ابني يستحق التدريس

**الفناء** · 2011-01-14, 17:07

مرحبا اخواتي
ولدي في الصف الاول وهوة من ذوي الاحتياجات
ولدي الحمدلله سليم مافيه لا ضعف في السمع
والوزارة سوتله امتحان
واعطوني ورقه لامانع يدخل المدرسه ويحطونه
في فصل التربيه الخاصه بس الاسف المدرسه
الي حطيته فيها ماقالو انه ماعندهم تربيه خاصه
حق اول وطبعا الولد ماستفاد شي والمدرسه مافيها امان
وطلبت نقل الولد لين ماوصل الرد دخلته مدرسه ثانيه
داوم الولد اسبوع وبعد الاسبوع قالولي تعالي نحن ماعندنا
مكان حق الولد الا اذا انتي بتوفرين له مدرسه حقه
ولا رجعيه المدرسه الي كان فيها
طبعا انا اصريت اني ماارجعه المدرسه السابقه واخليه في المدرسه الي الحين هوة فيها
بس الاسف اتصلو فيه قالو تعالي شلي ولدج نحن مب مسولين عنه لانه الادارة ماقبلته
لانه ماعندهم مكان
مب حرام يضيعون على الولد هي السنه واشيوخنا مب مقصرين بس ياليت يعرفون
انه عيال التربيه الخاصه مب مهتمين فيهم
والسموحه طولت عليكم بس ابغي الرد منكم خواتي

المزيد من آخر المواضيع من نفس القسم:

**زينة البلد222** · 2011-01-14, 19:15

لا حول ولا قوة الا بالله

هذيلا كيف ما عندهم مكان.َ!

اختي اتصلي بالوزارة شفي شو بيقولولج واتخبري عن المدارس اللي فيها مكان مناسب لولدج

ربي يعينج ويوفقكم ان شاء الله

^^

**جميلتي** · 2011-01-14, 19:33

لا اله الا الله محمدا رسول الله لا اله الا الله محمدا رسول الله

**هند سلطان** · 2011-01-14, 22:05

للرررررفع

**سوسو77** · 2011-01-14, 22:18

حبيبتي أنا مع الأخت اللي خبرتك تتصلي بالوزارة وتشوفي حل عندهم .. لأن بجد حرام يضيع على الولد السنة
وإن شاء الله تنحل معك هالمشكلة

استغفر الله العظيم الذي لا إله إلا هو الحي القيوم وأتوب إليه

**ليندااااا** · 2011-01-14, 22:40

لاحول ولا قوة الا بالله

**ام محمد858** · 2011-01-14, 22:50

الله يوفقه يارب
و يسهله طريقه

**غزالة فرعونية** · 2011-01-15, 02:05

لا تسكتين أبدا مب على كيفهم دام الوزارة قالت يدمج معناته ما عنده مشكلة وصدقيني المعلمات ما يبون يتعبون عمارهم يوم يشفون الطالب ضعيف ويبا متابعة ما يساعدونه حرام عليهم يعني ها مستقبل طالب عادي عندهم تضيع السنة عالولد وين صفوف التربية الخاصة والاخصائيين المؤهلين اللي حاطتهم الوزارة .

**نور المعرفة** · 2011-01-15, 09:55

للرفع

**الفناء** · 2011-01-15, 11:48

شكرا خواتي على الردود
انا خبرت الوزارة ويقولون المجلس مب موفر مدرسات حق التربيه الخاصه
حتى قلتلهم لو بفلوس بوديه مدرسه خاصه قالولي المدارس مافيها تربيه خاصه
ومااقول غير الله كريم
ماقصرتو خواتي على الاهتمام

**امبرطورة بوظبي** · 2011-01-15, 20:34

لا تشكيلي ابكي لك .....
كأنج تتكلمين عن ولدي تصدقين سبحان الله ووسرت عند الاستااذة امل الجنيبي قالت والله نحن مالنا خص بس اسم ولدكم في الانتظاار قلت لها طيب في الانتظاار طيب لين متى قالت لي والله ما اعرف وعلى فكرة ها السنه الولد داوم بس اسبوعين وبعدين اتصلوالمدرسة وقالو خلي الولد ف البيت....
شوفي حل مع المنطقة قلت لهم كلمت المنطقة ....
وعلى فكرة لين الحين مداوم الولد بس اسبوعين
ما دري والله ولين الحين دااوم ولدي اول السنة بس اسبوعين وقالو ما نتحمل مسؤلية الولد كلمي المنطقة توفر له مسااعد معلم قلت لهم انا كل مرة اسير المنطقة ماااشي فاايدة قالو عيل غيبي الولد لاغاايت يفرون له مسااعد معلم غيبت الولد بعدة بفترة قالو المركز الي كان يدرس فيه الوالد بيوفر مساعدة معلمة فاعلت خيير قلت اوكي دااومت البنيه اسبوعين وغاابت قالو لقت وظيفه ... تم الولد مدة 3 ايام يداوم وبعدين دخل للحمام وسكر على نفسه باب الحمام في المدرسه وقعد يصيح والمعلمات والاخصائيه يقولون افتح الباب يقول لا بتودوني لصف وها الاسبوع انا مداومه وياااه...
وانا الي قاااهرني صد ق ولدي كان يدرس في مركز ذوي الاحتياجات الخاصة راحو نقلوه وماشي صف تربيه خاصة ...
وانا ولدي مش معاق بس عندة شويه صعوبة تعلم ف لو وفرو له مساعدت معلمة بيستفيييد اكييد اما ان المعلمة شرح ل 17 طالب ما اعتقد بيستفيد شي ...
لان المعلمة مجبورة ترشح بشكل عام وليس خاص فهم فهم ما فهم ما لها شغل مو اضيع الحصة تفهم في ولدي وتهمل العيال الثانيين ر بعد حراام العيال مالهم ذنب والمفرووووض يتوفر مسااعد معلم ....

**الفناء** · 2011-01-16, 12:00

مااقول غير ان الله يجبر في خاطرنا
بس اذا تم الموضع وصليه للكبار مابيرضونها على عيالنا

**امبرطورة بوظبي** · 2011-01-16, 13:57

الله المستعان

**امبرطورة بوظبي** · 2011-01-22, 22:03

.................................................. .............................................

**عيون نجد** · 2011-01-25, 01:12

انا من راي الاخوات والله يعظم لج الاجر على الصبر ويعينج

الموضوع: ابني يستحق التدريس

أدوات الموضوع

عرض

ابني يستحق التدريس

المزيد من آخر المواضيع من نفس القسم:

المواضيع المتشابهه

هل يوجد معهد يعلم مباديء التدريس ويعطي شهادة في التدريس؟؟؟