علي دين .. اتزوج ولا ؟؟

[أبحث عن ذاتي]

السلام عليكم .. ما اعرف اذا العنوان يناسب الموضوع ولا .. واذا الموضوع مكانه صح ..

بنات ربيعتي طلبت مني انزل لها الموضوع كون ما عندها عضوية .. بنات ربيعتي تشتغل وعندها مسووليات وعليها ديون حالها حال الناس .. ويبالها كم سنة لين تضبط امورها .. الحين متقدم لها واحد زين .. والكل يقول لها لا تفوتين الفرصة .. هي محتارة وتقول شباب هالايام يدورون وحده تعاونهم على مصاريف الحياة .. وانا مديونة ويالله الراتب يسدني .. يعني ما اقدر اساعده الا اذا حصلت وظيفة احسن .. وكل شي بايد ربنا .. الحين هي محتارة تقدم على هالخطوة ولا لا .. بلييز بنات اللي عندها خلفية عن هالمواضيع ممكن تنصحها .. انا مب معرسة ولا اعرف ترتيب الزوجين .. والله يوفق كل بنووته ويرزقها بالزوج الصالح

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دمعة غـلا]

خلها تستخير ,,,

والي الله كاتبه بيصير

[WFOY]

تتزوج حبيبتي ما فيها شي ... الزواج ستر و ان شاء الله كلها كمن سنه و تسدد ديونها ...

و تخبر ريلها خلاف ان عليها دين و بس

[Hno0odah]

خلها تستخير
وموضوع الماده من ناحية حياتها الخاصه هذا شيء خاص فيها والزوج ماله دخل فيه
والمفروض اذا عرست اتفهم زوجها هالشيء

والله يسعدها

[بنت زاايد]

اول شي الاستخااااره

اذا ارتاحت تتوكل على الله....

والله بيسرها عليها يمكن الريال ساعدهاا وبند ديونهاا محد يدري بالغيب


سبحان الله عدد خلقه ورضا نفسه وزنة عرشه ومداد كلمااته...

[ะ بنت ليـٍوا]

رايي انها تستخير و بعدها تتوكل البيزات تروح و ترد و على الله رزقهم

[ملح دبي]

اختي انتي بروحج قلتي عندها دين حالها حال الناس بعد شحقه التردد !! يعني اللي عندها دين ما تعرس؟ جان محد عرس في هالدنيا ... بالعكس انا احس انه امورها راح تستقر أكثر عقب الزواج ... و إذا وافقت احسن لها ما تعطيه هالفكره ولا تفتح هالموضوع وياه ابدا ... توافق و تدفع دينها سكاتي و بس ...

[فطـــامي 750]

تستخييير

الله ييسر اموورها

[ام دانه777]

مول ماله شغل فالسالفه الزواج هي مب ريال عشان تحاسب عمرها اذا هي مديونه ولا لا وهي مالها شغل في مصاريف الزواج ولا غير كل على الريال .. بيزاتها وكيفها مامفروض الريل يسالها ولا يحاسبها وصلا ماتفتح مجال حقه وتكلمه في الموضوع .

[ماسة شرجاويه]

وانا رايي من راي البنات
يعني اللي عليها دين ما تعرس ؟؟ خليها تستخير واللي الله كاتبنه بيصير لا تعقد الامور
يمكن يكون متمكن ومب محتاي مساعده وحتى لو كان يبا وحده تعينه
الا هو دين وان شاء الله ربها بيفرجها اما بتسديده او بوظيفه احسن
محد يدري بالمستقبل شو بيصير ؟؟
ومعاشها شي خاص فيها بس خلها تقول وتفهم اهلها يوصلون له
انها ما بتطلع من وظيفتها لان عندها التزامات الخوف انه من الشباب اللي يقولون مابا حرمتي تداوم الــخ
والله يوفقها يارب

[اهلين و سهلين]

تتوكل ع الله

و بعدين بتسدد ديونها ان شاء الله ~

[سوارة]

سبحان الله عدد ماكان و عدد مايكون و عدد الحركات و السكون

[ابتسامة قمر]

اولا خلها تستخييير


وثانيا

اختيه الريال ما له خص في بيزات حرمته خير شر
يعني من اولها لازم هو يصرف عليها
واذا هيه من نفسها بغت اتساعده هالشيء راجع لهاا بس هو مب اجباري


من كلمة الريال
هو اللي لازم يتحمل المسؤولية
لانه كفاية الحرمةبتربي العيال وبتدير البيت

[Pheno-m-enon]

الريال ينخاف جان عليه ديون (مب اي ديون.. ديون بالملايين) لانه هو المسؤوول
اما الحرمة عادي.. هي مسؤولة عن عمرها فقط
و الريال مب ماخذنها عسب بيزاتها و لا عسب تصرف عليه
خلها تستخير و جان هو خير لها بتاخذه بس لا تفكر ف الدين

[ام علالي]

خليها تستخير

واذا كان من نصيبها تاخذه

والله يوفقها ....