خالتيه كانت معاي بالعكس كانت تساندني وتقرى علي

وامي خوافه هههه واقفه برع تتريا

وريلي مالحق ع ولادتي لان كان تعبان سهران وياي ورقد وهالمره يقول انا بكون وياج

وعمتي نووو وييي لانها بعيده عنا واناوعن نفسي مابغي غير خالتي احسها تساندني

بالاخير اوافق يكون حد معاي

**عديل الروح22** · 2011-02-09, 23:32

ليش سينما مب لازم حد ايي ريلج بيكون وياااااااااااج لين تدخلين
وبعدين الوحده تبا تربي ع راحتها ليش حد يوقف ع راسها ..
وحتى لو يوا شو بيسوون غير انتي تصارخين وهم يطمشووون عليج بيخوزون الويع مثلا..
هذا رايي ..

**ام حمده 77** · 2011-02-09, 23:33

لازم حد معاي مستحيل ادخل المستشفى بروحي

الولادة هذه حياة او ممات

ويمكن اتعسر او البيبي ينزل تعبان وتكون امي بعيدة عني

استغرب من حريم يربن بدون علم امهاتهم

وعن الزوج احسن انه يدخل معاك اقل شي يحس بالتعب اللي تتعبه الحرمة

واللي تقول كيف يدخل الزوج غرفة الولادة تاكدي انك مغطاية

ولا حد راح يسمح له يوقف مكان غير عند راسك

**دروبي متاهات** · 2011-02-10, 00:44

انا بعدي ما جربت
بس احس لاااازم امي وريلي يكونو عندي
احس بأمان بوجودهم

الموضوع: نعم أو لا !!! ولماذا ؟؟؟؟؟؟؟؟؟

أدوات الموضوع

عرض

نعم أو لا !!! ولماذا ؟؟؟؟؟؟؟؟؟

المزيد من آخر المواضيع من نفس القسم:

المواضيع المتشابهه

الحمل بعد الولادة ; متى ؟ ولماذا ؟

الحمل بعد الولاده كيف ولماذا؟؟؟؟

الفطرةالإنسانية ولماذا انتكست

الطلق الصناعي متى ولماذا؟

الطلق الصناعي . . متى ولماذا ؟