سؤال محيرني

**لاونعم** · 2011-01-12, 02:48

السلام عليكم

هسؤال محيرني اباكم تعطوني رايكم فيه

اوكي يا حلويين تخيلو الموقف وياي

مره يلست اسولف ويا وحده من بنات العايله بعدين دخلنا في سالفة الزواج وهسوالف بعدين
وسالفة ان البنت من يوم هي صي غيره يحيرون لها (يحجزون لها) واحد وجي
المهم بعدييين قالت انهم دوم يقولون لها انتي لفلان وكان واضح من كلامها انها تحبه
وانها خلاص حاااااطه في بالها انه هو الي بيااخذهااا المهم انا كنت اسولف وياها وقتلها تحبينه
صحكت وقالت بس تعرفين من صغرنا يقولون نحن بناخذ بعض
هسالقه قديمه ويوم حكيت السالفه لوحده من العايله قالت ان يوم فتحت هالسالفه كانت تقصد تقولج عشان لو بيخطبج تكونين تعرفين انها تباه

الحين هشخص نفسه خطبني وهو زين ومافيه عيب شغله وشكله ودينه واستخرت حسيت عادي بس انا اعرف ان في وحده ثانيه تحبه واهلي احسهم مستانسين انه واحد مب غريب ويعرفونه عدل بنفس الوقت احس ضميري ما بيخليني اخذه اختي قالت لي مدامه من صغرهم يقولون لبعض فأكيد مايباها
لو يباها هو يقرب لها اكثر عنا ولو ما وافقتي انتي بيروح لاحد ثاني بما انه ما خطبها من البدايه

انا الحين صراحه شكلي ما بوافق لاني دوم بتمي اشوف هالبنت احس حطيت نفسي بدالها

السؤال الحين شو رايكم انتو ولو احد حطكم في نفس الموقف شو بتسوون ؟

المزيد من آخر المواضيع من نفس القسم:

**يحـــــ ام يى** · 2011-01-12, 02:51

بستخير فديتج
استخيري وربج يقدم الي فيه خير
وبعدين هده غلطة الاهل ما احب هذه العادة اول ما ولدت بنتي وحجزوها لولد عمها قلت لهم لا لما تكبر تختار

صدق احسها عادة ظالمة

**آلنوآعس..** · 2011-01-12, 02:59

اولا واخيرأ

الموضوع نصيب .,.,

الوحده منا ماتعرف وين نصيبها .,

بخبرج قصه وحده من اريعاتي ..

( ولد عمها محيرنها وكل مايها حد ساروو شاوره تبا البنت ولا انيوزها لغيرك

ايقول أبــاها ويردون الريال اللي ياي ويمكن ها الحركه استوت لها

مع اكثر من واحد كملت على ها الحال 7 سنوات

اخر شي ياها واحد يوم راحو شاوره قال خلاص ماباها

وكتشفوا ان اهلك الي كانو يغصبونه ايقولون له مابتاخذ غيرها )

والبنت كانت اتقول من يوم انا اصغيره خلاص حاطه ها الشي ف بالي

ان هو ريلي ..وحس اني احبه ..

بس خذت غيره والحين من سنه ونص من عرست

ومرتاحه .,/

ادري السالفه اشوي بعيده عن موضوعج .,

بس يمكن هو اللي يايبنج ضحيه عادات وتقاليد

انتى استخيري اكثر عن مره والله يكتب لج الي

فيه الخير ان شاء الله

:
:
:

**عشق ريلي** · 2011-01-12, 03:07

اول شي بسير للبنية وبخبرها انه يا خطبني وبشوف ردت فعلها
واخرتها قسمة ونصييب

**لاونعم** · 2011-01-12, 03:22

تسلمون فديتكم

بخصوص ان اخبر البنيه انا فكرت والحين ادور لرقمها
بس لو بخبرها كيف اقولها اباها تقول بصراحه ما تستحي

**بدروه** · 2011-01-12, 03:32

[B]مممممم ما عرف
لكن انا اواافق كلام اختج والراي الاول والاخير لج انتي
ويمكن صدق هو ما يباها
يعني هو مثلا ما كان يعرف انه هله كانوا محيريله هالبنيه..؟
أكيد ما يفكر فيها دام خطبج انتي
والله بيعوضهاا باللي احسن عنه ان شاءالله.. ^^
ومبرووكيييييييييين حبيبتي[/B]

**أحلام علي** · 2011-01-12, 03:36

المشاركة الأصلية كتبت بواسطة يحـــــ ام يى

بستخير فديتج
استخيري وربج يقدم الي فيه خير
وبعدين هده غلطة الاهل ما احب هذه العادة اول ما ولدت بنتي وحجزوها لولد عمها قلت لهم لا لما تكبر تختار

صدق احسها عادة ظالمة

**القلب الخالد** · 2011-01-12, 03:38

حبيبتي هاي العاده عندنا مدري ليش الاهل اخترعوها الصراحه

بس اذا تبين رايي يلسي ويا البنيه وشوفيها اذا اتحبه ( ساليها حدد في بالج ولا عينج على حد قولي لها انج ملاحظه شي وجيه حسسيها انج شاكه بشي ) وهو بعد ساليه عادي لا تخبين عنه اللي في خاطرج لو كان يحبها ودامها من اهله يعني دوم يشوفها ...
بس ساليه بطريقه مب مباشره يعني قولي له ليش خطبتني انا دون البنات ليش انا بالذات ليش ماخطبت مثلا فلانه جيه ...؟

اقولج عن تجربه والله انا ريلي خواته تخيلي قالن انه يكلم فلانه ويحبها وسالته وقال لو احبها ماخطبتج وبعدين سواء كلمت ولا لا هذا قبل مااخطبج واللي وصل لج الكلام يبا يخرب وهو يقرب لي بعد

واخيرا مثل ماقالن خواتي كله قسمه ونصيب
الله يوفقج ان شاء الله

**ام مهوووره** · 2011-01-12, 03:41

كلمي البنيه وشو فيها شو بتقول واستخيري اكثر من مره وان شاء الله خير عزيزتي

**لاونعم** · 2011-01-12, 04:12

تسلمون فديييتكم على المرور

**عمري زايد** · 2011-01-12, 04:20

نصيب فديتج حبته ولا لا..
كل شى قسمه يمكن هالشخص خير لج اني مش لها ويمكن العكس ..
يعني حسبيها فالدنيا كلللللللل شي نصيييييييييييييييييييييييييييييب ...

**wr000d** · 2011-01-12, 04:44

انتي والبنية مب ربع والدليل ما عندج رقمها,,,,,
وبعدين هيه خبرتج السالفة عسب تخرب عليج وما توافقين ع الريال ،،،،
انتي استخيري وشوفي شعورج الداخلي كيف ولا تفكرين بشعور البنية لان هذا نصيب

**جرح وحداوي** · 2011-01-12, 12:45

يالله دايما اقوول موضووع الحجز يطلم الطرفيين..

حبيبتي الاستخاارة ثم الاستخاارة وثم الاستخاارة..

استخييري مرة ثاانية واللي ربج كااتبة بتشووفيينه وهذي اراادة ربج والساالفة كلها قسمة ونصييب..واذا ظهرلج خلااص ربج كاتبلج وشويضمنلج انه لوماخذااج بيااخذها يمكن هو مااحااطنها فباالة اصلا ولا فعلا مايبااه ..توكلي على ربج واستخييري مرة ثانية ..ربي يوفقج ويتمملج على خيير

**مشوطه** · 2011-01-12, 13:50

المشاركة الأصلية كتبت بواسطة عشق ريلي

اول شي بسير للبنية وبخبرها انه يا خطبني وبشوف ردت فعلها
واخرتها قسمة ونصييب

**حزن قلبي** · 2011-01-12, 13:53

الله يعينج استخيري

الموضوع: سؤال محيرني

أدوات الموضوع

عرض