السفر الى باريس

**MIROTA** · 2011-01-30, 23:32

حبايبي:
عندي ربيعتي قريب زواجها ونفسها تسافر باريس ويا زوجها بس في شوية اسئلة ودها تعرف لها اجابات..
1-هي سافرت من قبل اوربا وعندها الفيزا بس زوجها لا.هل يتعارض اذا فيزتها قديمه وهويديده ؟
2-من وين يطلع له فيزا؟؟ (زوجها يعني)لأن اللي طلع لها الفيزا ناس عيال حلال وراحوا في حال سبيلهم يعني مب هي نفسها اللي طلعت فيزتها.
3-ترشدونها على افضل الفنادق "الامنه"وافضل الاماكن اللي فيها معالم سياحية ويا ريت مع عرض الاسعار .
اتمنى ما تخذلونها وودها هالعروس انها تستانس برحلة شهر عسلها ويتدعي لكم من قلبها اكيد.

المزيد من آخر المواضيع من نفس القسم:

**AL-Doomah** · 2011-01-30, 23:47

المشاركة الأصلية كتبت بواسطة MIROTA

حبايبي:

المشاركة الأصلية كتبت بواسطة MIROTA

عندي ربيعتي قريب زواجها ونفسها تسافر باريس ويا زوجها بس في شوية اسئلة ودها تعرف لها اجابات..

1-هي سافرت من قبل اوربا وعندها الفيزا بس زوجها لا.هل يتعارض اذا فيزتها قديمه وهويديده ؟

لا عادي ختيه انا فيزتي جديمه واخوي امسات مظهرنها فـ عادي
وبنسافر تاريخ 2-2 باريس بإذن الله

2-من وين يطلع له فيزا؟؟ (زوجها يعني)لأن اللي طلع لها الفيزا ناس عيال حلال وراحوا في حال سبيلهم يعني مب هي نفسها اللي طلعت فيزتها.

عادي من اي سفاره بس يطلب الشنقن واذا هي من العين مكتب الفجر
يخلصون الفيزه بـ 650 درهم تقريبا

3-ترشدونها على افضل الفنادق "الامنه"وافضل الاماكن اللي فيها معالم سياحية ويا ريت مع عرض الاسعار .

واايد فنادق فـ باريس وشي الغالي وشي الوسط

اتمنى ما تخذلونها وودها هالعروس انها تستانس برحلة شهر عسلها ويتدعي لكم من قلبها اكيد.

هي لو تحدد لنا وقت السفر والمده والميزانيه بنساعدها

وربي يوفقها ومبروك مقدمـآ

**MIROTA** · 2011-01-31, 14:06

للرفع
بنوتااااااااااااااااااااات
وين الفزعة؟!!

**قاهرة القلوب** · 2011-01-31, 15:50

للرفع

**باتشن** · 2011-02-02, 15:16

اذا كانت الفيزا مب منتهية عادي تقدرين تسافرين بس جيكي عليها عدل وشوفي تاريخ سفركم وعودتكم من باريس لأن اذا انتهت و انتي هناك مشكله و بيدخلونج بسين وجيم
و اذا عن الفنادق في وايد فنادق حلوه و راقية انا لما سافرت آخر مره سكنت بهيلتون بس كان بعيد شوي عن شارع شانزيليزيه اللي فيه كل شي حلو بس غالي شوي
هذا اللي اعرفة انشاءالله اتكوني استفدتي

**وردة الجاردينيا** · 2011-02-02, 18:11

شرات ماقالت اختيه الدومه فيزته مول ما تتعارض مع فيزته اذا يديده بس خلها تشيك فيزته انها بعدها ما خلصت و فيها المده الكافيه لين عودتها

و بالنسبه للفيزا انا طلعتها من مكتب المسعود فابوظبي ب 800 بس لاني ما كنت ابى اسير للسفاره كنت اى الكتب يسوي كل شي بس فالاخير اضطريت اسير عسب البصمه

بالنسبه للفنادق فيه فشانزليزيه قريب من كل كل شي شرات الوارويك ووايد فنادق

و تروم تسير الاوبرا يعني جاليري لافايت و سيفورا فشارع الشانزيليزيه و لا اطور الاكل فمطعهم نورا فشارع جورج فيفث و لا البيزا فبيزا بينو

و الله يتمم لها على خير و مبروك مقدما

**أم الأطفال** · 2011-02-03, 01:17

للررررررررررررررررررفع

**درر المحبة** · 2011-02-03, 08:02

للرفع

**MIROTA** · 2011-02-03, 17:57

شكرا لكل من شرفني بالدخول والافاده لموضوعي

الموضوع: السفر الى باريس

أدوات الموضوع

عرض

السفر الى باريس

المزيد من آخر المواضيع من نفس القسم:

المواضيع المتشابهه

باريس ياااا باريس خاطري تكونين ملكي هههه ؟؟؟

خــبيرات السفر : شو البـــس في جو باريس في الشتاء

خبراتكم في السفر الي باريس