والله تعبت :(:(:(

[فتون الغرام]

السلام عليكم

شحالكم بنات
والله مالي غيركم اشكي له الحال عرسي جريب
وريلي يبي وزني يوصل 50
وزني 85 وطولي 154
وطووول اليوم متبعه رجيم وماكل شي
واسوي رياضه شريت بدلة نيوترشن
واشرب شاي اخضر لبتوون
واخر الليل اسهر وايووووووووووع واطررررر اكل
توني جفت بيتزا كلت وشرت فوقه عصير همبااااااا تعب اليوم راح على
الفااااااااااااضي والله تعبت شو الحل
ابا وزني يوصل 50 شهر 4 شوووو اسوووووووووووي بليييز
عطوني حل

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[بنت الإحساس]

حاولي تاكلين فواكه وسلطات

وشبعي عمرج بالماي

[فتون الغرام]

حاولي تاكلين فواكه وسلطات

وشبعي عمرج بالماي

نورتي الصفحه يالغاليه
والله اشبع عمري بالسلطات بس ارد ايوووع

[بنت الطموح]

انصحج بالتلبينه النبوية الصبح كوب واحد بدال الريوق
الغدا خليه سلطة و العصر سلطة شوي و بعد صلاة العشا اشربي شوربة خفيفة ^_*

[فتون الغرام]

انصحج الصبح كوب واحد بدال الريوق
الغدا خليه سلطة و العصر سلطة شوي و بعد صلاة العشا اشربي شوربة خفيفة ^_*

تسلمين على مرورج حبيبتي
بس شو ها( بالتلبينه النبوية)
ماعرفت شو تقصدين

[FatLady]

هلا حبيبتي ...

بس بقولج شي واحد ... كيف يهون عليج ويطاوعج قلبج تاكلين عقب ماحرمتي نفسج طوووووول اليوم وبس لانج شفتي الاكل ع طوول ضعفتييي؟؟؟؟ الاكل مابيطير ... باجر ان شاءالله يوم بتضعفين بتاكلين ويا ريلج عقب العرس ...

حطي في بالج الاكل الدسم = شحم ونتي تعرفين كيف شكل الشحم صح ؟؟؟ ارف في ارف ولوعة جبد ...

وصدقيني باجر حتى باجر بتستحين تلبسين وتتفنين حق ريلج ...

عرسج شهر ٤ يعني باقي ۳ شهور ... لو كل شهر ٦ كيلو تنزلين بيكون المجموع ۱۸ يعني ٦۷ بعد
حلوو صح ؟؟

يلا شدي حيلج وحطي في بالج انج تبين تكونين في صحه ورشاقه وتبهرين الكل في عرسج ... وقبل العرس احسن وقت تضعفين لانه عقب هرموناتج تتغير

وبالتوفيق حبيبتي ومبرووووك

[Maki Kawaiee]

هلا حبيبتي جيف حالج ؟؟

أول شي مبروووك وان شا الله تطلعين أحلى عروس يارب ..

الحين انيي لين وزنج ..

انتي طولج 154 ووزنج 85 والمفروض في الخمسينات..

ولو نزلتي للستين هم بعد حلووو ..

أنا طولي 157 ووزني آخر مرة قسته 64 بس جسمي حلوو وعايبني..

الكل يمدح بجسمي معنه لو اتلاحظين المفروض وزني يكون بأواخر الخمسينات أو بداية الستينات ..

بس أنا ما بذبح عمري علشان وزني لان في عوامل ثانية تساعد على زيادة الوزن ..

شرات كتلة الماي و العضلات والعظام وغيرها ..

وانتي حبيبتي اذا سويتي رجيم قااسي وحرمتي عمرج في بداية النهار شوفي شو يصير لج آخر الليل ..

تاكلين الاخضر و اليابس وآخر شي تندمين ..

حبيبتي ..

أدري انج مستعيلة وتبين تنزلين لل 50 في 3 أشهر ..

انتي طبعا تعرفين لو سويتي جي بتردين دبل يعني اكثر من وزنج أحينه ..

ترومين تستحملين تشوفين رقم أكبر عن 85 ؟؟

خاصة مثل ماقالت اختي فاتي ان هرموناتج بتتغير عقب الزواج ..

وبعد لو فكرنا فيها لو نزلتي لل50 يعني ف3 أشهر نزلتي 35 كيلوو

اتخيلي كيف بيكون جسمج ..

بيعيبج جسمج وكله ترهلات وتشققات ..

وهذا من غير شكلج بيكون تعبان وجنج مرييضة وبتحسين كله بتعب ..

وبعد شعرج بيطييح بشكل فظيييع وما بترومين توقفين التساقط ..

و أهم الشي نفسيتج بتكوون داون وبتييبج حالة اكتئاب ..

وبعد كلها بتشوفين نفسج انتفختي مررة ثاانية عقب العرس خلال أياام و أسابيع وشهيتج للاكل مفتووحة ..

شوفي حبووبه أنا أعرف كلها بيصير لاني مجربة قبلج و الكل مجرب واسأليهم بعد لو تبين ..

قصدي انج بتمتين عقب الحرمان لاني حرمت نفسي قبل ونزلت 10 بس رديتهم والنفسية ولا أحلى ..

صدقيني بتكرهين عمرج بزياادة أكثر من اللي انتي فيه أحين ..

اذا انتي صدق مستعدة تستحملين كلها فمب لازم أكتب اللي فبالي لانج مسوية فبالج ومحد بيقنعج غير نفسج انتي..

بس لو انتي تبين تتغيرين للأحسن وتضعفين بدون كلها التعذيب وملحقاته فاعرفي اني موجودة و أترياج اتردين ..

[أحبه الغالي]

لا تتحبطين بس قوي عزيمتج ياحلات العروس رشيقه
والحمدلله عندج وقت والنتايج السريعه مافي وراها إلا الترهلات وهاي اخس من المتن
نصيحتي روحي دكتور تغذيه يسويلج نظام صح وإذا خربتي يتلاحق عليج واسهلها مركز نيوترشن لأنه في كل أماره
وحاولي بعد تشتركي في تجمعات البنات تشجعون بعض ولاتتهاونين برياضه ولو 45 دقيقه مشي 3مرات فالاسبوع والله من اول 5 كيلو تنزلينهم فرق معاج وأول 10 كيلو تنزلينهم صدق بتحسين عمرج خفيفه

[سوارة]

والله لو تبين العرس ورضا ريلح لازم تودرين الاكل

[أمـ منـصوري]

فديتج والله حاااسه فيييج . .
اناا يتني فتره كنت اسوي رجيم واسهر وايوع فليل واخرب كل التعب . .
بس عقب بديت صح لانه بها الطريقه مااا بوصل للي ابغيه
وانتي استغلي الفرصه الحين جدامج 3 شهور يالله تقدرين توصليين
صدقيني تقدرين قوي العزم بس وخلي يوم بالاسبوع اوف دي لج تاكلين الي تبينه
وداايماا يوم تحسين عمرج بتخربين اتذكري كلام ريلج انه هو يباج تضعفين
يومياا امشي لو نص سااعه . .

[الـعـامريـة]

ختيه فنون انصحش تروحين إذا كنتي من العين تروحين دايت نيوترشن ..

وإذا كنتي من إماره ثانيه انصحش بدكتور نيوترشن وبإذن الله إن مشيتي معاهم صح في 3 شهور توصلين للوزن اللي خاطرش فيهـ ,,

نصيحه لا ضيعين ولا يوم عليش ,,, الأقل يوم تتزهبين حق العرس تعرفين شو تشترين سمول ولا لارج ..

وربي يوفقش ..

والسموحهـ..

[فتون الغرام]

اشكرررر مرووووركم الي عطاني دااااافع
والله يعطي كل وحدة على قد نيتها ياااارب
ادعوووولي الله يخليكم