استشاره خواتي ....؟؟؟

[الغلا شما]

السلام عليكم

اشحالكن خواتي .. ان شااااء الله طيبات

ببدا موضوعي على طووول -_-


عندي بنوته عمرها اللحين سنتين ونص .. واريد عاللسنة الي بتي ادخلها كي جي 1 .. وبيكون عمرها لين هذيج الايام 3 سنوات و 3 شهور .. وواااايد مدارس تقبل بها العمر ...

االلحين انا محتارة .. حد يقولي صغيرة حرام ادحلينها خليها اتكمل الاربع بعدين دخليها ..

ماشاااء الله عليها تفهم .. وتعرف تنطق الحروف و الارقام مب مكسرة زووود .. ..

وبعد مشكلتي وياها انها يوم كانت صغيرة عودتها على الحمام من عمر سنة ونص وماشاااء الله عليها كانت تخبر يوم تبا تروح .. بس هالفترة اتغيرت قامت ما تخبر وكله توصخ ملابسها .. وشوي شوي بدي اترد على طبعها القبلي .. يمكن تغير طبعها يوم ربيت -_-

اريد ادخلها الروضة وهيه عارفه تروح الحمام الله يعزكم وتتغسل ..

ماعرف شوه الحل ... ياليت تساعدوني ؟؟؟؟


اختكم الغلا شما

المزيد من آخر المواضيع من نفس القسم:

• أسباب خوف الأطفال من المدرسة
• اسباب خوف الطفل من المدرسة
• سلبيات التحذيرات الزائدة في المدرسة على طفلك
• علامات جديدة على إصابة الأطفال بكورونا
• التعلم عن بعد تحديات وحلول
• خطوات لتعليم طفلك تحمل المسؤولية
• نصائح لتجنب الأساليب الخاطئة في تربية الاطفال
• خطوات لتحضير حقيبة المدرسة للأطفال
• علاج خوف الأطفال من المدرسة
• اسباب قلة تركيز الاطفال في الامتحانات

[βĔŇt ûǻĘ]

ابببببببببب

[hafoof74]

اختي من خبرتي لاتضغطين عليها وتدخلينها كي جي، نصيحتي دخليها بري سكول (هذي سنه تعدها للكي جي) يعلمون الاطفال اساسيات ومهارات حلوه . انا جربت ماي نيرسيري (حضانتي) والحقي قدمي هالايام. الله يوفقك ان شاء الله

[ليندااااا]

اختي من خبرتي لاتضغطين عليها وتدخلينها كي جي، نصيحتي دخليها بري سكول (هذي سنه تعدها للكي جي) يعلمون الاطفال اساسيات ومهارات حلوه . انا جربت ماي نيرسيري (حضانتي) والحقي قدمي هالايام. الله يوفقك ان شاء الله

[شوك و ورد]

من رايي اذا بيقبلونها وهي ماشااء الله عليها تفهم اتوكلي على ربج ودخليها,,

[@أم عمر@]

[IMG]http://www.*******.org/images/gzddy9lja582f3t733cr.gif[/IMG]

[ليندااااا]

للرفع

[هند سلطان]

للرفع

[ريم 8]

اختي من رايي انج ادخلينها المدرسه ....انا بنتي الحين عمرها 3سنوات وشهرين والين تفتح المدارس بيكون عمرها 3سنوات و8شهور وهي الحين ماتعرف ترمس عدل مرات ما يفهمون عليها ويقولولي ترجمي ههههههههه
وان شااااااااء الله بدخلها الكجي 1 وشوي شوي بتتعلم ......توكلي على الله ودخليها ....

[moon_99]

انا دخلت ولدي و عمره ثلاث سنوات و مترددة وايد افكر اخليه ايعيد kg2 قالو لي لو مشى في الصف الاول و الثاني ما بيروم يمشي في ثالث و رابع و الصفوف الاعلى لانه عمره اصغر من ربعه المهارات بتكون اكبر من عمره

الله يعلم

رجاء من الاخوات اللي تروم تفيدنا بنصيحة جزاها الله خير و اللي ما عندها نصيحة ترفع لنا الموضوع

و الله يسهل اموركم ان شالله

[moon_99]

للرفع