اشعه الصبغه

**الطرفالذبوحي** · 2011-01-09, 08:25

السلام عليكم ورحمه الله وبركاته

شحالكم خواتي عساكم بخير

انا ان شاء الله باجر بسوي اشعه الصبغه بس وايد احاتي لان معظم اللي جربوها يقولون مش سهله ومعاها الم فضيع

انا ما عرف شي عن هالاشعه ياريت تاعطوني معلومات زياده عشان يوم اسويها افهم شو اللي يصير

وبقيت اعرف اذا لا سمح الله في انسداد او التصاق هالاشعه تفتحه او لا .. واذا ما نفتحه شو الحل ؟؟

وعادي اطلب بنج او مسكن قبل

انا بسويها عند عياده ويل كير الدكتوره نيرميلا في راس الخيمه ... حد جرب عندها اوكي او لا .... وكم سعر الاشعه عندهم

اتريا ردودكم

المزيد من آخر المواضيع من نفس القسم:

**اللوووتس** · 2011-01-09, 08:47

عليكم السلام ورحمه الله وبركاته

اختي الموضوع كله مسأله وقت يعني فيه الم مااقولج لا بس دقايق ويروح فيه بنات ينصحون بانج تاخذين بروفين بعد الأشعه لا تنسي الفوط الصحيه لأنه بتنزل لج افرازات ودم بعد بس عادي

انا بالنسبه لي اتحملت الألم لأنه ولا شي بالنسبه للولاده

والأشعه زينه تفتح الإنسداد والالتصاقات تنضف الرحم ويمكن انه يصير حمل في نفس الشهر اذا كانت عندج هالمشاكل

علشان الضنا كل شي يهون

وربي يرزقنا جميعا بالذريه الصالحه

**نم نم مي** · 2011-01-09, 08:50

السلام عليكم ...

الله يقومج بالسلامه ..

هالله هالله بكثرت الإستغفار وقيام الليل فضـــائلها عظيمهـ ...

**FoOo** · 2011-01-09, 09:22

لاتخافين الشعة بسيييييييطة جدا بس ولا الام فظيعة ولا شي من ذا الكلام ممكن الاشعة تفنح بعض الالتصاقات البسيطة لان بعض الحريم يحملن بعد ما يسون الاشعة الملونة ولكن بعض الانسداد في الانابيب يحتاج اجرا عملية جراحية الله يسهل امورج وتوكلي على الله

**ام هيمو** · 2011-01-09, 10:03

للرفع

**MB4EVER** · 2011-01-09, 10:17

يلا نتريا الباقين عشان نستفيد من التجارب

**h2h** · 2011-01-09, 10:27

حبوبه الاشعة تفتح الانسداد اذا كان موجود اذا كان بسيط واذا لا اظن بالادوية
وتكشف وايد اشيا ما تبين فالتحاليل العادية
وتنظف الرحم .. وممكن يصير حمل في نفس الشهر او اللي عقبه
الالم موجود ماقولج ما بتتألمين
بتتألمين لان الماده اللي بتحطه لج عشان الاشعه وهي اللي بتمر فالانابيب وتفتحها

لا تخافين وتوكلي على الله وعشان البيبي كل شي يهون

انا سويت من 4 شهور والحمدلله طلع ان ما فيه شي ^-^ بس للحين ما صار حمل

جربي ياختي يمكن ربي يكتب لج .. سبحان الله

**الطرفالذبوحي** · 2011-01-09, 12:14

تسلمون خواتي عالمرور طمنتوني

وان شاء الله خير

**الجريحه_555** · 2011-01-09, 12:18

البنااات ما قضرن ما شاء الله ....

للرفع

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين

الموضوع: اشعه الصبغه

أدوات الموضوع

عرض

اشعه الصبغه

المزيد من آخر المواضيع من نفس القسم:

المواضيع المتشابهه

اشعه الصبغه .. وما بعدها

استفسااااااااااار بخصوص اشعه الصبغه

سؤاااااااااااالي مهم عن اشعه الصبغه رايكن مهم

اشعه الصبغه الملونه

بنات سويت اشعه الصبغه