إبتزاز خدامة

[نظرة برائة]

الله يحفظكم منها يااارب

هالخدم ما ينعرف لهم شو مايسوي الواحد لهم ما يبين ف عينهم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[تانجرين]

أختي إللي أعرفه إن الDNA إللي يكون فيه شي من أثر الإنسان (الشعر، الجلد الميت، الأظافير...إلخ) هي إللي عن طريقها ممكن يصير السحر.

إللي معها مجرد صور لا أكثر. يعني هي بيكسلس و إذا مو معها أي شي من ملابسكم أو ما شابه فكل تهديداتها كلام فارغ. أنصحكم تكلموا إتصالات أو دو يعلموكم كيف تسوون لرقم هالهبلة بلوك عسب ما تروم توصل لكم و تأذيكم بحشرتها بعد اليوم.

[ريح الشمال777]

تعرفوووووون ياااااابنات ابا انصحكن نصييييحه وانا قارية عنها في منتدى ثاني وشفته اوكي
انها اول ما توصل تفتشين اغراضها في المكتب واي شي غريب وشاكه فيه شليه عنها
خليها تحس انج ارباب البيت وطبعا ريلج وعياااااالج تخدمهم بس بحضورج مش بغيااااااابج وكله بإشرافج وافضل بعد اتحطووووووون كاميرات في اكل البيت عشان تعرف انه ما في شي في البيت مش مراقب

واخر شي واحلى شي سويييييييييته في خدامتي الاندونيسيه السخيفه قبل لا تساااااافر
جيكت على اغراضها شفتها لابسه ملابسي متصوره فيهن ومن غير متصوره في غرفة عيالي ومن غير بلاوي ثانيه واخر شي خاشه صورة ريلي عندها الحيوااااانه قمت شليت صور عيالي وخذت البومها هي وريلها ولدها وأهلها كلهم وخليته عندي طبعا بدون ما تدري
بعد فتره كانت اطرش مسجات تهديد طرشولي فلوس ولا ببهدلكم وانا طاف لين ما شفتها انها مصره انها تبا تبهدلني انا وريلي قمت طرشت بشكارة اختي تكلمها ان المدام عندها البوم صورج انتي وريلج وولدج وأهلج كلهم وبعد المدام ترااااااها تعرف ساحره اندونيسيه واندونيسي وافريقي كلهم يسوووووون سحر الموت اذا سويتي بتسوي في اهلج كلهم نفس الشي
اتصدقون من يومها لا اتصلت ولا طرشت اي مسج ف اشوف كل وحده تتشطر عليهم بطريقه معينه عشان يحرمون يسوووووون سواااالفهم الخايسه

[ام سلامة.]

حسبي الله ونعم الوكيل

[حشيمة الذآت]

الله ينتقم منها
وربي يحفظكم
هذيل هب هينين
الله المستعان
اقري وحصني عمرج

[عيـــــن]

الله يعينج يا اختي ..
اول شي انتي غلطي يوم عطيتيها وجه زياااااااااادة ثاني شي زوجج غلطان انه كان يوم تشتكي يعبر كلامها وتستوي مشاكل بينكم .. لانه عطاها مجال .. والخدامه ماحد يعطيها مجال اذا شي في خاطرها تكلمج انتي ريلج مالها خص .. انا خدامتي نفس الشي ما اعطي ريلي مجال يكلمها اول يطلب منها شي ابدا ابدا .. واذا فيه اغراض للبيت تكلمني انا ريلي ما له خص .. واذا كوت الملابس حقي وحق ريلي تحطهم في غرفة العيال وانا احطهم في درجي .. حتى غرفة النوم ما تدخلها ابد ابدا واذا بتنظفها اكون في الغرفة.. الموبيل ممنوع تبا تتصل تتصل من موبيلي في حضوري وانا ادق لها الرقم .. وانا حافظة رقم زوجها ورقم امها يعني مافيه مجال تدق لحد ثاني .. ويوم تتكلم اوقف احذالها .. واذا تأخرت ااشر لها انها تأخرت .. وافكر يوم سفرها اوديها بيت اهلي وقبل ما تطلع افتش شنطة اليد حقها واحطها في بيت اهلي وارجع بيتي وافتش اغراضها واشلهم في السيارة وامر آخذها من بيت اهلي للمطار على طول ما اخليها ترد للبيت لانها يمكن تكون مخبية شي لين قبل السفر بشوي وتشله مثل صورة او ذهب او اي شي .. الله يستر