فقط للي متزوجين عن حب

**وجه الغرام** · 2011-02-07, 19:53

السلام عليكم و رحمة الله و بركاته

ودي اعرف كيف حياتكم الزوجيه مرتاحين و لأأ.؟؟

و إذا لا .. هل السبب الحب قبل الزواج؟؟

و كم كانت مدة حبكم قبل لا تتزوجون؟؟ ( كم الفتره اللي حبيتو فيها بعض)

و هل رمستيه قبل الزواج؟؟؟

أتريا ردودكم..

لا تقولو داشين تحقيق ... ^^

المزيد من آخر المواضيع من نفس القسم:

**مشوطه** · 2011-02-07, 20:06

من خلال الناس اللي اعرفهم يادوووب سنتين ولا ثلاث
ومن بعدها بررررود والخيااانه

**وجه الغرام** · 2011-02-07, 20:10

المشاركة الأصلية كتبت بواسطة مشوطه

من خلال الناس اللي اعرفهم يادوووب سنتين ولا ثلاث
ومن بعدها بررررود والخيااانه

انزين عارفه قصة حد تحكيها حقناا

و لا بس تسمعين؟؟

**الم امرآه** · 2011-02-07, 20:41

انا زواجي كان عن وضارب اهله عشان ياخذنى بس للاسف الحب انتهي من خامس يوم عرسنا صفعني يعنى يم كنت في شهرالعسل اونه

**حزن قلبي** · 2011-02-07, 20:43

زواج تقليدي

**جنـه الــورد** · 2011-02-07, 20:47

متابعه ...

**أم نسايم** · 2011-02-07, 20:55

ودي اعرف كيف حياتكم الزوجيه مرتاحين و لأأ.؟؟ الحمدالله مرتاحين ومستانسين واااايد.

و إذا لا .. هل السبب الحب قبل الزواج؟؟

و كم كانت مدة حبكم قبل لا تتزوجون؟؟ ( كم الفتره اللي حبيتو فيها بعض)الفترة كانت شهر وشوي

و هل رمستيه قبل الزواج؟؟؟
رمسته شهر ويه خطبني.وعارضو اهله بس طنشهم..هع
وسوينا أحلى عرس والحمدالله أحين بنكمل سنتين بس الحمدالله ألف حمد وشكر ان ما بينا خلاف ولا حتى نختلف ..

**Bonboon** · 2011-02-07, 20:57

الصراحة في هالزمن ما يستوي الحب قبل الزواج ممكن تحصلين بس نادرا

زواج تقليدي و الحمد لله

**بارونه..~** · 2011-02-07, 20:58

اعرف وحده معرفه شخصيه حيل حيل كانت تحب واحد معاها بالجامعه ومعاها بالسكشن
وكانت يوم الى ماتجي يعفس الجامعه ويسال ربعها عنها و يدورها في السكاشن وطبعا هي من عايله راقيه جدا وبعز معروفين
وهو كانت للاسف " امه هنديه " والوالد بحريني المهم كلمها قبل الجامعه وقصه حب دامت اربعه سنين المهم
تقدم لها ورفضوا اخوانها الشباب رفض كبير وريل اختها كان رافض بس اقنعت ابوها وخصوصا مايرد لهاا طلب

ولاكن تخيلوا ماعنده فلوس جاي المهم قريبتي عطته مهر وعطته فلوس الفندق وعطيته فلوس الزهبه وقالت له تعالل طق الباب

الريال يا طق االباب وطبعا لاقاها برخيص المهم وبعدها عاش عشر سنين معااها وجابت منه بنت وللد وو كانت تسفره كل صيفيه على حساب ابوها او فلوسها او اختها تعزموهم على حسابها

طبعا الريال صار عنده راس مال بسيط قرر يدخل البزنس معا ريل اختها ويوم تكون عنده راس مال كبير طللقها وحذفها وقالها مابيج تخيلوااااااااااااااااااااااااااااا والحين عايشه حيايتها

وبعد عندي وحده رفيجتي

حبت واححد من ايام المتوسطه وتققدم لها اخر شهر بالثانويه من التخرج ولله الحمد عايشه معاه احلا عيشه

اتمنى اكون فدتكم

**$ أم سلطان $** · 2011-02-07, 20:58

حبيت ريلي عقب ما ملج علي
واعتقد ان هذا اطهر واصفى واحلى حب .....

**الأحلام الملونة** · 2011-02-07, 20:58

أهم شيء بالزواج مش الحب الأهم يكون الزوجين عندهم مخافة الله ويعرفوا ما حقوق الزواج لأن الدين فية كل

الخير وحقوق الأزواج مصونة وكلها مودة ورحمة وأن وجدت هذة الأشياء تكون الحياة سعيدة وناجحة 0000

**راعية المرسدس** · 2011-02-07, 21:00

ودي اعرف كيف حياتكم الزوجيه مرتاحين و لأأ.؟؟ الحمدالله مرتاحه ويا زوجي اللهم لك لحمـــد..

و إذا لا .. هل السبب الحب قبل الزواج؟؟

و كم كانت مدة حبكم قبل لا تتزوجون؟؟ ( كم الفتره اللي حبيتو فيها بعض) ست سنوات وزوجي ولد خالتي.

و هل رمستيه قبل الزواج؟؟؟
كلمته برضى اهلـي (الوالده)..ولنه ولد خالتي هالشي ماكنت خايفه منـه.
أتريا ردودكم..

لا تقولو داشين تحقيق ... ^^

**برق لمع** · 2011-02-07, 21:00

انا متزوجه تقليدي بس حوالي يمكن 6 زواجات عن جب وكلها فشلت

**جروووح انسانة** · 2011-02-07, 21:00

كان يحبني وانا خبر خير ماكنت ادري الا بعد ما خطبني
انا ما كنت احبه بس ماكنت اتخيل انه غيره نصيبي سبحان الله
والحمدلله عايشين ومرتاحين
لابد من الخالافات البسيطه بس بالنهايه نرجع سمن ع عسل زي مايقولوا

**BINT SHJ** · 2011-02-07, 21:07

صراااااااحه ربيعاتي كلهم مرتاحين وبالعكس احس انهم وايد ويا بعض وعرفوو شخصيه كل واحد

الموضوع: فقط للي متزوجين عن حب

أدوات الموضوع

عرض

فقط للي متزوجين عن حب

المزيد من آخر المواضيع من نفس القسم:

المواضيع المتشابهه

ردي علي موضوع الوافدات الي متزوجين مواطنين

ما يخطبني الا متزوجين !!!!

قصص متزوجين مضحكه

سوالف متزوجين

هذه الفقرة لا تصلح لمن هم غير متزوجين