بنااات بغيت رايكم؟

[مشغوله]

السلام عليكم,

بنات انا اجازتي تبدأ شهر 3 ......... وين تنصحوني اسافر؟
يعني شو احسن البلدان في هالوقت ؟

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[nano1984]

أنتي كيف ميولج ؟ تحبين البلاد الباردة والا الي مناخها استوائي ؟

كيف طبيعتج في السفر ؟ الاستجمام والراحة ؟ أو الحواطة والاستكشاف ؟

[سوارة]

( أسكن الله....في قلبك محبته......
وفي سرك مخافته...
وفي جهرك طاعته...
اللهم آمين يارب...)

[صمت الغلا]

اب لعيونج

[AL-Doomah]

يسعدلي يومج ختيه

فيه وآآيد بلدان بس انتي اختاري

إيطاليا

فرنسا

استراليا

بريطانيا

نيوزلندا

لبنان

ماليزيا

سنغافوره

تايلند

..

رحله موفقه يا رب

[مشغوله]

أنتي كيف ميولج ؟ تحبين البلاد الباردة والا الي مناخها استوائي ؟

كيف طبيعتج في السفر ؟ الاستجمام والراحة ؟ أو الحواطة والاستكشاف ؟

اباها بلاد بارده و طبيعتها حلوه و نقدر نتحوط فيها وايد يعني مش ممله ,^^

[مشغوله]

يسعدلي يومج ختيه

فيه وآآيد بلدان بس انتي اختاري

إيطاليا

فرنسا

استراليا

بريطانيا

نيوزلندا

لبنان

ماليزيا

سنغافوره

تايلند

..

رحله موفقه يا رب

تسلمين حياتي ^.^

بس شو الجو في هالبلدان على شهر 3 بيكون حلو ؟!

[AL-Doomah]

الجو بيكون بارد بس مب نفس
برد شهر 2 و 1

هذا بالنسبه لـ الدول الاوروبيه

[nano1984]

اباها بلاد بارده و طبيعتها حلوه و نقدر نتحوط فيها وايد يعني مش ممله ,^^

عندج خيارين ..

بين المانيا والنمسا ..

أو

باريس وسويسرا ...

وأنا أفضل الخيار الثاني ...

لأن باريس تقدرين تقعدين فيها 5 أيام

بين الشوبينق & والتمشي ع الشانز & يورو دزني

وبعدين تطلعون بـ القطار لين جنيف

وتوزعون الأيام يعني يبالكم راحة لمدة يومين أو 3 ايام في جنيف

تطلعون فيها لـ المدن القريبة المطلة ع بحيرة لماك مثل ( لوزان & مونترو & ايفيان الفرنسية)

من خلالها تزورين قلعة شيلون في مونترو & وتطلعون من مونترو لـ مصنع الشوكولا نستله ..

===

ممكن تروحون لـ الريف الفرنسي قريب جداً من جنيف

شامونيه & انسي

====

بعدين تطلعون من جنيف لـ انترلاكن الساحرة

أقل شي 5 أيام فيها ويمكنكم الانطلاق من انترلاكن لأماكن مجاورة

مثل لوزيرن & زيورخ

طبعاً انترلاكن مشهورة بـ أعلى قمة أوروبية ينغفور يوم كامل لها راح تنبسطون بإذن الله

عندج بعد يوم تروحين للشلالات

وممكن بعد تروحين لـ البحيرة الزرقاء

والتجوال في بحيرة برينز أو تون & الصعود لقمة هاردر كولم والاستمتاع بـ المنظر

الرباني بحيث تشوفين الخلابة انترلاكن بمنظر بانورامي

في وايد أماكن في انترلاكن تقدرين تطلعين فيها

وبعد التجول في القرى المجاورة مثل سبيز & ذن أو تون بـ الفرنسي

===

لوزيرن وايد حلوة ومنها يمكن تروحون لـ إنقلبيرق وتطلعون لقمة Titlis الرائعة

زيروخ ممكن تسوق أو تطلعون منها لـ شلالات شفنهاوزن

عطيتج ملخص بسيط ...

لو حابة تفاصيل أكثر ان شاء الله ما بقصر وياج

[nano1984]

بخصوص جو مارس في أوروبا معروف الشتاء يطلع من 21 / 3

ودايماً الجو في هذا الوقت يعني يكون في وقت انقلاب من الشتاء لـ الربيع

راح يكون في أمطار أكثر شي بس طبعاً ما راح تستمتعين بـ الجنة الأوربية الخضراء

بس أأكد لج جو أوروبا روعة وما راح تندمين

[مناتي 123]

موفقه ^^

[مشغوله]

الجو بيكون بارد بس مب نفس
برد شهر 2 و 1

هذا بالنسبه لـ الدول الاوروبيه

مشكوووووره الغاليه

[مشغوله]

عندج خيارين ..

بين المانيا والنمسا ..

أو

باريس وسويسرا ...

وأنا أفضل الخيار الثاني ...

لأن باريس تقدرين تقعدين فيها 5 أيام

بين الشوبينق & والتمشي ع الشانز & يورو دزني

وبعدين تطلعون بـ القطار لين جنيف

وتوزعون الأيام يعني يبالكم راحة لمدة يومين أو 3 ايام في جنيف

تطلعون فيها لـ المدن القريبة المطلة ع بحيرة لماك مثل ( لوزان & مونترو & ايفيان الفرنسية)

من خلالها تزورين قلعة شيلون في مونترو & وتطلعون من مونترو لـ مصنع الشوكولا نستله ..

===

ممكن تروحون لـ الريف الفرنسي قريب جداً من جنيف

شامونيه & انسي

====

بعدين تطلعون من جنيف لـ انترلاكن الساحرة

أقل شي 5 أيام فيها ويمكنكم الانطلاق من انترلاكن لأماكن مجاورة

مثل لوزيرن & زيورخ

طبعاً انترلاكن مشهورة بـ أعلى قمة أوروبية ينغفور يوم كامل لها راح تنبسطون بإذن الله

عندج بعد يوم تروحين للشلالات

وممكن بعد تروحين لـ البحيرة الزرقاء

والتجوال في بحيرة برينز أو تون & الصعود لقمة هاردر كولم والاستمتاع بـ المنظر

الرباني بحيث تشوفين الخلابة انترلاكن بمنظر بانورامي

في وايد أماكن في انترلاكن تقدرين تطلعين فيها

وبعد التجول في القرى المجاورة مثل سبيز & ذن أو تون بـ الفرنسي

===

لوزيرن وايد حلوة ومنها يمكن تروحون لـ إنقلبيرق وتطلعون لقمة Titlis الرائعة

زيروخ ممكن تسوق أو تطلعون منها لـ شلالات شفنهاوزن

عطيتج ملخص بسيط ...

لو حابة تفاصيل أكثر ان شاء الله ما بقصر وياج

حيااااااااااااااااتي و الله

اشكرج على التخطيط الحلو

فديتج و الله مشكوره و ما قصرتي

[مشغوله]

بخصوص جو مارس في أوروبا معروف الشتاء يطلع من 21 / 3

ودايماً الجو في هذا الوقت يعني يكون في وقت انقلاب من الشتاء لـ الربيع

راح يكون في أمطار أكثر شي بس طبعاً ما راح تستمتعين بـ الجنة الأوربية الخضراء

بس أأكد لج جو أوروبا روعة وما راح تندمين

هيه ترا هذا اللي اقصده ,, مابا ثلوج و براد وايد ,^^
ابا الطبيعه و الخضره لان ريلي يحب هالسوالف واايد
اممممم
انزين سويسرا شو بيكون جوها انا اباه يستمتع بالطبيعه مثل ما انا بستمتع بالشوبينق هع *.^

[nano1984]

هيه ترا هذا اللي اقصده ,, مابا ثلوج و براد وايد ,^^
ابا الطبيعه و الخضره لان ريلي يحب هالسوالف واايد
اممممم
انزين سويسرا شو بيكون جوها انا اباه يستمتع بالطبيعه مثل ما انا بستمتع بالشوبينق هع *.^

حبيبتي أنا قلت لج ما بتستمتعين بـ الخضار لأنه ما بكون شي خضار في ذاك الوقت

الدنيا تذوب من الثلوج يا دوب ...

سويسرا بكون جوها غالباً بارد وممطر وغائم في هذا الوقت

بس حلو وايد حق التمشاية والراحة وفي رحلات للقمم مثل ما قلت لج

راح تستمتعون فيها

بس يا ريت تحددين الأشياء الي تبينها بـ الضبط عشان الميزانية الي حاطتنها