حياااكم

**نـدى الامارات** · 2011-01-15, 00:03

مرحبا حبوبات ...

بعد فتره قريبه بإذن الله راح ننتقل لبيتنا اليديد .. والحين احنا قاعدين نفرش ...

وانا الصراحه حبيت اسوي غرفتي باللون الاسود والابيض .. وسويت الحمام كله ابيض بس line ورد اسود ..

وفكرت ف الغرفه بعد ابيض واسود والحين الكل يقول لي لا اتسوين ابيض واسود بتملين او اني ادخل لون ثالث معاهم .. فانا الحين الصراحه الحين وايد اضايقت ومحتاااره وخايفه اسوي شي ويطلع مب حلو .. فبغيتكم يا خبيرات الذوق والديكور تساعدوني ..

يعني هل الحمام له دخل في الحجره ولا عادي ... اذا عندكم صور صبغ و غرف نوم تساعدوني ... يعني لو اغير اللون اي لون احطي وكيف الديزاين ..
وفي ميزان حساناتها الي بتساعدني والله يجزيها الف خير يا رب وراح ادعي لها بإذن الله

المزيد من آخر المواضيع من نفس القسم:

**M!SS UAE** · 2011-01-15, 00:42

بصراحة غمضتيني ودي اساعدج بس انا موووول مايخصني في هالمواضيع
بس شفت في فندق في الشارجة جناح اسود وابيض بس بصراحة رووووعة وطالع فخم مع ان الاثاث والديكور بسيط
تشجعي وسويه واذا عندج امكانيات مادية ممتازة بعد كم سنة غيري
وبالتوفيق ان شاء الله

**حيـــاة زوجها** · 2011-01-15, 00:45

ممكن تدخلين اللون الاحمر او الفوشي بالاثاث بيكون رووعه اكثر وما راح تملين منه ابدا ^_^

**حيـــاة زوجها** · 2011-01-15, 01:02

هاي بعض الافكار لعيونج

**نـدى الامارات** · 2011-01-15, 11:06

أمممممم ... أحب اشكر الكل ... وافكاركم عيبتني ومشكورين

بس حبوباتي لو فكرت ادخل الفوشي كيف ادخله بالاثاث يعني هل طقم الغرفه بالفوشي و لا كيف

والصبغ شو اخليه ... اي لون ساده ولا مشير ..؟؟؟..

السموحه ع هالاسئله لاني ما اعرف شي ف الديكورات والديزاينات خخخخخ

**Pheno-m-enon** · 2011-01-15, 11:10

اللون الاحمر بيظهر روعة روعة روعة
يعني شرات الاخت اللي حطت الصورة فوق.. الحمام ابيض و اسود
بس مثلا الفوط و إذا بتحطين شموع و ورد مجفف باللون الاحمر
و الغرفة نفس الشي.. بيظهر صدق روعة

**نـدى الامارات** · 2011-01-15, 11:22

اختي الغاليه .. انا مستبعده الاحمر لان أختي الصغيره غرفتها حمره فمو حابه اكرر الالوان

**حيـــاة زوجها** · 2011-01-15, 11:48

حبيبتي اذا مستبعده الاحمر ترومين تدخلين اي لون تحبينه لان بيكون وايد حلوو على الابيض والاسود يعني اي لون راح يغير ويفرق وايد
يعني مثلا ممكن يكون ورود لوحات مفارش سرير اطقم كنب مخدات صغيره يعني تختارين لون وتحطين منه اي شي بالغرفه بس اهم شي لا تكثرين بالالوان يعني مثلا اذا اخترتي اخضر ترومين تحطين كل درجات الاخضر وممكن شي اصفر بعد اهم شي لا تدخلين بزحمة الالوان يعني تنسقين الاثاث من درجات اللون

**نـدى الامارات** · 2011-01-15, 16:58

ثانكس ع الردود الطيبه ...

حبيت اقولكم قراري .. وابي رايكم لان يهمني والى عندها اي اضافات تراني استقبل خخ ..

بعد التفكير ..

فكرت اصبغ الحجره باللون الاصفر واخليها سااااده .. والطقم غرفة النوم ابيض .. واكسورات بسوي مكس بين الابيض والاسود و الاصفر ...

والحمام بخليه اكسوارته باللون الاصفر عسب يكون قريب من الغرفه ...

رايكم يهمني وانتظر .. ثااااااااااااااانكس

**كيسة جمعيه** · 2011-01-15, 17:22

موفقه

**أم نهيـان** · 2011-01-15, 22:25

أنا الحين يالسة أسوي حجرتي في بيتي اليديد .. 3 الوان ( أحمر و أسود و أبيض )

شريت الأثاث أسود و عليه لاين أبيض ..و الكفر لين الحين مب محصلة ..
و سرير كتكوتي أسود و لاين أبيض .. و الفراش بات مان ..
وخذت أبجورات حمرا روعة و كيوت من ايكيا ..
و الزوالي خذت 3 بعد من ايكيا .. وحدة حمرا سادة و ووحدة سودا و الأخيرة بيضا .. بسوي دمج و حركة حلوة ..

و ع كورنر .. لصقت ستيكر أسود مع ورود حمرا و مرايات مشيرة طلع خبال .. من ايكيا و الدراجون

و الكورنر الثاني أبجورة واقفة لونها أسود و احمر .. من ايكيا ..

وشموع و كوشنات صغار كحركة بحطهن تحت جدام السرير .. بعد بالألوان الثلاث .. شريتهن من هوم سنتر

والستارة بعد لونين أسود و احمر .. حركة حلوة و مميزة جداً .. فصلتها ف بوظبي ..

والزبالة أكرمكن الله و سلة الثياب كله أسود و احمر و أبيض ..

والحمام نفس الألوان مسوتنه ..

عادة من اخلص تزيين و تصبيغ و ترتبيشن .. بصور لكن حجرتيه اليديدة ..

الموضوع: حياااكم

أدوات الموضوع

عرض

العرض المتطور

حياااكم

المزيد من آخر المواضيع من نفس القسم:

المواضيع المتشابهه

حياااكم ... ^___^

•·.·´¯`·.·• حياااكم •·.·´¯`·.·•