فوزية الدريع

**نبض الكويت** · 2007-07-02, 01:58

مااااااشاء الله عليكم بنات الامارات قمه فى الادب فى الحوار ، والله انتم ابرك من غيركم اللى يشوفونها من منظور طائفى ويقولون احنا ما نحبها لاانها شيعيه ، واليوم فى موضوع يتحجى عن برنامجها فى احدى المنتديات وما هم فيها انها شيعيه بس ، مع العلم اناااا سنيه ، ولكن التقوى والثقافه والعلم موجود فى كل المذاهب ، ااحنااا مسلمين فى الاول والاخر ، وتعليقى على برنامجها مثل الاخت الى قالت انا وااااااااااااايد احبها وريلي بعد مايدانيها وريل اختي يقول هذي تخرب الحريم، ومادرى شفيهم الرياييل عندهم انها تفتح عيون الحريم على معلومات واسرار جديده

**الحياة** · 2007-07-02, 02:48

برنامجها مفيد

ولازم ماندخل الطائفية في الحكم
عيل نحن ناخذ معلومات وثقافه من اجانب مسيحين كفار

**احب السفر** · 2007-07-02, 02:58

انا وااااااااااااااااااااااااااااااااااااااايد احبها

**نــــوره** · 2007-07-02, 03:02

وين مفيد؟؟؟؟؟؟؟؟؟

قبل صدق كان مفيد

الحين قامت تخورها

يعني لو هيه ودها تساعد الناس تفتح عيادتها و تحل المشاكل
مب اتخلي الناس تنشر غسيلها جدام العالم و لا بإباحيه بعد

فيه حلقه من الحلقات كانت فظيعه .. تكلمت في كل شي

شااااااااااااامل

من العاده السريه

ليييييييين العلاقه الجنسيه

لين .. و لين...

و تحط الحين بعد الي اقل من 18 لا يتابعون

انزين اشدراج انه المراهقين ما بيشوفون؟؟؟؟؟؟؟؟؟؟؟؟

ترا الفظول بيشدهم اكثر و اكثر

بصراحه مصختها

سكرو برنامج نبيل العوضي و خلو فوزيه الدريع

عشنا و شفنا

**الصواوه** · 2007-07-02, 03:38

.
..
.

فوزية الدريع

اختلف الناس في أمرها
منهم من اعتبرها عيوز ساحرة شمطاء .. ومنهم من أعتبرها دكتورة متمكنة

.

ما شاء لله عليها جريئه زياده عن اللزوم
وقدرت تكسب الناس بسرعه عن طريق هذا البرنامج
والدليل الاقبال عليها في البرنامج ...

.

اسمع من بعض الناس
بأنها عديمة الحياء لأنها تتطرق الى مواضيع بنظرهم وقحة وخارجة عن العادات والتقاليد ...
اعتقد لان مجتمعنا يتجنب الحديث عن هــ المواضيع ويعتبرها عيب ومنقود ...

.

وفوزيه الدريع جريئه في مواضيعها وصريحه واتوقع هذا لانها تبا توصل رساله بأسلوب بسيط يفهمه الناس عن اللي يستوي في الزمن هذا
>> نحن في زمن يخوف والبلاوي تزيد كل يوم
وبعض البنات أو الزوجات ما يعرفون كيف يتصرفون ولــ منو يتجهون ...؟!

.

والمنطقه الحمراء في برنامجها
احس ماله داعي انها تحدد العمر
لانها ما تقدر تمنع دون العمر المطلوب انهم ما يتابعونها في هــ اللحظة ...!
يقدرون يشوفنه في الميلس ولا بيت الربع ولا برع ... أي مكان :1 (7):
وانا من الناس الي ارفع لها القبعه على برنامجها الي فتح عقول كثير من الناس

.

السموحه على الاطاله

مشكوره أختي على الموضوع
^^

.
..
.

**منشغل بالها دوم** · 2007-07-02, 07:59

أوه طحتو على العوق فوزيه ماشاء الله عليها علم وثقافة و أدب وتعرف متى ترد ومتى تسأل
أنا أحبها وايد لأنها تفطن البنات والحريم على الصح والخطاء والأشياء اللي ممكن ناسينها
الصراحة هيه المطلب الرئيسي لكل برنامج وخاصة اللي تخص حياتنا الشخصية و اليومية
ومع منوه مع أهم أنسان وهو شريك الحياة .الرياييل يمكن مايحبونها لأنه مايتقبلون الحرمة ترمس بهذي الأمور أو تعطي الحريم هذا الكم الكبير
من النصايح والمعلومات اللي بتفتح عيون الحريم على الرياييل وخاصة (الخونه منهم يحسبونه هجوم)
مب عامل جذب لهم و أستعادتهم لأسرهم بطرق بديلة.المنطقة الحمرا .. أستفدت أني يوم بطالعها بروغ عيالي يلعبون داخل حجرتهم عشان أخذ راحتي ولا
يسمعون اللي تقوله ( صح هيه ما تمنع بس مخليه هذا الوقت من البرنامج للكبار المتزوجين)
وسلامتكم

**بـ§ـدويـ§ــة والنـ§ـعـــم** · 2007-07-02, 08:20

فوزيه الدريع معروووووووووفه .. والصراااااااحه شهادتي فيها مجروحه وارتاح يوم اسمع حلولها لانها منطقــــــــــــيه

**catwoman** · 2007-07-02, 08:25

لاتنسون انه الجراءه هاذي تنفع لحل مشاكل وايده بين الازواج واسلوبها وايد راقي وفنان..وكوميديه بعض الاحيان ...اتحدى اي وحده اتقول انها ما استفادت ولو نقطه بسيطه من برنامجها ...الله يعطيها الصحه والعافيه ويجعله في ميزان حسناتها

**tammy** · 2007-07-02, 08:25

تعجبني واااااااااااااايد

**أم الشيوخ** · 2007-07-02, 08:26

برنامجها رووعه بصراحه وانا من متابعينها .. واللي يقول ان في قلة احترام فانا اقول لا والف لا .. هيي قاعده تناقش امور تصير في مجتمعنا .. وهيي منبها اول برنامجها ان البرنامج ما يصلح الا للي فوق 18 سنه

**عزوونة95** · 2007-07-02, 12:16

أسلوبها في الرد حلو وبسيط 0

**الاحساس** · 2007-07-04, 00:39

المشاركة الأصلية كتبت بواسطة الصواوه

.
..
.

فوزية الدريع

اختلف الناس في أمرها
منهم من اعتبرها عيوز ساحرة شمطاء .. ومنهم من أعتبرها دكتورة متمكنة

.

ما شاء لله عليها جريئه زياده عن اللزوم
وقدرت تكسب الناس بسرعه عن طريق هذا البرنامج
والدليل الاقبال عليها في البرنامج ...

.

اسمع من بعض الناس
بأنها عديمة الحياء لأنها تتطرق الى مواضيع بنظرهم وقحة وخارجة عن العادات والتقاليد ...
اعتقد لان مجتمعنا يتجنب الحديث عن هــ المواضيع ويعتبرها عيب ومنقود ...

.

وفوزيه الدريع جريئه في مواضيعها وصريحه واتوقع هذا لانها تبا توصل رساله بأسلوب بسيط يفهمه الناس عن اللي يستوي في الزمن هذا
>> نحن في زمن يخوف والبلاوي تزيد كل يوم
وبعض البنات أو الزوجات ما يعرفون كيف يتصرفون ولــ منو يتجهون ...؟!

.

والمنطقه الحمراء في برنامجها
احس ماله داعي انها تحدد العمر
لانها ما تقدر تمنع دون العمر المطلوب انهم ما يتابعونها في هــ اللحظة ...!
يقدرون يشوفنه في الميلس ولا بيت الربع ولا برع ... أي مكان :1 (7):
وانا من الناس الي ارفع لها القبعه على برنامجها الي فتح عقول كثير من الناس

.

السموحه على الاطاله

مشكوره أختي على الموضوع
^^

.
..
.

هي تحدد الاعمار عشان الام والابو والعيال يكونون يالسين يشوفون البرنامج ومن تحدد هالفترة لا تصلح لمن هم دون 18 خلاص الاهل هم يتحكمون في وجود ابنائهم في هالوقت اعتقد هذا قصدها

**ام سلطان الدرعي** · 2007-07-04, 01:38

؟؟؟؟؟؟؟؟ ما اعرف شو اقول
جراءة بمفهوم التعليم
والله يعلم لاني ما ارتاح لها

**ام نجود** · 2007-07-04, 01:46

تعيبني وايد

الموضوع: فوزية الدريع

أدوات الموضوع

عرض

المواضيع المتشابهه

الدكتورة فوزية الدريع

فوزية الدريع

د.فوزية الدريع

ايميل فوزية الدريع