ساعدوني .. دوام ريلي

**عصافير الحب** · 2011-01-25, 21:21

السلاام عليكم ورحمة الله و بركاته

انا عايشة ويا اهل ريلي و هم طيوبين .ما عندي عيال. و دوام ريلي اسبوعين او ثلاث ورا بعض بعدها اسبوعين او اقل اجازة

الحين .. محتارة متى اروح بيت اهلي و متى اتم ببيتي ..
بس البيت يباله تنظيف و لو تميت فترة بيكون مستكر .. و بنفس الوقت ما ابا اقطع اهل ريلي مدة طويلة

ساعدوني .. خصوصا ان ما عندي خوات معرسات

المزيد من آخر المواضيع من نفس القسم:

**نجمة الفجر** · 2011-01-25, 21:51

عادي حبوبة هب شرط تيلسين دايم عند أهلج اذا هم طيبين خلاص يلسي وياهم

واذا تبين تسيرين سير أسبوع وعقب ردي ع الأقل ما راح يكون البيت وسخ

أو قبل ما أيي ريلج من الدوام أنتي تعالي قبله بكمن يوم بتكونين جهزتي المكان ونظفتيه.

والله يسعدج ويخليكم للبعض .

**A+k** · 2011-01-25, 22:21

مب لازم تسيرين بيت هلج..تمي بيت ريلج.

**عواشهـ** · 2011-01-25, 22:23

اختي يوم يروووح الدوام اليوم الثاني انتي روحي بيت اهلج و قبل لاي اي بيوم روحي بيتج و ملحقج و نظفي انا كنت جي اسوي

**آم سع ـيد** · 2011-01-25, 22:28

عيبني كلآم نجمة الفجر .. >> آتفق معآهآ في آلرآي ..

**مواليد2010** · 2011-01-25, 22:49

الَلهُمَ أرْزِقْنِيِ مِنْ خَيْرَيْ الْدُنْيَا وَالآخِرَة كَمَا أَطْلُبْ وَخَيْرَاً مِمَا أَطْلُبْ

**بنوتة اماراتي** · 2011-01-25, 23:00

عادي فديتج
اذا يروح اسبوعين
اسبوع عند هلج واسبوع عند هل ريلج
وخلي اللي عند هل ريلج الاسبوع الثاني
بجذي بتكونين يلستي عندهم والبيت بيتم نظيف
وبعد بتكونين قايمه بالواجب صوب اهلج

سوري بس ما عيبني رد اللي تقول مب لازم تروحين عند هلج
اهلها لهم حق عليها
حتى وجود ريلها المفروض ما يمنع زيارتها لهم
كيف وهو مب موجود؟!

**شيخه بمعانيها** · 2011-01-25, 23:01

نجمة الفجر ما قصرت

**bellegirl** · 2011-01-25, 23:02

ربي يوفقج أختي

ودام أهله طيبين ,, فقسمي الوقت بين أهله وأهلج ^^

وربي يوفقج

**جرح وحداوي** · 2011-01-26, 12:13

حبيبتي انا من رااي فليووم اللي بيرووح ريلج الدوام اتنظفين البيت ومايبقى فيه شي..وتخلييه ايوصلج بيت هلج...

وقبل لايرد بيوم خلي احد من هلج يردج بيت ريلج وتمسحيين الغبرة بس لان البيت بيكون نظيف وتجهزينه وتبخرينه ..

ولازم تتفقيين معااهم على هشي عشاان ماتخسرييهم دام علااقتج معاهم اوك..

ربي يسهلج اموورج ويوفقج.

**فساتيني** · 2011-01-26, 12:49

هلا الغاليه

انا ريلي اسبوع دوام واسبوع فالبيت

من ييسير انا أسير بيت اهلي

ولما يرجع أرجع بيتي

عادي والبيت يكون نظيف ومايتغبر لانه بس اسبوع

ونكون منظفينه قبل مانطلع

أحلى لما تسيرين بيت أهلج,,,,فالفتره اللي ريلج يكون فالدوام,,,,واذا ضروري تمرين ع اهل ريلج عادي مري عليهم فهالاسبوع لو يوم واحد

**Hno0odah** · 2011-01-26, 13:15

ما اعرف بس عادي روحي بيت اهلج طول الاسبوع
وعلى الويك اند روحي بيت اهل ريلج وقعدي عندهم
وطبعا الاسبوع اللي قبل ما ايي ريلج على الاقل كوني في البيت قبلها بكمن يوم

او قعدي كمن يوم في بيت اهلج وكمن يوم في بيت اهله وبهالطريقه اتكونين راضيتي الكل

**الملاك الحالم** · 2011-01-26, 13:17

روحي يومين وردي بيتج مب لازم تقعدين مدة غياب ريلج كلها

**نونه دلوعه** · 2011-01-26, 13:41

يوم بروح ريلج دوام انتي روحي بيت اهلج

**ميـــااري** · 2011-01-26, 14:02

و عليج السلام و رحمة الله و بركاته

هممممم حبيبتي فالفتره اللي ريلج يروح فيها الدوام يعني لو أسبوعين ..روحي لو خمس و لا أربع أيام
حلوو جيه .. لأنج قلتي إن البيت بيستكر و لازم تنظيفه على طول ... أتوقع هالكمن يوم ما بيأثرن
و إذا تقدرين تكملين عندهم أسبوع حلو ... و ردي أسبوعين عند أهل ريلج لو هو بيتم 3 أسابيع ...

أهم شي فترة وجود ريلج لازم تكوني موجوده عنده ... و الله يوفقج حبيبتي و يسعدج
^ــــ^

الموضوع: ساعدوني .. دوام ريلي

أدوات الموضوع

عرض

ساعدوني .. دوام ريلي

المزيد من آخر المواضيع من نفس القسم:

المواضيع المتشابهه

دوام ريلي وايد مأثر فيني

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش