الحمل والسفر

**باربي الإمارات** · 2011-01-22, 16:00

كيف الحال حوامل؟ ان شاءالله بخير وعافية...الله يثبت لنا ويسهل علينا يآرب...المهم انا وايد متوحمة عالسفر ومن سنة ماسافرت والحين مكملة الثالث الحمدالله وان شاءالله يمكن اذا الله راد بعد شهرين السفرة وبكون فالخامس ان شاءالله...منو سافرت منكن وهي حامل؟ وفاي شهر؟ واي شهر احسن؟لاتقولون مب لازم اسافر ترا بتخبل افادي السفر من الصيف اللي طاف..

اترياكم

المزيد من آخر المواضيع من نفس القسم:

**نسيم الشرق 99** · 2011-01-22, 16:14

ان شاء الله يوم بتدخلين الخامس سيري عند دكتورتج عشان اطمنج على البيبي وتقولج اذا ممكن انج تسافرين ولا لاء...
والله يوفقج.

**mazyo0onh** · 2011-01-22, 16:14

انا اتخبرت الدكتورة قالت

عادي بس هب اكثر عن 7 ساعات

بس انا ما سافرت ما حبيت اخاطر خصوصا اول بيبي

**نونه دلوعه** · 2011-01-22, 16:24

انا سافرت كنت ثالث شهر

**باربي الإمارات** · 2011-01-22, 16:33

المشاركة الأصلية كتبت بواسطة نسيم الشرق 99

ان شاء الله يوم بتدخلين الخامس سيري عند دكتورتج عشان اطمنج على البيبي وتقولج اذا ممكن انج تسافرين ولا لاء...
والله يوفقج.

ان شاءالله خير ومشكورة عالمرور

**باربي الإمارات** · 2011-01-22, 16:35

المشاركة الأصلية كتبت بواسطة mazyo0onh

انا اتخبرت الدكتورة قالت

عادي بس هب اكثر عن 7 ساعات

بس انا ما سافرت ما حبيت اخاطر خصوصا اول بيبي

اهااا بس اوروبا مش اكثر عن 6 او 7 اظن...ان شاءالله خير وياختي اذا طمنتج الدكتورة توكلي الله الحافظ ان شاءالله ومشكورة عالمرور

**باربي الإمارات** · 2011-01-22, 16:36

المشاركة الأصلية كتبت بواسطة نونه دلوعه

انا سافرت كنت ثالث شهر

والله؟ وين رحتي طيب مكان بعيد ولا؟ مشكورة عالمرور

**العصا السحرية** · 2011-01-22, 17:13

اغتنمي الوقت قبل لا تنشغلين مع البيبي ...وسفرة ممتعة

**M!ss Bl!ng** · 2011-01-22, 20:33

.
.

هلا عزيزتي

بقولج تجربتي

أنا سافرت سكوتلنده ولندن أول ما خلصت الشهر الثالث على طول

بس اول شي استشرت دكتورتي

ولما فحصتني واتأكدت انه كل شي أوكي الحمدلله سمحتلي بالسفر

بس قالتلي لازم كل ساعتين أتمشى شوي فالطيارة عسب أنشط جسمي والدورة الدموية

ف كنت كل ساعتين أنش شوي وأسير الـ toilet أسوي ريفريش وأرجع لووول

وبس ^^

الله يسهّل عليج ويثبت حملج ان شاء الله

.
.

**7nona** · 2011-01-22, 21:06

عادي الغاليه خذي الأذن من الدكتورة احسن لان يعتمد على حسب حالتج

أنا سافرت الحين فالرابع واعرف وحده فالأول بعد سافرت الحمدلله كل شي طيب

**سيده مصرية** · 2011-01-22, 23:47

❀ استغفر الله الذي لا اله الا هو الحي القيوم واتوب اليه❀

**باربي الإمارات** · 2011-01-23, 14:26

مشكوورات عالمرور والرد والله يسمع منك يارب

**احتاجك..** · 2011-01-23, 14:28

انا الدكتورة مانعتني قالت السفر مب خطر بس مغامرة لان الضغط فوق ممكن يأثر عالبيبي..

**كلمة المرور** · 2011-01-23, 16:46

كل وحده تختلف عن الثانيه انا سافرت وكنت بشهري الرابع واجهضت بعد اسبوع من رديت

فقدان الجنين صعب

اتمنى انج ما تسافرين لان ما تعرفين لو كنتي تقدرين تتحملين السفره ولا لاء

الموضوع: الحمل والسفر

أدوات الموضوع

عرض