إبتزاز خدامة

[مزة وحدة بس]

السلام عليكم خواتي

مب عارفة وين أبدأ وياكم بس أكيد ما بدخل بالتفاصيل وياكم

وما أريد عتب ولا شيء

بغيت نصيحة أو حل للمشكلة

أنا من سنتين أستقدمت خادمة أندونيسية تشتغل عندي لأنه ما شاء الله زادت عائلتي. واحتجت لخادمة تعاوني على شغل البيت

المهم يبت هالخدامة وكانت تشتغل قبل في دولة خليجية وكانت فقط تشتغل مربية أطفال .... المهم من حسب كلامها عنهم انهم كانوا هالكينها بالشغل لأنها كانت تهتم ب 9 أطفال بروحها يعني كانت تشتغل في بيت العائلة الكبير وكانت تمسك العيال من يقومون من النوم الين الليل بروحهم لان الأمهات كانن يشتغلن

ما علينا من هالشيء .... المهم أنا رحمتها اولا لانها ضعيفة وايد واذا اشتغلت على طول تطيح مريضة .... يعني أعطيها شغل على قدها وثاني سبب للرحمة انها المعيل الثاني لأهلها ...
المهم أنا ما شفت عليها شيء كانت زينة معاي ومع العيال ونظيفة ...في اخر فتراتها كانت تسوي مشاكل مع اهل البيت وريلي والطباخ يعني ما خلت حد بحاله ... لدرجة وصلت انها تسير لريلي وتشكيله وصار يهادني على سبتها
المهم تحملت الين طفح الكيل

طلبت من ريلي يسفرها وقبل لا تروح المكتب خذت تيليفونها وحذفت صور العيال
وصارت بلادها ... واستقدمت خدامتين وكنسلت الطباخ عشان أخذ راحتي في بيتي اكثر

المهم صارت الخدامة الأولية تطرش مسجات لريلي وتقوله انها مظلومة ويا ويله من ربه الخ من هالكلام
وتمت تتصل فيه وتسكر
اتصل فيها وصرخ عليها

الين ما سوت مسج الصبح مطرشة صورة لعيالي وشكلها مصورتنهم من تيليفون ثاني عندها

ريلي خاف واتصل علي على طول وقالي حصني عيالج كلهم اليوم

والله انه قلبي قابضني من الصبح ومب عارفة شو اسوي

أخاف على بيتي وعيالي وريلي من هالخدامة أخاف تسوي سحررررر

ادعوا انه الله يحفظني وريلي وعيالي من هالخدامة

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

[* ام خماس *]

وقل لن يصيبناا الا ماا كتب الله لنااااا

الله يرد كيدهاا في نحرهاا ويحفظكم من كل شر ياارب

اقري المعوذاات وحصني البيت بالي فيه .. وعليج بالرقيه الشرعيه وسورة البقرة فديتج

[الهوى الغايب]

واااااي خوفتيني

الله يحفضج انتي وريلج واعيالج يارب
بس صدق كل يوم اقري عليهم
وعوديهم هم بعد روحهم يقرون

الله يبعدنا عن السحر وبلاويه يارب

[أم الخليفي]

حسبي الله عليهن من خدامات ..


نحن نسوي فيهن خير وهن الله واكبر منهن ..


حصني نفسج وعيالج وبيتج وزوجج ...والله الحافظ ان شاء الله ...

[اوبريتر]

حسبي الله عليها

عساها السقم

خل تولي .. حطو رقمها فاللسته السوده
عشان كل ما تتصل تشوف انه ما يستوي بتطفر و بتنساكم

الله يعين البيت الثاني الي بتسيره

[مزة وحدة بس]

حسبي الله عليها

عساها السقم

خل تولي .. حطو رقمها فاللسته السوده
عشان كل ما تتصل تشوف انه ما يستوي بتطفر و بتنساكم

الله يعين البيت الثاني الي بتسيره

كييييف علموني
تيليفوني نوكيا
يمكن ما تضبط السالفة ويستوي حظر على الكل

[مزة وحدة بس]

والله من الصدمة يلي صارت لي قمت اخربط بالآيات
ومن راحت دوم أطيح غشيانه قلت يمكن حامل بس ماني بحامل
ما بظلمها الله يسامحها

[Red_Cherry]

حبيبتي عليج بسورة البقرة
والمعوذات صبح ومسا
والله يحفظ عيالج

[مالكـ أمل]

حسبي الله عليهن هالخدامات

مب وراهن غير المصايب

الغالية حصني عيالج وريلج عدل ربي يحفظكم

[مزة وحدة بس]

الغلطة يلي سويتها اني خليتها تشل تيليفونها وياها لو اني خذته كان زين
بس ما حطيت في بالي انها تستغل صور العيال
وعلى فكرة من طلعت من عندي ما اشتغلت

[مبتسمةمتفائلة]

مالج الا الرقية الشرعية و الدعاء لعيالج و زوجك ان الله يحفظهم من كل شر و سوء

[اناناسة]

لا تخافين ما تقدر تسوي شئ انا خدامتي سرقت فلاش ميموري بالكامل الله لا يسامحها

بس التقصير مني انني من ضاع ما فتشت اغراضها

تطرش مسجات و انا طااااااااااف و طبعا رقم ريلي ما عندها بس عندها رقمي

اقري على عيالج و نفسج و ريلج و توكلي على الله لا تخافين ابدأأأأ دام واثقه الله معاج

تخيلي مالتي شو مطرشتلي قبل فترة !!!!

خليني انقللج من الفون ...

هي طرشت هالمسج لانني فتشت اغراضها قبل ما تروح بس ما لقيت شئ

لانه واايد صغييييييييييييييير و كانت سارقه اغراضي تظاهر

مطرشتلهم من قبل و الله اعلم ...

كاتبه عربي بحروف انجليزيه ....

انا كنت اعتقد قلب مادام نفس وجهها ..

و لكن قلب مادام سيم سيم شيطان !!!!


انا واللهي ما حبيت هالشئ !!!!

[مزة وحدة بس]

لا تخافين ما تقدر تسوي شئ انا خدامتي سرقت فلاش ميموري بالكامل الله لا يسامحها

بس التقصير مني انني من ضاع ما فتشت اغراضها

تطرش مسجات و انا طااااااااااف و طبعا رقم ريلي ما عندها بس عندها رقمي

اقري على عيالج و نفسج و ريلج و توكلي على الله لا تخافين ابدأأأأ دام واثقه الله معاج

تخيلي مالتي شو مطرشتلي قبل فترة !!!!

خليني انقللج من الفون ...

هي طرشت هالمسج لانني فتشت اغراضها قبل ما تروح بس ما لقيت شئ

لانه واايد صغييييييييييييييير و كانت سارقه اغراضي تظاهر

مطرشتلهم من قبل و الله اعلم ...

كاتبه عربي بحروف انجليزيه ....

انا كنت اعتقد قلب مادام نفس وجهها ..

و لكن قلب مادام سيم سيم شيطان !!!!


انا واللهي ما حبيت هالشئ !!!!

ضحكنيي مسجها والله
بس أنا مالتي شو كاتبه حق ريلي
كلام وايد ما اتذكره بس في النهاية كتبت اسمي هاذي كداب والله وبعدين انته يشوف. قلب مدام زين هدا شيطان
ضحكت من خاطري على هالمسج
لأني ما قصرت وياها و واثقة تمام الثقة اني ما ظلمتها وهي يلي ظلمت نفسها

تبا تتدلع؟؟؟ خليها الحين تتدلع في بيت أبوها

[اناناسة]

ضحكنيي مسجها والله
بس أنا مالتي شو كاتبه حق ريلي
كلام وايد ما اتذكره بس في النهاية كتبت اسمي هاذي كداب والله وبعدين انته يشوف. قلب مدام زين هدا شيطان
ضحكت من خاطري على هالمسج
لأني ما قصرت وياها و واثقة تمام الثقة اني ما ظلمتها وهي يلي ظلمت نفسها

تبا تتدلع؟؟؟ خليها الحين تتدلع في بيت أبوها

خلوها تتدلع ههههههه

ما علييييييييييييج منها هذي مقهورة , و انتي ما قصرتي

فيها و رحمتيها ...

الانسان لما مقهور يتم وراء الشخص لين ما يريح قلبه ...يعني شئ نفسي..

و هي الان مقهورة انكم مطنشينها خلوها لا تردون عليها ابدأأأأأ

و لكن لا تنسين الرقيه الشرعيه و بس


انا اؤمن و بشدة بالرقيه و دايما يوميا احصن نفسي و العيال و ابوالعيال بيتي قبل ما الخادمه تدش البيت

و دااااايمأ قبل ما احط اي موضوع احصن نفسي ههههههه و ايضا العيال اول ما ينشون و ابوهم بعد الله يحفظهم و يحفظني



الحين بكتبلج مسج حلوتي بالضبط اللي كاتبه محتفظة فيه كذكري لوووول


ana mapi pikir gelbi madam mapi simsim wajah,
gelbi madam simsim setan
asan sujon sawa2 ana wallahiladzim ana mahebi

[تووتانة]

لاحول ولاقوة الا بالله

هالموقف صار ويا وحدة من معارفنا الخدامة صورت العيال وتمت اطرج مسجات للام انها بتسوي عمل

وهيه راحت لشيخ قالها اهم شي

تحصني انتي والعيال بالمعوذات واذكار الصباح والمساء

قراءة سورة البقرة كل يوم

وتقري سورة البقرة بماء وترشه بالبيت كامل وبرع باب البيت ومن داخل



الله يحفظكم من الشر والحسد ويرد كيد الظالمين بكم في نحرهم يارب