Till I get married........... not defined!!

[ونّات قلب]

السلام عليكم و الرحمه


اخباركم؟ كلن بحاله ^^"


من امس وانا في بالي شي.. وناويه اسويه .. و اباكم تساعدوني..

انا عمري 27 سنه.. مدرّسه .. و متوسطة الجمال.. اختي الكبيره عرّست و اختي الصغيره عرسها بعد شهور

وانا الوسطى من بينهن..

تقدموا لي .. بس ما صار نصيب.. قبل ما كنت اريد اعرس.. و صارت فتره.. اختي انجبرت توافق و كنت ادعي الله فالليل و النهار و اصييييييييييييح اقول يارب سد طريج كل حد يتقدم لي

كنت خايفه انجبر على العرس<< هالكلام من سنه

بس تقدم لي من عقبها 2
الحين ندمانه على دعاااائي

اتمني اني اعرس والله من خاطري .. بس هالفتره صايره اسمع ان الي يعرسون و هم في عمري.. يدووروون بنات اقل من 25 و حتى يبوهن بنات 20 و 22
انا مستعده للعرس بكل ما اوتيت من قوه هههههههههه

و صدق احس اني معنويا و جسديا و غيره.. كله جاهزه .. بس اتريا الريل
اول مره افاتح الوالده واقول لها اريد اعرس :$ احس حسيت ان ويهي لووووووح
بس اخافهم يتمّون يردّون كل الي يتقدموا لي واتم وحيده =\

دعا و دعيت.. قيام ليل و قمته.. وامليه بالله قوي.. مرات احس ان برجع من الدوام و بتحضني امي و بتقوول مبروك يا عرووسنا.. انخطبتي

ومرات احس اني عمري ما بكون البنت الي تنزّف على الكوشه ودايمن بكوون بس وحده من المعازيم

هل استعين بالخطّابه؟؟
انا من العين.. و اهليه ما عندهم هالسوالف.. بس قلت العرس ستر.. يعني ما بسوي شي غلط..

مادري يا حلوات شو اقول.. وشو اخلي

اختيه العوده عرست و عمرها 29 يعني دايمن اقوول.. غيري وصلوا 30 و فووق و ما عرسن.. امليه بالله قووي الحمد لله
و من امس ردّيت اصلي قيام وادعي.. عسى الله يفرحني.. و يفرح قلبي


اللهم لا تذرني فردا وانت خير الوارثين


من الخاطر اريد ما تمر هالسنه إلا وانا عروس

اريد اجوف عيالي..

اريد ادلّع ريلي

اريد ادخل منتداكم واحط فالتوقيع.. باقي عن العرس كذا كذا يوم .. أو اللهم ثبت حملي

مليت وانا ادخل و اقرا افكار لاختي ولا ربيعتيه

او اني اجهز لهن العاب للزوجيه .. اريد اسوي اشياء لي انا

شوركن يا حلوات؟

ودعواتكن

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[C . D . F]

الله يررزقج ويرزقنآ بالزوجِ الصآلح ‘

وان شآءِ الله ماتتعدي هالسنه الا وانتي عرووسِ

بسسس والله ادعى رببج ولاتياسسينِ

[*كسر الخواطر*]

الله يرزقج يااارب .......

اصبري ولاتفكرين وايد ف موضوع

[ابداااع للتصميم]

الله يرزق بالزوج الصالح عاجلا غير اجل يااا رب""
والزواج ماله عمر يوم ربنا يريد بيصير اللي بخاطرج "بس خلج فقيام الليل والصلاة والدعاء ""
وان شاء الله الموضوع الياي يكون تهنئة بمناسبة خطوبتج ياااااااااااااااااااااااا رب نولها اللي بخاطرها امييين""

[الغر الحشيم]

الله يرزقج بالزوج الصالح عاجلاً غير آجل =)

اممم احس الشي يوم وايد تفكرين فيه ما يستوي !

يعني اذا موضوع الزواج شاغل بالج حاولي تعيشين حياتج و ما تفكرين

و فجأه بتحصلين عمرج مخطوبه بدون سابق انذار ^.^

كل شي قسمه ونصيب فديتج و اقدارنا مكتوبه لنا قبل ما نطلع على الدنيا

بس انتي خليج متفائلة و ايجابية و لا تفكرين وايد بموضوع تأخير الزواج

لازم تسوين اللي عليج و الباقي على الله

يعني اذا انتي من النوع الهادي و الخجول خليج اجتماعية و خالطي الناس

روحي العزايم والاعراس ويا امج و خواتج و اكشخي و سولفي مع البنات والحريم

فالمدرسة اللي اتداومين فيها دوم خليج كاشخه و مرتبه و انيقة و متحدثه لبقه و حظورج طاغي

و جيه الناس بيشوفونج و بيعرفونج اكثر و اكيد وايد حريم يدورون عرايس حق عيالهم و اخوانهم

بس موضوع الخطابة ما انصحج ابد لان في هالزمن معظمهن نصابات و ماشي صدق ولا أمانة و ما وراهم الا المشاكل

الله يوفقج و ان شاء الله نشوفج عروس عن قريب

و كل البنات وانا وياهم ياارب ^.^

[nameless]

الله يرزقج بالزوج الصالح اللي يكون فيه كل المواصفات اللي تبينهاا عاجلا غير آجلا

و عقبال ما تفتحين موضوع يخص عرسج ^*

الله يسعدج الغاليه

[ام رشوودي]

الله يرزق بالزوج الصالح عاجلا غير اجل يااا رب

[dalo3aa]

الله يرزقك بالزوج الصالح عاجلا غير اجل اللهم امين

[MiSs.M!M]

يالله يأأأأأأرب مايخطف هالشهر إلا وانتي مخطوبة يارب
وماتمر السنة الا وانتي احلى عروس باذن رب العالمين

دعيت لج من قلب لاني حاسة بشعورج *__*

الله يوفقج غناتي ويرزقج الزوج الصالح والذرية الصالحة

[منى الفقى]

الله يرزقج الزوج الصالح عاجل غير اجل

اللهم آآآآآآآآآميييييييييييييين

[عافك]

الله يرزقج الزوج الصالح اللي يسعدج ويعوضج الايام اللي راحت

وتعيشين أحلى أيام وإن شاء الله تكتبين موضوع خطوبتج عاجلا غير آجلا

الله يرزقني ويرزق جميع العزابيات الازواج الصالحين

[* ام خماس *]

لا اله الا اله 00 حبيبتي توكلي على رب العالمين والله ماا يرد عبااده ابداا

الزواج مثل الرزق فديتج بخطااابه وبدونهااا بييج بأذن الله ^_^

عزيزتي لا تخلين الزوااج اكبر همج بالحيااه 00 اشغلي نفسج بالله تعاالى وبأشياا تنفعج بالدنياا والاخرة

الاستغفاار فوائده عظيمه ماا اوصيج عليه ^^

الله ايسر امورج ويرزقج الي في باالج عااجلاا غير اجل اذا كاان فيه خير لج عنووني

[صاحبة السمو85]

هلا اختــي ..
لاتستعينين بخطابهـ ولا شي ,,استعيني بالله اللي بيدهـ كــل شي

والله يسهل امووورج^^

[أم اشجان]

وكلي امرج لله وان شاء الله خير

[أم خلوفي..~]

الله يرزقج الزوج الصالح اللي يسعدج ويعوضج الايام اللي راحت

وتعيشين أحلى أيام وإن شاء الله تكتبين موضوع خطوبتج عاجلا غير آجلا

الله يرزقني ويرزق جميع العزابيات الازواج الصالحين