ابا رايكم بصراحه

**حناين الشوق** · 2011-01-18, 05:32

ضد
^^

**ملكة الاحاسيس** · 2011-01-18, 07:06

ياختي العربي او الخليجي ترى انسان وله جذوره واصله وفصله مش ملقـط كما البعض

**أم راشد العين** · 2011-01-18, 07:36

كل واحد بياخذ نصيبه

**مبتسمةمتفائلة** · 2011-01-18, 07:53

المشاركة الأصلية كتبت بواسطة أم راشد العين

كل واحد بياخذ نصيبه

صدج

**الوتر الحزين** · 2011-01-18, 08:00

ربي يهدي الجميع

**صعب توصلني** · 2011-01-18, 08:06

والله يختي ها الحريم مادري كيف يفكرون في اللحظة اللي هم فيها مايفكرون بالمستقبل والله يسامحهم
والمشكلة يتصايحن ويعضن الندم وحالتهن حاله عقب انزين ليش توصلن لها الدرجة هذا كان اختيارج وقرارج قبل فلازم تستحمل عواقب اختيارها الخاطئ..
ومنهم اختي الله يسامحها مبتلشة بلشة العمر وماخذتلها سعودي وتعالوا شوفوا الحياة من بعد ماكانت بعز

**عآشقه عيالي** · 2011-01-18, 08:32

?‏?نـا ضد هالزواج. وحلاة الثوب رعقعتة منة وفية

**za3franah** · 2011-01-18, 15:17

المشاركة الأصلية كتبت بواسطة super lady

انا .......... ضد وبقوة

السالفه مش زواج وبس

والعيال..أمانه برقبتنا.. ومستقبلهم أماااانه

الارتباط لازم يكون بالعقل وبالقلب..

مو بالقلب وبس

نعم انا معاج في اللي قلتيه .. لانه الحقوق هنيه .. تتقدم للمواطنين
صحيح بعض الاماكن يفضلون الوافدين بشكل عام .. بس في النهايه الدائره ترد للمواطن او المواطنه اولا

المشاركة الأصلية كتبت بواسطة جرح وحداوي

انا مع الاخت ...

بس صدقووني الضروف بعض المراات تحكم..

اعرف وحدة كاانت معرسة من موااطن وياابت عياال وبهدلها وماخلااها تسوى بييزة واطلقت بعد فضااايح..وبسبة ضروفها الصعبة وتربيهالعياال اللي عقهى علييها اطرت تستر علي نفسها بزووج زلمة وعااشت معااه صاانها وصاان عياالها...

انا مع فكرة مجتمعنا ..بس والله الضرووف لها دور بنسبة 50 % والله المستعاان..

اختي يمكن هي متزوجه من الزلمه على قولتج .. علشان يستر عليها ويأمن لها ظروفها .. بس ما تييب منه عيال
وبعدين مثل ما قلتي ظروف حكمت عليها

بس البنت المعززه في بيتها ولا شي ناقصها .. وتكون صغيره .. وتييج وتقول ابا اتزوج من غير مواطن (ومن غير مجلس التعاون الخليجي) يعني لا حتى عماني ولا سعودي ولا قطري ولا بحريني ولا كويتي!!

شو بتكون حجتها؟؟

المشاركة الأصلية كتبت بواسطة دودوالحلوة

قال رسول الله(صلى الله عليه وسلم) اذا اتاكم من ترضون دينه وخلقه فزوجوه صدق رسول الله
موضوعج صح لكن انتي نظرتي للامور من ناحية وحدة.. لو وحدة تزوج مواطن من اصل و فصل و نسب و عقب استوت خلافات و قيل وقال تظنين ان الولد بيكون مصيره احسن؟؟
لو تزوجتي مواطن و نفس الشي ابن حسب و نسب تتوقعين انه ما يغلط و بيكون ملاك طاهر؟؟ يمكن الشخص الثاني بيكون احسن منه مليون مرة ... مثل ما ذكر فالحديث الشريف الدين و الخلق هم اهم شي فالريال الحديث ما ذكر من اي قبيلة او من اي بلد لأن فالنهاية كلنا بشر و كلنا عيال تسع... ما يستوي نقول هذا ولد قبيلة انا موافقة و هذا من قبيلة اصلها كذا او كذا او كذا يعني ما نباه او انه مب زين على العكس
وايد رياييل عيال قبايل سوو العجب فحريمهم بس في وايد منهم بعد على خلق ودين.. حنا ما نروم نعرف شو بداخل كل انسان و لا الظاهر اللي يحكم عالباطن
ويقولج المثل : يخلق من ظهر العالم فاسد

حبيبيتي .. موضوعي اولا واخرا عن القبليه مش عن الاخلاق
انا اعرف بنيه سمعت قصتها في العمره .. تزوجت من واحد عربي (من غير ذكر اي دوله) .. 24 ساعه ضرب فيها .. كم مره اجهضت اطفال لها بسبب ان الزوج يدخل عليها سكران وطايح فيها ضرب .. سألتها وليش متحملته .. قالت عندي منه اولاد .. تفكير غير منطقي من قبلها بس ومع هذا متحمله على امل انه الله يهديه .. باختصار شديد انه الغير العربي بعض الاحيان يكون اسواء بكثير عن المواطن السيئ
ولكل دوله في العالم سواء خليجيه او عربيه او اسلاميه او غير ذلك .. في منهم الصالح والطالح
ولكن ومع هذا .. موضوعي لا يتكلم عن الاخلاق .. وانما يتكلم عن القبليه

الشي الثاني .. الحديث اللي قلتيه كان صحيح .. بس سؤالي لج لو سمحتي وياريت تتكرمين وتجاوبين عليه

لو مثلا يا لج او لاخج .. (هندي، باكستاني) مطول وملتزم .. وغني .. هل بترضون فيه زوج؟؟ اذا هيه .. فانا معاج اللي قلتيه كله .. اما لا .. فلازم يطبق للكل

المشاركة الأصلية كتبت بواسطة خلاص يعني

انا بصراحة ضد كلام الاخت

الرسول صلى الله عليه و سلم في حديث قال بما معناه من جاءكم من ترضون دينه و خلقه فزوجوه
يعني اهم شي الدين و الخلق و اخر شي الحسب و النسب

شو فايدة الحسب و النسب و الولد ما ملتزم بصلاته و اخلاقه فالقاع
وايد ناس خذوا من برع و الحمد لله مافيه احسن عنهم ووايد ناس ماخذين من حسب و نسب ولاعنين خيرهم و خير اهلهم فوقهم بعد

و بعدين هذا نصيب و القدر من رب العالمين هو اللي يختار لنا اللي فيه الخير
انا اعرف ناس بحكم سكني فقرية تابعة لامارة الفجيرة و بما انه مدحاء منطقة تابعة لعمان
اعرف ناس ماخذين عمانية و الحمد لله عايشين عيشة حتى اهلهم ما كانو يتوقعونها
و ماقاصرنهم شي اهلهم كلهم عندهم و مدرسة و يروحون و كل مقومات الحياة الكريمة متوفرة لهم و لله الحمد

و استغرب من تفكير بعض البنات و الاهل
ما بيخطبون حق ولدهم بنت فلان ليش؟؟؟؟؟؟؟
امها هندية و الا مصرية
انزين شو يعني هالشي ولدكم بياخذ البنت ما بياخذ امها
و مداكم تبون البنت لانها متربية تربية صحيحة فامها الوافدة هي اللي ربتها على هالشي
الله يهديهم و يهدينا يارب

السموحة جاني طولت

يا عزيزتي .. انا ما اتكلم عن العماني .. لانه العماني في النهايه من مجلس دول الخليج العربي
وفي منهم قبايل والنعم فيهم .. 80% من اهل العين اصولهم عمانيين ..
ولا اني اتكلم عن الاخلاق .. لانه مب كل عربي خلوق .. ومثل ما ذكرت مع الاخت دودو الحلوه .. حرمه متزوجه واحد عربي (زلمه) ولاعن خيرها .. كم مره اجضهت بسبب ضربها وغير هذا كان سكران
نعم الناس يدورون عن الاخلاق اولا .. بعدين القبليه .. بس القبليه جزء لا يتجزء من اهمية اسس الزواج .. لانه مثل ما ذكرت .. الدوله تحكم بالقبليه

المشاركة الأصلية كتبت بواسطة دانه الكون

قال رسول الله(صلى الله عليه وسلم) اذا اتاكم من ترضون دينه وخلقه فزوجوه صدق رسول الله
البعد عن الدين
و هذا سبب من اسباب الفساد الاخلاقي المنتشر في المجتمعات الاسلاميه

مع ان موضوعي لا يتكلم عن دين والخلق الا ردي لكلامج مثل ردي لاختي دودوالحلوة

المشاركة الأصلية كتبت بواسطة Be careful

السلاام علييكم ورحمة الله وبركاانه ..
اناا الصرااحه مع وضد ع حسب الظروووف ..
والنقااط اللي ذكرتيها عندي تعلييق بسييط علييهم ع نقطه الاولى ..

1) دولة الامارات دولة قبليه .. تشوف الاصل والفصل في امور كثيره .. ما يهمها الفلوس (في بعض الشعوب) بس يهمها القبليه اكثر .. لانه الاصل يلعب دور ..هاي من الناحيه القبليه ..

انتي متأإكده من هالكلاام .. !!والله اول شي ايي ف باال اهل المعرس والعرووس المهر ..
يووم وحده بييها حتى ولو موآآطن قاال بيعطيها مهر قيمته 50000 ترفض ع طووول
تباا 100000ولا 20000..!!أهم شي عند بعض العوآآايل الامـآرآآتيه وخااصه قوم المظآآهر المهر
ويكوون فوووق فوووق والمعرس الله يعيينه لو صدق كاان يباها ومتعلق فييها ..!!

اماا بااقي الكلاام راي من راااي الاخت "خلاص يعني" من نااحية الاصل والفصل ..

نعم ومتأكده 100% .. ربيعة الوالده .. ريلها .. ما عنده سوالف العرس ..
يعني ايي الخطيب في الليل .. كخطبه رسميه (طبعا يكونون سائلين عنهم من قبل ) وايي يشوف البنت .. وبعد اسبوع .. عزيمة غدا .. ويشل حرمته للبيت .. لا عرس ولا هم يحزنون .. تخيلي!!
بعض الناس يبالغون .. وفي بعضهم .. يدورون الستر لبناتهم
انا اخواني اخذوا بنتين من بنات العرب .. واهلهم ما تشرطوا في المهر والخرابيط

الشي الثاني .. قانون زايد الله يرحمه يقول 50000 درهم مهر .. يعني هم مالهم حق يرفضون .. بس شو يسوون يلبعون بالزهاب لانه ما في قانون معين يضبط هالشي
بس اذا كان 100000 مع المهر .. فالموضوع هين ..
خلينا نكون واقعيين .. الدنيا غلت .. والبنت شو بتشتري لتشتري .. اذا كان الذهب الحين 150 درهم للجرام ..

وفي النهايه .. هاي بتكون مشكلة الريال مب مشكلة البنت
لاني انا ما اتكلم ليش المواطن ياخذ اجنبيه .. انا اقول ليش المواطنه تاخذ الاجنبي
فطلعنا من موضوعنا الى موضوع اخر تماما

المشاركة الأصلية كتبت بواسطة Maryam22

بالنسبة لي شخصيا.. أرفض خوفا من مصير عيالي فالمستقبل..

اباهم يعيشون بنفس الهنا الي انا عشت فيه مابا البهدله الي اشوف عيال المواطنات عايشين ..

سبق وخطبني واحد بدون والريال ماعليه رمسة.. كلمة زين شوي عليه.. ورغم ان بدون مكمل دراسته ويشتغل في دائرة حكومية ومأمن حياته.. بس ماحبيت اعرض نفسي لمشاكل انا في غنى عنها

وفديتها ربيعتي تفهمت الموقف (لأن اخوها) .. وما زعلت بالعكس حضرت عرسي وباركتلي وحضتني بعد..

بس شرات ما قالو الخوات في أحيان الظروف تحكم وما نعرف الأسباب للي سلكو هالطريق

نعم .. اشكرك على المداخله .. لان مثل ما قلتي .. ابا عيالي يعشون نفس العيشه اللي انا عشتها ...

المشاركة الأصلية كتبت بواسطة قطرية من قلب

طول عمرنا احنا يالعرب بنتم عايشين في العصر الجاهلي ... عصر القبلية .... الحمدلله والشكر ... عشان جذي بنتم مثل ما احنا عمرنا ما بنتطور ...

ماله خص بالتطور يا طويلة العمر .. التطور في حد ذاته اسمه العلم .. والعلم ماله خص بالقبليه
يعني انا بأمكاني اتزوج واحد قطري .. من اصل وفصل .. ريال والنعم فيه .. يكون دكتور او محامي الخ .. واقدر اتزوج واحد عربي (من غير ذكر دولة) ويكون فراش في المدرسه!!
يعني ماله خص في التطور نهائيا

المشاركة الأصلية كتبت بواسطة Bonboon

لا فرق بين عربي و لا عجمي الا بالتقوى و العمل الصالح

مب كل الاماراتين عندهم الفصل رقم 1

اهم شي الاخلاق و يكون اماراتي و يحط الوحده بعيونه

اذا المسأله جيه يا طويلة العمر
اذا نقول مثلا ان بنيه تزوجت واحد عربي نقول مثلا (اردني)
ونقول ان الريال بالفعل معطي المرأه حقها بالكامل ومب مقصر معاها
بس يته الظروف ولازم يرجع لبلاده بسبب استغناء الدولة عن خدماته بشكل كامل
مما يعني ان الزوج والاطفال بيسافرون للاردن

نقول ان الحرمه هي اللي كفلته .. وان المشكله انحلت
طيب ومصاريف العيال .. الجامعات .. المدارس .. المواصلات .. الصحه .. الاتزلمات مع الزوج .. مصاريف البيت .. الخ

حلي المشكله للبنت .. وعطيني رايج
اذا كان المواطن بضرب نعال يلقى وظيفه .. هل تتوقين ان زوج المواطنه بيلفى وظيفه بسهوله!!

المشاركة الأصلية كتبت بواسطة Haruna

اختي المشكله عندنا مب فالنسب والحسب والقبيله

هذا مب سبب الرفض للجنسيه الاخرى .. هذا مب عذر لنا لانه هالشي جداً تافه ونادر الناس تهتم

حتى الاخلاق والدين .. مب هي السبب لرفض الجنسيه الاخرى

يعني الحين انتي لو ياج واحد مواطن اخلاقه مب اوكي بترفضينه, بس مواطنه غيرج ممكن توافق! بحجة انه خاطرها تعرس, تبا تطلع من عند اهلها تبا تفتك من الدراسه او اي شي ثاني

يعني مب هذي المشكله والمشكله مب مشكلتكم حتى

المشكله مشكلة قانون, وسياسات .. المشكلة العيال اللي حتى لو ابوهم مب عايش فدولته, بيعتبرونه منها ما يعتبرونه من المكان اللي انولد فيه او الام اللي انولد منها

روحي شوفي كندا! شوفي امريكا!

اي فرد ينولد ع ارضها له الحق يحمل جنسيتها, ولا على اي اساس احنا عندنا جنسيه

المشكلة فالامارات ودول الخليج عموماً مستصعبين هالشي لسبب واحد

وهو انه المواطن عندهم له امتيازات, هالامتيازات ما تنعطى بلدان برع

مثال التعليم والطب

برع تبين تدرسين تدفعين من دم قلبج حتى لو مواطنه, هنيه عندنا المواطن له امتيازات ولو انها قليلة بس احنا تعودنا عليها وعلى وجودها وصعبه نستغني عنها

انا من وجهة نظري .. العلم والطب هذيلا اهم شي فالحياه, ولازم كل دوله تأمن هالشيين لكل المقيمين على ارضها سواء من مواطنيها او من مواطني الدول الاخرى وتتكفل كل حكومه انها تدفع المبالغ المطلوبه عنهم .. الا اذا حالة الدوله اقتصادياً سيئه جداً مثل فلسطين, السنغال, غينيا وجنوب افريقيا

اولا حجة ان البنت تبا تفتك من بيت اهلها (بسبب تافه ومب سبب قوي) او تبا تفتك من الدارسه .. هالاسباب تخليها تعيش بجحيم حتى لو تزوجت بمواطن .. لانه المواطن يمكن يدخل في الديون .. وفي الحاله هاي لازم تشتغل علشان تعيش مع زوجها بشكل افضل

ثاني شي يا حبيبتي .. مرحبا بك في الامارات .. انا ما ابا اشوف دول ثانيه لاني شوفتي لهم ما بيغير سياسة الدولة
ولو بشوف دول ثانيه .. افضل اني اشوفهم في تطورهم للعلم .. مثل الطب والجينات والقانون ومؤسساتهم وقانون العمل والعمال هناك .. الخ .. واقارنها بالامارات .. يعني ما بشوف هم شو حياتهم الزوجيه!!

والمشكله اللي طرحتيها بعيده كل البعد ان الزواج من القبليه .. لانه هاي سياسة دولة .. وانا اتكلم عن العادات والتقاليد في الزواج

المشاركة الأصلية كتبت بواسطة classic ladyy

و عليكم السلآم و رحمة آلله و بركآته ،

و آلله يـآ اختيه هذي حرية شخصيه ،

هي الي بتتزوج و بتعيش ويـآه ، !

و ليش ترمسين عن هالجنسيآت بكل قزز و اشمئزآز ؟

لدرجه انج شككتي بحبهآ لزوجهآ حلاآلهآ ؟ !!

أو انج تكلمتي انهآ حآبتنه قبل الزوآج بطريقه غير مبآشره ، !

آلله مآ جبر الإمآرآتيـه تتزوج إمآرآتي ،

و الحديث الي يبتيه ، حديث مب صحيح . . .

و هذآ الدليل . . . /

سئل العلامة عبد العزيز بن باز ـ رحمه الله ـ

س/ هل هذا حديث صحيح: تخيروا لنطفكم فإن العرق دساس؟

ج/ بسم الله الرحمن الرحيم، الحمد لله والصلاة والسلام على رسول الله وعلى آله وأصحابه ومن اهتدى بهداه أما بعـد: فالحديث المذكور نص أهل العلم على أنه غير صحيح .

،

و لو كآن هالكلآم صحيح ،

جآن مآ اتزوج سلمآن الفآرسي . . .

و جآن الشيوخ مآ زوجوآ بنآتهم لـ حكآم دوله خليجيه ،

،

أنـآ مب ضد الإمآرآتيـه تتزوج أي انسآن في هالدنيـآ ،

الي يهمني عقب هالزوآج ،

أهم شي اتكون عآرفه شو بتكون أتبآع هالزوآج من النآحيه القآنونيـه ،

المعروف انه الي تتزوج وآفد عآيش في الإمآرآت ،

اتكون حيآتهآ تختلف عن الي عآيشه مع زوجهآ في بلآده ،

لأنه القوآنيـن صعبه اشوي عليهآ ، كون عيآلهآ بيتعآملون معآملة الوآفد ،

مآ فيهآ شي اذآ الإمآرآتيـه خذت خليجي ، و عآشت ويآه في بلآده ،

و خآصةً عآدآتنآ و تقآليدنـآ وآيد متشآبهه ،

و فرة حصآه و تقدر اتزور أهلهآ بأي وقت ،

،

و مب صحيح انه زوآج الإمآرآتيـه مربووط بـ سآلفة تأخرهآ بالزوآج ،

لأن وآيد إمآرآتيآت ، خطبوهم وآيد شبـآب ،

بس النصيب آلله كآتبنه من فوق سبع سمآوآت ،

و آلخيره فيمآ اختآره آلله ،

،

أمآ الجنسيآت الثآنيـه ،

يكون من بلآد الشآم ، ايرآني ، أفغآني ، بآكستآني ،

أردد انه كيفهآ ، و هي حرية و هذي حيآتهآ. . .

مع اني أنـآ عني شخصياً ، مآ أرضى اتزوج وآحد خآرج ايطآر الخليج ،

،

يعني بختصر ردي و بقول ،

أنآ مب ضد الزوآج ، اذآ كآنت بتتزوج و بتعيش في بلآده . . .

و آلله يوفج آليميع ، !!

و تسلمين على هالطرحْ آلحلــوو . .

اولا وقبل ما ادخل في النقاش .. الحديثين صحيح لاني اخذتهن من مواقع دينيه

ثانيا

انا ما اقول البنت غصب عليها ما تاخذ العربي في حالة انه خطب
انا اقول انها هي تسيئ البنات من حولها

مثال علشان اوضح صورتي

نقول 3 بنات .. تزوجت الوسط من ريال والنعم فيه .. قبيلي والكل يمدح فيه
بعد الزواج البنت نفسها تمدح فيه وتقول انه ريال بالفعل يحرمها

يت الصغيره وعرست قبل الكبيره .. نصيب وما ردته
وكان الريال (بدون) .. يعني لا اصل له ولا فصل

هي الحين شو سوت؟؟
ولا تقولين هالشي ما يصير في الامارات لانه صارت
زوج للاخت الوسطانيه .. عامل زوجته بكل برود بسبب (عديله) بدون
والبنت الكبيره .. كان بيخطبها واحد .. بس غير رايه لانه العائله اخذت واحد (بدون)

انا ما اقول غصب .. ولا على كيفها .. انا اقول يوم تعيش مع مجتمع يفكر بالطريقه هاي؟
وهي عايشه بنعمه وخير بين اهلها وناسها .. ليش تجبر نفسها وتعيش بالطريقه هاي

اذا اخذت واحد من دول مجلس التعاون الخليجي .. فما شي مشكله في الموضوع
لانه عادات وتقاليد مجلس التعاون الخليجي مثل ما تفضلتي وقلتي .. متشابه بشكل كبير

بس المصري .. ولا السوري .. ولا المغربي .. ولا الهندي؟؟
هذا مثال لا غير >> فلا حد يتحسس!!

انا من وجهة نظري .. البنت للي تتزوج من واحد (غير مواطن او غير من مجلس التعاون الخليجي) وهي تعرف انه هالشي بيكون مب زين لعائلتها ومطنشه ... هي انسانه انانيه جدا .. لانها فكرت في نفسها ولا فكرت بغيرها

المشاركة الأصلية كتبت بواسطة jwelle

طبعا ضد

شكرا على الرد .. مع انج ما وضحتي سبب رفضج للفكره!!

المشاركة الأصلية كتبت بواسطة ملكة الاحاسيس

ياختي العربي او الخليجي ترى انسان وله جذوره واصله وفصله مش ملقـط كما البعض

صح كلامج حبوبه

انا ما اقول الخليجي .. انا اقول العربي يعني (العراقي، السوري، الاردني، الفلسطيني، السوداني، الصومالي، الليبي، التونسي، المغربي .. الخ)
او الهندي، الايراني، الباكستاني .. الخ

المشاركة الأصلية كتبت بواسطة صعب توصلني

والله يختي ها الحريم مادري كيف يفكرون في اللحظة اللي هم فيها مايفكرون بالمستقبل والله يسامحهم
والمشكلة يتصايحن ويعضن الندم وحالتهن حاله عقب انزين ليش توصلن لها الدرجة هذا كان اختيارج وقرارج قبل فلازم تستحمل عواقب اختيارها الخاطئ..
ومنهم اختي الله يسامحها مبتلشة بلشة العمر وماخذتلها سعودي وتعالوا شوفوا الحياة من بعد ماكانت بعز

صدقج اختي .. انا اعرف بنيه ماخذه عربي .. واونه تحبه وتموت فيه .. اخر شي لعن خيرها وغسل شراعها .. سألتها عن حسن نيه .. وقلت لو ردت فيج الدنيا ورديتي بيت ابوج ويا هالريال وخطبج .. بتوافقين بعد (انا على فكره سألتها من باب انه كانت تقول انا احبه .. وما قالت انا كنت احبه)
قالت لي وهي القهر بالعتها بلع .. لو رجع الزمن لورا .. ويا هالريال وخطبني .. ارفضه حتى لو في رفضي الموت

مع انه بنت عز .. بس عاندت ابوها واخذته .. والمصيبه العوده .. ابوها توفا وهو زعلان منها علشان اخذت هالريال

المشاركة الأصلية كتبت بواسطة عآشقه عيالي

?‏?نـا ضد هالزواج. وحلاة الثوب رعقعتة منة وفية

احب راسج على هالكلمه

**بطة بيضاء** · 2011-01-18, 15:35

دولة الامارات دولة قبليه .. تشوف الاصل والفصل في امور كثيره

ما أعتقد هذا الكلام صحيح .. و الدليل ان نسبة العجم و الهنود و الوافدين اللي عندهم جنسية اماراتية أكبر بكثير من نسبة العرب الاصليين

لذلك موظوعج ممكن يثير الفتنة .. و ثاني شي لا مانع من زواج مسلم من مسلمة و عربي من عربية اذا كانت الامكانية متوفرة و التفاهم موجود .. لا فرق بين عربي ولا اعجمي الا بالتقوى .. و أمور التفرقة هاذي سياسة يهودية فرظتها امريكا و اسرائيل على الدول العربية و هذا مبدأهم (فرق تسد) .. و الدليل انه في بلاد الغرب ما عندهم مانع ياخذون جنسيات اخرى .. يعني البريطاني ياخذ سويدية و الالماني ياخذ هولندية و هكذا .. و حقوقهم متساوية .. مب شرات الدول العربية اللي تعاقب ابناء وطنها على زواجهم بغير ابناء الوطن نفسه !!

**za3franah** · 2011-01-18, 15:40

المشاركة الأصلية كتبت بواسطة بطة بيضاء

دولة الامارات دولة قبليه .. تشوف الاصل والفصل في امور كثيره

ما أعتقد هذا الكلام صحيح .. و الدليل ان نسبة العجم و الهنود و الوافدين اللي عندهم جنسية اماراتية أكبر بكثير من نسبة العرب الاصليين

لذلك موظوعج ممكن يثير الفتنة .. و ثاني شي لا مانع من زواج مسلم من مسلمة و عربي من عربية اذا كانت الامكانية متوفرة و التفاهم موجود .. لا فرق بين عربي ولا اعجمي الا بالتقوى .. و أمور التفرقة هاذي سياسة يهودية فرظتها امريكا و اسرائيل على الدول العربية و هذا مبدأهم (فرق تسد) .. و الدليل انه في بلاد الغرب ما عندهم مانع ياخذون جنسيات اخرى .. يعني البريطاني ياخذ سويدية و الالماني ياخذ هولندية و هكذا .. و حقوقهم متساوية .. مب شرات الدول العربية اللي تعاقب ابناء وطنها على زواجهم بغير ابناء الوطن نفسه !!

اختي سمحيلي على ان اقول ان كلامج غلط في غلط
لانه موضوع القبليه كانت قبل البترول حتى
واذا هالشي انتي ما تعرفينه .. هذا لا يعني انه مب موجود
واقل دليل على كلامي .. انه في كثير من البنات أيدوني في هالشي

واحب اعيد بان اقول ... انا لا اتكلم عن الدين .. لانهم هم يمكن يكونون افضل عنا (دينيا) ولكن انا اتكلم عن القبيله لا اكثر ولا اقل

بحكم .. ان دولة الامارات تهتم بالقبليه ..

**زمـــن هموم** · 2011-01-18, 16:11

هاي حرية شخصية

البنت هي اللي بتتزوج وهاذي حياتها هي سواء كانت زينة ولا شينة هي تتحمل نتايج اختيارها

الواحد كم مرة بيعيش

**Fanatek** · 2011-01-18, 16:13

ماعرف شو فايدة الموضوع .. منو مهتم بشوو راي كل وحده في المنتدي بحال غيرها من البنات .. منو استفتاكم في الموضوع .... ماعرف ليش في ناس تفتح مواضيع تثير بلبلة و بس ....

**أم نظارات** · 2011-01-18, 16:33

ضـد ,’ مـهما كان مـستواه المــادي مرتـفع و قـوي

ربي يـوفق الـجميــع

**سلفريدج** · 2011-01-18, 16:50

انا مادري متى بتملون من هالموضوع ياجماعه كلن ينام على الجنب الي يريحه ,اولا لا في قوانين تمنع ولاشرع
يخالف هالشي ثانيا صدقيني محد بتاخذ عربي او عجمي الا ولها اصل من هذي البلاد ....والدوله مو مقصره ويا المواطنه الي عيالها ماخذين جنسية ابوهم ..العلاج مثل المواطنين والدراسه عالحكومه وكل شي مسهل لهم
في الوظايف...وفي ظني ان الواحده مادام ياها احد يصونها ويعزها ويقوم بواجباته في بيته افضل لها ولا
تضلي عانس حال كثير من بنات اليوم ............

**بثنـــه** · 2011-01-18, 16:53

المشاركة الأصلية كتبت بواسطة خلاص يعني

انا بصراحة ضد كلام الاخت

الرسول صلى الله عليه و سلم في حديث قال بما معناه من جاءكم من ترضون دينه و خلقه فزوجوه
يعني اهم شي الدين و الخلق و اخر شي الحسب و النسب

شو فايدة الحسب و النسب و الولد ما ملتزم بصلاته و اخلاقه فالقاع
وايد ناس خذوا من برع و الحمد لله مافيه احسن عنهم ووايد ناس ماخذين من حسب و نسب ولاعنين خيرهم و خير اهلهم فوقهم بعد

و بعدين هذا نصيب و القدر من رب العالمين هو اللي يختار لنا اللي فيه الخير
انا اعرف ناس بحكم سكني فقرية تابعة لامارة الفجيرة و بما انه مدحاء منطقة تابعة لعمان
اعرف ناس ماخذين عمانية و الحمد لله عايشين عيشة حتى اهلهم ما كانو يتوقعونها
و ماقاصرنهم شي اهلهم كلهم عندهم و مدرسة و يروحون و كل مقومات الحياة الكريمة متوفرة لهم و لله الحمد

و استغرب من تفكير بعض البنات و الاهل
ما بيخطبون حق ولدهم بنت فلان ليش؟؟؟؟؟؟؟
امها هندية و الا مصرية
انزين شو يعني هالشي ولدكم بياخذ البنت ما بياخذ امها
و مداكم تبون البنت لانها متربية تربية صحيحة فامها الوافدة هي اللي ربتها على هالشي
الله يهديهم و يهدينا يارب

السموحة جاني طولت

كفيتي ووفيتي عزيزتي ..

والموضوع أولا وأخيرا نصيب ..

الموضوع: ابا رايكم بصراحه

أدوات الموضوع

عرض

المواضيع المتشابهه

رايكم يهمني...بجامات ام امنة..اتفضلوا وقولوا رايكم بصراحه

شو رايكم بالحنااا ؟؟ رايكم بصراحه

شو رايكم بصراحه ^_*

شو رايكم بصراحه