حفلة ولدي . ابغي افكار

**أم عبدالله77** · 2011-01-08, 19:07

مرحبا

ولذي عمره سنتين ابا اسويله حفله.
يعني حفلة عسب اليهال يستانسون مو عيدميلاد

المهم
بغيت افكار من تجاربكم

طبعا بتكون هناك كيكه
وحلويات
بلونات
ورق عنب وسمبوسه
مهرج. بس ما اعرف من ويـِ?ـَن

شُـ?ـِ?و بعد عطوني اقتراحاتكم

المزيد من آخر المواضيع من نفس القسم:

**سمو** · 2011-01-08, 19:32

السلام عليكم ورحمه الله...

ام محمد عزيزتي..

سوي برنامج للحفله مثلا:

فقرة مهرج...
قسم تلون الوجوه خلي حد من البنات الكبار او الحريم او الخدم يرسمون للاطفال والالوان موجوده في التعليم المبكر...

فقرة العاب...
فكري بالعاب ع حسب سن الاطفال المعزومين مثل لعبة الكراسي...لعبة البلونات وكل واحد يبط بلونت الثاني...لعبه توصيل الكره بالمعلقه..وممكن تاجرين النقازيات ..

فقرة رقص...
الاطفال يحبون الرقص..حطيلهم اناشيد ربشه وخليهم يرقصون...

وزعي هدايا ع الاطفال...خذي من محلات درهم ودرهيمن اكياس اصغار و حطي فيها حلويات وهدايا بسيطه..

**fifi_girl** · 2011-01-09, 00:06

هلا حبوبة

جوفي فـ جريدة الوسيط

يسوون دعايات حق هالمجالات
عندهم نقازيات و مهرج و كل شئ ^^

**سوارة** · 2011-01-09, 01:31

اللهّم اغننا برحمتك عن رحمة من سواك ،

وبحلالـــــك عـــــن حرامـــــك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

**المزيونة2002** · 2011-01-09, 02:20

جوفي الوسيط

الاعلانية

**أم عبدالله77** · 2011-01-09, 15:31

مشكورين ع الردود الحلوه

**mzaaayeen** · 2011-01-09, 16:31

هلا ام محمد

بخبرج عن حفلة ولدي يوم كمل سنه شو سويت له

الكل تخبل عليها من ترتيب وحركات حق اليهال وحتى الكبار

اول شي اخترت ثيم الحفله وكان عن (نيمو )

طلبت لبس حق ولدي مال نيمو من موقع امازون

وشريت الصحون والكاسات والكابات والتيشو كله مال نيمو

حتى بالونات الغاز مال نيمو

ومفارش الطاولات مال نيمو

ولعبه خاصه بنيمو تحرك اليهال

وسويت توزيعات حق اليهال عباره عن سمج صغار في احواض صغيره

وتوزيعات حق الكبار عباره عن صندوق فيه عطر وكريم معطر ووردتين عباره عن صابون للزينه

وفصلت فستان حقي بلون نيمو

يعني انا ولدي طقمنا

وحجزت في المهيري سنتر

واخترت القايمه الثانيه وهي الافضل

وخذت تصوير من عندهم فيديو وفوتو

ورتبولي حلقات الحفله كلها .

اول شي الرسامه حق اليهال و المهرج

والعاب حركيه حق اليهال

وعقب فجرو البالونه الكبيره معبايه فلوس وهدايا وحلاوه

وبعدين يا وقت تقطيع الكيك ، ( كيك بثيم الحفله وهو نيمو ) من مس جي كافيه

ودخل طبعا دوبي ( ريال لابس لبس دبدوب ) يدخل وقت تقطيع الكيك

وبعد الكيك وزعنا وجبات الاطفال وكانت من هارديز (كل ياهل بوجبته).

وبعدين سارو يلعبون علي الالعاب المسموح لهم وكانت من ضمن القايمه اللي اخترتها في البدايه .

الفتره اللي لعبو فيها برع القاعه فتحنا البوفيه حق الكبار، وكنت طالبه البوفيه مال ادكو، وبصراحه اكلهم يمي يمي.

ووزعنا ارقام على المعازيم وخذنا بالقرعه 3 ارقام الاولي لهم هدايا.

وبجيه خلصت الحفله وكانت اروع مايكون.

وان شالله تستفيدين من الافكار

وكل عام ولدج بالف خير وعقبال مليوووووووووون سنه

والله يبلغج فيه ان شالله

**أوتار الحنين** · 2011-01-09, 17:28

اهم شي ماتقولين له انها عشان يوم ميلادك
عسب مايننربى وهو صغير على هالشي وكبر معاه
ومايصير بينا وبين الغرب فرق!

**أم عبدالله77** · 2011-01-10, 21:21

المشاركة الأصلية كتبت بواسطة أوتار الحنين

اهم شي ماتقولين له انها عشان يوم ميلادك
عسب مايننربى وهو صغير على هالشي وكبر معاه
ومايصير بينا وبين الغرب فرق!

لا ما بنقول عيد ميلاد وما بنحط شموع

**smile1** · 2011-01-09, 21:30

حفلة تفريح .. سوي بحث في صور قوقل واتفرجي عالصور

**أم عبدالله77** · 2011-01-10, 21:23

المشاركة الأصلية كتبت بواسطة smile1

حفلة تفريح .. سوي بحث في صور قوقل واتفرجي عالصور

مشكوره بدور

**أم عبدالله77** · 2011-01-10, 19:43

مشكوره حبيبتي حفلتج حلوه

الموضوع: حفلة ولدي . ابغي افكار

أدوات الموضوع

عرض

العرض المتطور

حفلة ولدي . ابغي افكار

المزيد من آخر المواضيع من نفس القسم:

المواضيع المتشابهه

حفلة ولدي ... عطوني افكار

افكار لـ حفلة تخرج

بنات .. أبا افكار وحركات .. حق حفلة

ممكن مساااااااعده افكار حفلة تخرج..؟؟