زواج بس للاسف بالسر

**نجمة الفجيرة** · 2011-02-01, 13:57

المشاركة الأصلية كتبت بواسطة bellegirl

لا حول ولا قوة إلا بالله

أول شي أختي بعطيج الحكم في هذا الموضوع من موقع إسلام ويب

وأما زواج السر فلا حرج فيه إن كان مستوفيا للشروط والأركان من وجود ولي للمرأة وشهود عند العقد، فإن تم ذلك فبها ونعمت وإلا فعليك أن تكف عن لقائها والخلوة بها والحديث إليها وغير ذلك مما هو محرم شرعا، ولا يكن أمر الله ونهيه أهون عليك من هواك وغواية الشيطان الرجيم.

ولمزيد من الفائدة يرجى مراجعة الفتاوى ذات الأرقام التالية: 3395، 5779، 5556، 5707.

وثاني شي أبغى اقول اني مب معرسـة بالسر عسب محد يهاجمني ^^

وثالث شي أبغى اقولج رايي أختي

هذا الشي من ناحية الدين ما عليه حرج

لكن من ناحية شخصيـة الإنسان وكيانـه

ما يرتاح فيه

لإن العلاقـة الزوجية نوع من الحريـة للأزواج عسب يعبرون عن مشاعرهم ويتعاطفون مع بعض ويكون في مودة ورحمـة

وأحس يوم العلاقـة تكون مقيدة بالتخفي الأزواج يكونون تحت ضغط كبير غير ضغط الزواج نفسه

وإذا الأهل مب متفاهمين اذا اكتشفوا هذا الشي يقدر يسبب في شتات الأسر

ويقدر يتسبب في عدم أداء الطرفين لبر الوالدين وصلـة الرحم الي نحن مطالبين فيها على أكمل وجه

يعني شي صعب وجدا صعب

ما أقدر أمنعه ,, لكن لو الراي لي بقول لأ

والاستخارة ثم الإستخارة ثم الإستخارة

والسموحـة منج أختي

ربي يرزق كل انسان على قد نيته

ويهدي بعض الأهالي الي يوقفون في طريق عيالهم

والله المستعـان

كفت ووفت الاخت

**الفلاسييه** · 2011-02-07, 05:46

عليه يرفض رفض نهااااااااااااااااائي .. اولا هاي حياته

ثانيا بنات الناس مب لعب ...

عليه يصر على رايه و يقول ان ما وافقتوا على بنت فلان انا بتقدم لها بروحي

و هني الاهل لما يشوفونه جاد بيلينون ان شاءالله

**اهلين و سهلين** · 2011-02-07, 07:56

لو هو عزابي ومب متزوج و يبغي يتزوج وحدة و اهله مب راضين

شو يعني يتريى و يرفض طلب اهله رفض نهائي

انا سمعت سالفة واحد كان يحب وحدة و اهله مول ما طاعووا جان يهدد امه وجي قالها بظهر من البيت و ما اهتمت و ظهر
ااجر له شقى لمدة 6 شهور و الام ولا حن قلبها غير عقب هاي الفترة و قالت بخطب لك البنت
وعقبها البنت عرست و حالته النفسية انه تعب المسكين قلبي تقطع عليه

انا ضد زواج السررر بالعكس يخبر اهله ان بيخطب البنت و بيملج اهله و لو ما حضروا ها الشي براحتهم لازم يدرون انه بيعرس

**Pheno-m-enon** · 2011-02-07, 07:57

وايد ناس امورهم معلقة للاسف بسبب الاهل = )

**Miss.Elreem** · 2011-02-07, 07:58

الاهل دووووم جيه ..يحطون عمارهم فاهمين و عيالهم بعدهم صغااار و ما يعرفون مصلحتهم لو صكوا الاربعين

بالنسبة لي ..ارفض هالنوعية من الزواج و احلى شي ف العرس انه الكل يبارك و يتمنى السعادة الكم سواء من اهله او اهلكم

بس بقولج نصيحة و لا تآخذينها حالها حال اي نصيحة

صدقييييييييييني و اقسسسم لج و عن تجربة شخصييية ...انه الدعاااااء يغيييير القضااء

خليهم يدعوون و يدعووون من قلبهم لرب العالمين انه ايسر الهم امور هالزواج و يجمع بينهم بالحلال

و صدقيني بتشوفييين الامور تتصلح بطريقة روووحج بتمين مستغربة منها ..

ربج قادر على كللللل شي

**مواليد2010** · 2011-02-07, 08:48

انزين هو مب صغير عشان يمنعونه احسه يجذب عشان يوم ما يباج يقولج انا قلتلج من البدايه اهلي رافضينج خليه يقنعهم دام يباج

**نجمة الفجر** · 2011-02-07, 08:56

أنا ما أعترض ع طريقه الزواج لانه ما حب أفتي بشي ما عرفه

بـــــــــــــس

حلاااااات الشي يووم يكوون معرووف وعلني ع الأقل الوحده تحس أنهااا هب زوجه بالدس.

**جرح وحداوي** · 2011-02-07, 09:06

الاستخااارة..

واذا تبين الرااي...ليينمتى بيتم بالسر.

وماتبوون اتييبون عياال وبعديين..

حبيبتي راح اتصير مشااكل بالزواج بالسر.

يمكن بتتهنوون فاولها وبعديين..

على حسب طبيعة علاقته مع اهلة..

لوعرفوو كييف بيرضوون ..

ولو مارضو شوبيسوون وشوحكمهم علييه..

بيخلووه يطلقها وتخير..

ولا بيزوجوه ثاانية وتخير..

ولا بيرضوون وبيسوولها مشااكل وتخسر..

بس هذا مايمنع ان ممكن يتقبلوون ويعيشون بسعاادة..

بس لييش نقوول يمكن ويمكن ..

خلييه يحااول لو كم مرة بس ويخبرهم ..

يحااول يقنعهم ..

ويقوولهم ليين متى انا مب صغير.

ربي يهدييهم ويوفق الكل...

**ميروووه** · 2011-02-07, 09:53

بخبرج عن سالفة واحد ياسي من هل العين ..هالياسي حب وحده عيميه من الشارجه طبعا" هوه كان صادق وياها ويبا ياخذها وفهمها من البدايه انه ما يقدر يتجرا وايفاتح هله انه بياخذ وحده هب ياسيه وخطبها وازوجها وسكن وياها ف امارتها (وطبعا اهله ما يدرون بشي ) كان سعيد وياها بكل ما ف الكلمه من معنى يظهرون يتحوطون لين دروا هل الريال (الله واكبر ) اتصوا به خوانه لكبار وقالو له نباك ظروري ياهم العين ولقى اخوانه الاكبر عنه وامه مجتمعين واعيوانهم يطاير منها الشرار ما ناقشوه ليش ؟؟ ومتى واشجايل ؟؟ لا قالو له الحينه وغصين عنك بطلق هالي خذتها ..وطلقها غصبن عنه ..طلقها وهوه ايموت فيها ..طلقها من غير اي تبرير (حكم القوي على الضعيف ) واعرف وحده ثانيه بعد امعرسه بالسر وما دروا اهل الريال الا عقب كم سنه وقدها امعيله ..لكن هالشي ما شفع لها ويروا لعيال عنها وجبروا الريال ع الطلاق وشوفو قلبها وحرقته على اعيالها لين يومكم ما شافتهم ..لا اله الا الله شو هالبشر ؟؟؟ شو هالجبروت ؟؟
المثل ايقول اشلي بالبحر واهواله وارزاق الله على السيف؟؟؟بالتوفيج يارب

**حزن قلبي** · 2011-02-07, 22:37

اللي ما يسوي حساب لاهله ما فيه خير لغيره اولا
و ثانيا محد ينجبر على الزواج و الريال الحين ياخذ الي هو يباها و الاهل ما يقدرون يقولون شي

**Dlaal** · 2011-02-07, 22:40

انا ضد هالزواج

مهمااا كان مصيره يكنشف الامر ف ليش من البداية مايكون علني

صدقيني مابترتااااحيييين

**اهلين و سهلين** · 2011-02-07, 22:42

ليش بالسر سواء انتي او غيرج بنات ناس

لو نفرض اهل الريال مب راضين بالعكس سوي عرس و وزعوا البطاقات و خبروهم بالعرس

اما بالسر ومحد يدري جنكم مسوين جريمة مول ما انصحج لو اهله عرفوا بتطلقين و بعدين بتقولين يا عين يا ليل

اخت ربيعتي يلست 12 سنة تتريى شخص و اخر شي ولا استوى نصيب و ندامة قد شعر راسها لا تضيعين عمرج

**جنـه الــورد** · 2011-02-07, 22:47

يا اختي وهي ليش رابطه حياتها بشخص 6 سنين واهله مب موافقين ؟؟

اخرتها بيمل وبيتزوج وحده من اختيار اهله

انصحها تبعد عنه وتشوف حياتها وتعرس قبل لا تعض اصابعها ندم كفايه 6 سنين من حياتها الي راحو ..

منو يدري لو خذاها بالسر يمكن ينجبر يطلقها !!!!!!

**وجه الغرام** · 2011-02-08, 19:46

الإستخاره ثم الإستخاره

و إذا هم مضطرين فيتوكلو على الله

بالحلال و لا الحرام

و يوم الاهل بيعرفووو أكيد بيعصبووو بس في فالنهايه ما بيرفضو هالزواااج..

**ملكة الاحاسيس** · 2011-02-08, 19:56

الخااااسر الاكبر في هالزواج الحرمة مب الريال هو بيلاقي غيرها لو صار طلاق وهي لي بتاكلها

افضل انه يتم اشهار الزواج مثل ما امرنا الرسول محمد صلوات الله عليه

الموضوع: زواج بس للاسف بالسر

أدوات الموضوع

عرض

المواضيع المتشابهه

زواج بالسر!!!!!!!!!!!!! الجزء الثاني

زواج بالسر !!!!!!!!!!!!