هل طريقة الرضاعه غلط؟؟

[دروب الغلا S]

السلام علييييييكم والرحمه


بغيت اتخبركم خواتي الام اللي اترضع طفلها وهي طايحه او مستلقيه او راقده هذا غلط؟
وبغيت اعرف شو الاخطااااار عالطفل؟؟

بانتظاركم

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

[متفائلة بشدة]

طبعاغلط
الأضرار
الحليب يسير للأذن ويسوي إلتهابا ت وايد في الأذن

[طموحه بوظبي]

طبعاغلط
الأضرار
الحليب يسير للأذن ويسوي إلتهابا ت وايد في الأذن

اول مره اسمع هال الشي

[مها جميرا]

طبعاغلط
الأضرار
الحليب يسير للأذن ويسوي إلتهابا ت وايد في الأذن

صح..

[بثـينه]

لا يا عزيزتي مب غلط أبدااااااا ..
وأصلا في المستشفى الوحده بعد الولاده ينصحونها الممرضات انها ترضع البيبي وهي راقده يعني متمدده على الآآآآآآآخر .. ومن وضعيات الرضاعه أصلا الصحيحه واللي ينصحون فيها خاصه اللي مسويه عمليه قيصريه .. و أهم شي انه يكون راس الطفل مرفوع اشوي يعني تحطين ايدج تحت راسه وانتي مستلقيه ..

الغلط انه يكون جسمه هو سيده اهني ممكن يستويله التهاب بأذنه لو رضع وهو بوضع سيده لكن انتي بالعكس هالوضعيه مريحه وايد لج خاصه لو كنتي راقده بالليل ^^

أنا عني ما أعرف أرضع جذه بس في المستشفى كانوا الممرضات اييبون لي البيبي وانا راقده ويقولون رضعيها وانتي جي بس حطي ايدج تحت راسها بحيث ايكون مرتفع اشوي عن باجي جسمها وبس ^^

شوفي الصوره .. جذه يكون وضع ايدج ^^

[مرافئ صمت]

عادي أختي

والاخت بثينة ما قصرت

[بابايا]

انا ارضع وانا راقده اكثر من وانا يالسه بالاخص اول ماربيت لان في المستشفى جي علموني

وثاني شي الخطر انه ممكن يغلبها النعاس وترقد علي الرضيع وانا حصلت وياي لما كنت مربيه ما حست بعمي والا اقوم واحطل ولدي تتي بس الله حماه

بس ها الي انتبهي منه

[نونه دلوعه]

عااااادي انا كنت بنتي ارضعها

[::ملاك::]

يوم ربيت عطوني كتيب عن الرضاعة،، ومن ضمن الصور،، وحدة مستلقية على جنبها و ترضع البيبي،، عادي مافيها شيء،، بس مب ترقدين و تغفلين عن البيبي،،

[شاعرة الجزيرة]

uppppppppppp

[meerosa]

انا كل ما اودي بنتي العياده يقولو انه فيه ضغط فاذنها يمكن 3 مرات قالو نفس الكلام وديتها عند دكتور شاطر وسوالها جهاز فاذنها وطلع عندها ماي ورا الطبله اللي فالاذن ...قالي هالشي بسبب الرضاعه وسالني كيف ارضعها قلتله وانا نايمه واحط ايدي قالي لا حاولي ترفعيها اكثر لانه هالشي خطير .. ومن هذاك اليوم وانا احاول ارفعها قد ما اقدر ...

[شاعرة الجزيرة]

سمعت ان الرضاعه بهالطريقه اضر سمع الطفل والله اعلم

[شاعرة الجزيرة]

uppppppppppppp

[ماماة الامارات]

انا وايد اسوي جيه

بس اتحذري تنامين على البيبي

مره ام سألت تريد فتوى لانها نامت على طفلها وهيه ترضعه ومات

تخيلي .... انا من قريت سؤالها وايد اتأثرت .... حتى قالت انه ريلها وايد زعلان منها عشان اللي صار

[سفيرة الفقراء]

عادي اختي وانتي مستلقية ودوري صور الرضاعة الصحيحة ويتشوفي هالوضع