السلااام عليكم ورحمة الله وبركاااته
هــــــــآي تتذكروني خخخـ
أنا ربيعة غلا سعيد ...صح تسلم عليكم غلوويه هع
آدري انا مصلحجيه يوم احدر بس آطلب منكم >> تحملووني
غلووويه ماقدر اطلب منها هييييلب لان عندها امتحانات الجامعه وتكرف حتى ريلها مسكين ههههـ امتحانات الله يعينهم ويسهل لهم دروبهم ويكتب لهم الخير يارب
عرسي بكون بعد 7 شهووووووووووووووور وايد عندي وقت ادري
بس دخيلكم وين الوقت والدراسه !
أنا ابا اهتم بعمري كيف مادري ؟
اولا بديت بالرجيم يعني لازم انزل 10 كيلو بس ...
وثانيا جسمي جسمي كله الواااااااااان بطني لون ريلي لون رقبتي لون والقهر طالعه لي جمن حبه ومستويات بقع سوووده مب راضيه تقووم عنيهـ اهىء يعني قررت اسوي حمام مغربي من شهر 2 يعني حمام مغربي وفيشل بكونون شهريا لين حزة العرس حلو ولا ؟
ابي سنفرة وصابون حلو للجسم قريت هني عندكم يمدحون ملح الحليب او ملح البابايا كسنفرة للجسم ينفع ولا ؟
وبعد ابي ماسكات حق الويه يعني يخلون الويه نظر دايما ومشرق انا كنت متعوده اسوي روب + رز مطحون أو روب + عسل ها غلووويه ربيعتي نصحتني فيه ووايد اوكي بس انا شوي تكاسلت بس الحين لا للكسل دامه عندي وقت وايد اتسنع فيه للعرس صح ولا ؟
ابي اسوي ليزر سوفت لايت حد مجربه وشو رايكم فيه ؟ ابي اسويه حق ريلي يقولون مايعور ؟ شو رايكم ها الكلام صحيح ؟ انا مافيني شعر وايد بس ريلي مساماتها واسعه طبعا مو كل الريل بس من تحت الركبه وكارهه منظرها مرات تعتدل واتكون اوكي ومرات اتبين المسامات شو الحل ؟
ابي خلطه حلوه للجسم ومجربينها مابي شي احتمالات او سامعين مني مناك عنها ابي مجربه ولو تاجره تبيع خلطه حلوه خبروني بس بشرط مجربينها اوكييك >> تتشرط بعد هع
اما شعري تراني انا وغلويه بادين من فترة انطوله والحمدلله شوي وبيوصل لآخر ظهري وانا ما بقص شعري ابدا ولا بفكر اقصه لان حبيب القلب ما يحب اللي شعرها قصير ومحلفني ماحط عليه مقص غير لو اريد اقص الجذله بس هع ...
ومتى برايكم اصبغ شعري علما باني ولا مره صبغته لاني امشي مع كلام غلويه حلات الشعر الاسود هع بس هيه يوم عرست صبغته مب كامل بس سوت تقريبا 20 خصله باللون العسلي لان شعرها ماشاء الله من النوع اللي بسرعه يطول لين تحت آخر ظهرها تبارك الله فما حبت اتخربه وتصبغه ابدااا ..وما قصته بعد لان ريلها شرات ريلي ما يحب الشعور القصيره ..! فشو رايكم اصبغ خصل بس ولا كامل ؟؟
وبعد وللآهم الفستان انا قلت بفصله بس مابي احتفظ فيه يعني بفصله وباخذه اجار وين تنصحوني ؟ وبعد ابي اسماء مجلات تنفع للعروس يعني فيها الفساتين والتسريحات وهيك ؟ لان لو تفصيل ع الاقل بفصله من شهر 5 لان يباله من شهرين لثلاث شهور لاني مابا استعيلهم عسب ما يخربوه ليا ....شو المصممين فساتينه ستايل وحلوه ؟ علما انا احب الكلاس والهادي ماحب المبالغ فيه ابداااااااا .....
وما بديت بالزهبه لنه توها الناس صح ولا ؟
ببدا من شهر 4 او 5 شو رايكم ؟؟؟ ربيعاتي قالوا لي الحين اخذ قطع المخاوير واخورهن لانه ياخذ وقت ع الاقل شهرين لاني بسوي 12 مخوره منوعين شو رايكم ؟
وبفصل 5 جلابيات شيفون دزاينات منوعه بعد وقالوا من الحين افصلهن لان الجلابيات اوردي تاخذ وقت ... شو الراي ؟
ماعرف بعد احس وايد وايد طولت سووووري واللهي بس نو تايم ماعندي حد اتخبره ربيعاتي كلهن لاهيات بحايتهم ما بيتفيجون لي ...
وشكرا مقدماااا ........المزيد من آخر المواضيع من نفس القسم:
- صور تورتة اعراس غاية الجمال والرقي
- خلطات طبيعية سريعة ومضمونة لتطويل شعر العروس
- طريقة عمل ماسك الموز للعناية بشعر العروس
- صور بدلات عريس انيقة وجميلة
- صور ديكورات اعراس شتوية ساحره
- صور ديكورات طاولات زفاف راقية لحفل زفاف انيق
- اجمل تصاميم كروت زواج انيقة وعصرية
- كيكات زواج انيقة ومميزة باللون الازرق
- اجمل اشكال كيكات زواج لاعراس موسم الشتاء
- تنسيقات طاولات زفاف بألوان مبهجة وعصرية
للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا
