رحلة ^الدماني^ إلى جنيف

[^الدماني^]

ماشاء الله عليك يا
^الدماني^ انتي بكل مكان لك موطئ قدم ..

وعقبال ما تطئ قدماك سطح القمر .. ههههههههههه

ربي يوفقك ويسعدك دنيا وأخره

دائما اقرأ تقاريرك بهدوء واسوي لها قص لزق بجهازي ههههههه

من مذكرات ^الدماني^


بعد ما ودّعنا يوروديزني ..

توجهنا لمحطة القطارات GARE DE LYON
في باريس ...



وركبنا وابور الساعة اتناشر ،
يا مقبـّـل ع الصعيد،

"بعلولي" قلبه مايل وأنت قلبك حديد
(مع الاعتذار لعفاف راضي )



أوبس سوري ! رونغ نمبر ! قصدي مقبـّـل ع جنيف



وحالما وصلنا تم الترحيب بـ ^الدماني^ عبر مكبرات الصوت (من العين )



وأنا واقفة أتريا بعلولي وقد طال انتظاري ..



كان جو المحطة يذكرني بـقصيدة :

يالله يا قلبي تعبنا من الوقوف
ما بقى بالليل نجمة ولا طيوف

ذبلت أنوار الشوارع
وإنطفى ضيّ الحروف

يالله يا قلبي سرينا
ضاقت الدنيا علينا

القطار وفاتنا
والمسافر راح

كلمات : الأمير بدر بن عبدالمحسن


كان حزتها مباريات كأس العالم ...




والكل يشجع اسبانيا حاملة اللقب



اتجهنا لمكتب تأجير السيارات عشان نستلم سيارتنا ..

اتفاجأت !

لأن بعلولي قرر يغير سيارتنا المعتادة
"عفـّـاري" ...
تحيدونها من تقرير إيفوار ؟
http://forum.uaewomen.net/showthread.php?t=697372

واستبدلها بـ ...

المزيد من آخر المواضيع من نفس القسم:

• بسافر لكن ،.........
• رحلة ^الدماني^ إلى عالم والت ديزني -...
• سكن فى كولون ارجوكن
• كافيه الكورن فليكس Cereal Killer Cafe في لندن
• رحلة الي إيطاليا
• رحـــلتنــا عــبــر الخــطــوط البـــريــة...
• رحلة ^الدماني^ الساحرة إلى مراكش الحمراء
• رحلتي الى ارض الجمال اوربا من 7 الى 28 /8...
• رحلتي إلـــى ماليزيــــا ( الرقم١ ) شعارها
• رحلة راهيه دوم الى نيويورك أرض الحرية :)

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[^الدماني^]

لأنه يبغي يجرب قيادتها "الممتعة"

قلت له : يا بعلولي خلنا على "عفاري" !

يقول المثل الميكانيكي :

"جديمك نديمك لو يديدك أغناك "

قال لي : هذاك أول !

الحين المثل الجنيفي يقول :

" عليك باليديد واستشرف المستقبل"

وأطلق على اليديدة اسم "الحشيم"
والسبب ؟!! عشانها بنت "انجليز" وقبايل

أثناء القيادة .... بدأت تطلع الفضايح



أولا : نظام النافيجيشن معقـّـد وما يطلع العنوان كامل !!!

ثانيا : النظام يغطي سويسرا بس !
يعني اذا بغينا ندخل فرنسا والا ايطاليا ما نقدر نستخدمه !!!

كل هذا وبعلولي وده يقول :

"يا قلبي يا كتاكت ! ياما انته شايل وساكت"


لكن القشة التي قصمت ظهر البعير هي .....

يوم انتقل من حارة الى حارة بدون ما يعطي اشارة

تشان تصارخ عليه وتقول له بالفم المليان :

RESPECT THE RULES AND THE REGULATIONS OF THE COUNTRY!!

هنيه عاد انفجر وقال لها :

"مب كفاية صابر على علاّتج ! بعد تفاتنين ؟!!!
مالج يلسه عندي !
الحين بتردين !

هنيه عاد كان ودي
تشوفوني وأنا شمتانه فيها

واحنا في مكتب تأجير السيارات خذت لي لفة في كراجهم تشان أشوف ......

^
^
^
^
^
^
^



بالله عليكم هذي مغسلة والا عروسة المولد ؟

صدق المثل الميكانيكي اللي يقول :

"لبـّـس البوصة ...تبقى مغسلة سيارات "

[^الدماني^]

وردينا على عفاري



لو تشوفون اللقاء الملتهب بينها وبين بعلولي

كان لسان حاله يقولها :

بحبك وحشتيني !
بحبك وانتي نور عيني !
ده وانتي مطلـّـعة عيني
بحبك موت !

وطلعت "عفاري" هوب بسيطة !!

كان لسان حالها يقول له :

انته معاي ؟
والا انته ناوي تبتعد عن خط سيري ؟
انته هواي ؟
والا عندك بالهوا محبوب غيري ؟

كلمات : الشاعر خالد ناصر

وتصافت النفوس واتجهنا نحو فندق
Mandarin Oriental Geneva



الفندق تابع لسلسة فنادق مندارين أوريانتال الشرق آسيوية
وهذا شكله من الخارج (صورة من النت)



هذا اللوبي الصغير



وجلسة اللوبي



زاوية ثانية



وللناس اللي يحبون الـ out doors في يلسات طاله على الشارع
من داخل الفندق وخارجه مثل ما هو واضح من الصورة



والـ BUSINESS CENTER



وأثناء الـ check-in قدموا لي عصير برتقال أحمر ! امممممممم لذيذ !

[^الدماني^]

صعدنا لطابقنا ...



واحنا ماشين في الممر المؤدي لغرفنا لفتت انتباهي
المباني الخضراء اللي مسوينها فوق الطابق الأول عشان الفيو



لكن الصراحة ما رمت أقاوم اني أصور حبل الغسيل اللي على البناية المجابلة



الغرف صغيرة نوعا ما لكنها وايد راقية ،
واللي عجبني فيها : ان المصمم استغل كل زاوية في الحجرة للتخزين بسبب صغر المساحة

مثل المدخل ..



السرير ... (ولو تلاحظون استخدام المنظرة وراه عشان تزيد مساحة الحجرة)



الركن الهادئ البعيد خخخخخ اللي أيلس عليه ....



..... وأشاهد التلفاز



أما الشي العجيب اللي استوى ولا في الأحلام

اني أول ما فتحت التلفزيون للمرة الأولى طلع لي ....

^
^
^
^
^
^
^
^
^
^
^
^




فيلم كابي كابي الهندي اللي كنا نشوفه في طفولتنا في بمبي

على رأي المثل الجنيفي-الهندي :

ربّ صدفة خير من ألف ....... ليلة وليلة

[^الدماني^]

نكمل ...

هذا المكتب اللي شهد كتاباتي (وايد مصدقة عمرها )



تعرفون شو أكثر شي حبيته فيه ؟

^
^
^
^
^
^


المكان المخصص للقوابس الكهربائية (شو رايكم في قوابس ؟ )

الـ COFFEE MAKER اللي من سرنا لين يينا ما دقيناها من كثر ما نحوط
والجماعة معذبين عمارهم وعلى قولتهم حاطين لنا أفخر أنواع القهوة



أما الحمام فـ .....



..... الكرامة ليكو ...
^
^
^
^
^
^
^
^
والممزر ليّـــه

فقد كان فخما ...



وأشبه ما يكون ...



بـــ SPA



أوكي الحين خلونا نطلع من الفندق ...




ونقطع الشارع مشيا ...

[^الدماني^]

عشان أراويكم نهر الرون اللي يطل عليه الفندق



وعلى بعد أمتار بسيطة يوجد المركز التجاري لجنيف



أحرص كل مرة اني أمر على فرع لادوريه الشهير
(على فكرة لادوريه له فرع الحين في دبي مول)



عشان أشتري ألذ مكرون




طبعا النكهة المفضلة عندي هي الفستق والفراوله



لكني ضحكت يوم لقيت نكهة العرق السوس



تحيدون لبان القطوة السودا مال الطفولة اللي مصنوع منها في تقريري
"حتى الانجليز يحبون راعي الدكان "
http://www.forum.uaewomen.net/showthread.php?t=788052

وفي نص السوق توجد ساحة المطاعم اللي فيها خيارات متعددة من الأكل



أحلى ما في السالفة ...بعد ما تخلصين الأكل .. يحل العصفور ياكل البقايا




.... تليه الحمامة (ما حدش يعني جاب سيرة انفلونزا الطيور ولا دياوله )




لكن أحلى ما عيبني في الساحة : شيء غير متوقع !
^
^
^
^
^
^
^
^
^
^
^
^
^
^
^
أرضيتها الحجرية مكونة من أحجار عليها كلمات من كل اللغات ومن بينها العربية

[^الدماني^]

مع السلامة والقلب داعي لكم



من الساحة ترومون بسهولة تشوفون نافورة جنيف



ويقدرون اليهال يطعمون البط والوز عندها



وبعد ما فـﭽﭽت راسي من المشاري ردينا الفندق



أصبحنا وأصبح الملك لله ...

الحين بننزل نتريق من البوفيه اللي في مطعم Le Sud



وبعد فيه جلسة خارجية




كل صباح ...
"ما أحلى الرجوع إليه" على قولة نجاة الصغيرة



اقربوا ! سامحونا إلا الوالم تراه



بقية الرحلة في الصفحة التالية

[^الدماني^]

انزين على الأقل الفواله



اللي لفت نظري المينيو العربي اللي يكون مخصوص للنزلاء العرب في الصيف
(وسّع للمسقعه و الباميه باللحمه باجي بس الملوخية وبتكمل )



ديكورات المطعم والفندق ككل تقوم على فكرة الـ DECO ART CONCEPT



والحين بناخذ لفة سريعة في جنيف ...
جنيف مدينة ما فيها زود شي ..
نحنا نستخدمها كمدينة نستقر فيها وكل يوم من خلالها نزور مدينة ثانية ونرجع ..

جنيف من المدن المهمة لأن فيها ...



...مبنى الأمم المتحدة (ما قدرت أصوره عدل لأن كل مرة كنا نرجع المسا ،
فمشـّـوا حالكم بهالصورة )



طبعا أهم شي في الدنيا عند السويسريين الكلاب المدللة



ما يندرى تشان ما نشوف هالديزاين وقد تحوّل الى أخر الصيحات (أو الزعقات) في تصميم العبايا

[^الدماني^]

أحب أهدي راعي هذا السيكل ....



......نشيدة :

بابا جاي امتى ؟ *** جاي الساعة ستــة
راكب ولا ماشي ؟ *** راكـــب بسكلــته
حمرة ولا بيضة ؟ *** بيضة ذي القشطة
افتحولوا السكة *** واضربولوا ســـلام

حان وقت العشاء

من أشهر المطاعم : مطعم فرنسي (موجود في باريس لكن له فروع أخرى منها جنيف) اسمه
le relais de l'entrecôte



لا تستغربون اذا شفتوا طابور الانتظار يمتد لين الشارع !!



فكرة المطعم هي : تقديم مينيو ثابت لا يتغير عبارة عن :
سلطة و بطاطس مقلية وستيك مع الخلطة السرية
اللي من يوم الافتتاح لين الحين محد يعرفها غير صاحب المطعم
وبناته اللي كل وحدة منهم تدير عدد من الفروع !!!

ولج الخيار فقط في طلب الديزرت ..

هذا هو الستيك العجيب !!



وطبعا ما فوّت فرصة التهام البروفيترول اللزيز



ومن جنيف بأكمل وياكم جولتي الأوروبية في تقارير منفصلة ...

وفي الختام ...

هذي الصورة اهداء خاص مني لـفتاة ليبيا



وهذي الصورة إهداء مني لكل سيدات منتدى الامارات على دعمهم اللامحدود لكتابات ^الدماني^

[الجازي 66]

يسلموووووووووووووو رووووووووووووعه ماشاء الله وتقاريرج كل واحد أروووووووووووووع من الثاني

[نواري]

عزيزتي تقاريرج لها نكهه خاصة

يستمتع بها القارىء

مزيج من التداخل الرائع بين الماضي والحاضر

تسلم الأنامل اللي أبدعت

[رولا Rola]

ماشاء الله عليك
مش اي اي ولا زي زي

تحفه و اكتر شي عجبني الكوفي مشين الغلبانه اللي ما حد يجي صوبها هعهعهعهع

[ام رشوودي]

نااااااااايس رحلة ممتعة

[روووز ماااري]

اممممممممممممممممممم ... تقريرج هااي المره .. مش ولا بد

بعطييج الدرجه علييه اليوم مساء بعد ما تخلص العزيمه

[Alnoon]

wooooooooooooooooooooooooooooooow
sooooooooooooooo
niiiiiiiiiiiiiiiiiiiice
keep it fooooooooooooooooog