بروح بيت أهلي

**ba6006a** · 2011-02-01, 10:34

السلام عليكم بنات شخباركم؟؟

ربيعتي ماخذة ولد عمتها و عايشة وياهم فنفس البيت و في بداية الزواج كانت تصير بينها و بين عمتها مشاكل بس خفت مع الأيام. و من فترة صار بينهم سوء تفاهم فهي زعلت و راحت بيت أهلها و ريلها اللي هو ولد عمتها راح معاها و قرروا يعيشون هناك و ما أيون غير زيارات حق بيت عمتها.

أنا أشوف تصرفها غلط و أبغي أنصحها لأني اعتبرها أختي مب بس ربيعتي و مستغربة ليش ريلها ما له راي في الموضوع و على طول وافق أنه يروح معاها بيت خاله اللي هو أبو مرته. و اللي خلاني أطرح الموضوع هو أنه أم ربيعتي متضايجة من اللي صار و اتصلت بي و قالت رمسي بنتي أنها ترد بيت عمتها وي ريلها لأن ما يصير هي و ريلها يعيشون وياي في البيت أنا عندي بنات فبيتي و ولد أخوي على العين و الراس بس كل شي له حدود و هي رمست ربيعتي و نصحتها بس ربيعتي مصرة على رايها.

شو رايكم يا بنات و كيف ممكن نحل الموضوع؟؟

المزيد من آخر المواضيع من نفس القسم:

**فجر الغلا** · 2011-02-01, 10:39

و الله حبيبتي مااعرف شو اقولج يمكن عمتها وايد تسوي لهم مشاكل وتدخل في حياتهم ...

**almasha3er** · 2011-02-01, 10:40

الام معاها حق

والبنت ها تصرف خاطيء لو ماعيبه يعيش وياامه يسير ياجر شقه وولا انه يعيش بيت ام حرمته ها غلط ومب حركاات رياييل

الام تبي تاخذ حريتها ويابناتها

والله يهديهم

**bellegirl** · 2011-02-01, 10:44

لا حول ولا قوة إلا بالله

ما أعرف أختي

بس أنا أوافق ان الإنسان يدور راحتـه بس بدون ما يحرج غيره

اذا أهلها ما يبغونها اتم وياهم يخبرونهـأ

بس أحسها مب حلوة مهما كان هذول أهلها ولازم يوقفون وياها ويساندونهـا ..

وريلها يمكن بعد يبغى يشتري راحته

ترى مشاكل الأم مع حرمـة الولد في أغلب الأحيان تيي على الزوج

لإنه يعاني الأمرين ,, أمـه و حرمتـه ^^ !

بس ما أدري

انتي سوي الي عليج ووصلي لها المعلومـة

وخبريها تحاول تدور إجار برى هي وريلها ولو يكون استوديو

بس على الأقل مكان يكونون مرحبين فيه وما يثقلون على حد

بس صراحـة أنا رغم اني ما أعرف أمها بس ما حبيت رمستها

صح هي أدرى بظروفهم

بس مب حلوة تطلع بنتها برى ..

والله يهدي الجميع

**أنثوية** · 2011-02-01, 10:48

يأجرون شقه ويبعدون عمارهم عن المشاكل ولا انهم يتلتهون وكل مره فمكان

**رها** · 2011-02-01, 10:48

والله انا مع الوالده مايصير يسكن معاهم....
ما يقدرون يأجرون ....
التسامح زين البيوت ما تخلى من المشاكل ....

الله يصلح من بينهم

*** ام خماس *** · 2011-02-01, 10:56

الله المستعان
حبيبتي رمسيها وفهميها النقطه إلي مضايقه أمها

إذا تغار ع ريلها بتطلع اليوم قبل بأجر

وإذا ما تغار وعادي عندها فالله المستعان

الله يهدي النفوس ياارب

**ba6006a** · 2011-02-01, 11:17

هي صح كلامكم بس أخاف تنجرح لو رمستها و أمها متضايجة وايد لأنهم أهل مب غرب عن بعض و ما ودها يصير أي خلاف بينهم

**ابتسامة قمر** · 2011-02-01, 11:33

المشاركة الأصلية كتبت بواسطة أنثوية

يأجرون شقه ويبعدون عمارهم عن المشاكل ولا انهم يتلتهون وكل مره فمكان

**سنفونية** · 2011-02-01, 11:51

انا عن نفسي ما احب الريال اللي يعيش بيت اهل حرمته مهما كانت القرابة

**أسيرة الماضي** · 2011-02-01, 11:52

ابصراحه انا ما اعرف شو ظروف الام
بس يوم البنت وريلها مب مرتاحين في بيت اهل الريال وما يقدرون يأجرون .. ما فيها مشكله انهم يسكنون عند اهل البنت
ما اتوقع ان في ام ما تبا بنتها وريلها يسكنون عندها فالبيت
وايد نااس ساكنين عند اهل حريمهم ما فيها شي
يعني الام من كلامها لج تبغي البنت تطلع من البيت ...يعني تطردها من البيت
والسموحه وجهت نظري وبس

**الأحلام الملونة** · 2011-02-01, 11:56

الله يعين

**أم خلوفي..~** · 2011-02-01, 11:56

المشاركة الأصلية كتبت بواسطة * ام خماس *

الله المستعان
حبيبتي رمسيها وفهميها النقطه إلي مضايقه أمها

إذا تغار ع ريلها بتطلع اليوم قبل بأجر

وإذا ما تغار وعادي عندها فالله المستعان

الله يهدي النفوس ياارب

**نبض شرياني** · 2011-02-01, 12:11

لاحول ولاقوة الابالله
الله المستعان
الافضل انها ترد بيت عمتها ومالها الاالصبر يمكن مع الوقت تغير عمتها

**مشوطه** · 2011-02-01, 12:14

الشقق ما تقصر هالايام المفروض ريلها اللي يحس باللي تسويه حرمته
وغلط يسكن في بيت فيه بنات

الموضوع: بروح بيت أهلي

أدوات الموضوع

عرض

بروح بيت أهلي

المزيد من آخر المواضيع من نفس القسم:

المواضيع المتشابهه

كارهه أهلي

صور لغدانا في بيت أهلي^__^

قلبي ولا أهلي

(|`•.¸¸.•|`•.¸¸.-> العشا في بيت أهلي<-.¸¸.•|`•.¸¸.•|)