أبغي أقنع ريلي

**ba6006a** · 2011-01-08, 17:52

في كوشة و فستان خاطري فيهم و أبغي أقنع ريلي فيهم بس مب عارفة كيف لأن سعرهم شوي غالي بالنسبة له. الفستان على ١٥ ألف و الكوشة ٢٥ ألف و السعر قابل للتفاوض لأن المحل من طرف ربيعتي و هي بروحها قالت لي بسوي لج خصم. أنا عطيته تلميح عن الموضوع حسيته ما عجبه و قالي غاليين و حرام التبذير في هالأمور. صح كلامه بس أنا أحس هذه هي أسعار السوق الموجودة؟؟؟ قولو لي شسوي لأني محتارة بين اللي خاطري فيه و بين كلام ريلي و ما أبغي أحن عليه حرام روحه اللي فيه يكفيه.

المزيد من آخر المواضيع من نفس القسم:

**βĔŇt ûǻĘ** · 2011-01-08, 17:55

احسه شويه مو شرات حرمة ابوي ماخذه فستان ايجار عشرين الف ( جفتي عاد )

**الولـHEـه** · 2011-01-08, 18:03

قوليله انه ها يوم ف العمر وهوو يومج

ترضى اني اكون زعلانه

وجي بيقتنع ان شاء الله

الله يحنن قلبه ويخليكم لبعض ان شاء الله ^_^

**3roos** · 2011-01-08, 18:05

دام هو ما يبا ..
مب لازم اتسوينهم
الفستان مب مشكله سعره حلوو
بس الكوووشه حق ساعتين بتوقفين عليها حرام هالسعر

**ga6utah** · 2011-01-08, 18:07

لا تخلينه يسوي شي هو مب مقتنع فيه نصيحه والا خليه يلف المحلات ويشوف الاسعار

**um suheel** · 2011-01-08, 18:08

المشاركة الأصلية كتبت بواسطة *****

دام هو ما يبا ..
مب لازم اتسوينهم
الفستان مب مشكله سعره حلوو
بس الكوووشه حق ساعتين بتوقفين عليها حرام هالسعر

**باااااربي** · 2011-01-08, 18:18

موفقه يا رب

**miss funny** · 2011-01-08, 18:29

تبيبن نصيحتيــ
صلي ركعتين واستخيري
وعقب رمسيه ــ

وربج بيسر ،،

سبحان الله وبحمده ،، سبحان الله العظيم

**بنت الشوامخ** · 2011-01-08, 18:55

والله مادري اختي دوري اكثر عن فستان ثاني وكوشه ثانيه وبأسعار معقوله وتناسب ريلج عشان الله يبارك لكم في زواجكم ،،

شي فساتين على 8000 ،، 7000 وجي هالحدود وروووعه ،، والكوش مادري اذا كانت مع تزيين الطاولات على 25 الف احس زين

بس 15 الف نوعا ما تبذير حتى لو ريلج يقدر يدفع بس حرام والله شفت فستان عروس اينننن رووعه على 12 الف في كوكون ،، تشترين يعني احسن ،، والسموحه اختي

**سوارة** · 2011-01-08, 20:11

سبحان الله وبحمده سبحان الله العظيم

**ماماة الامارات** · 2011-01-08, 20:11

الفستان اهم من الكوشه بوااااااااااااااايد
الكوشه بتلاقين بعشرة الاف

دوري غيرها

**عبير الشوق8** · 2011-01-08, 20:16

حبيتي...بدوون زعل..السعر واايد غاالي بس فستااان وكووشة...40الف

اوكي فكري فيها...وين حسااب الصاله...والفرقة....والميك اب والتسريحة...والحنااا..وغيرها اغرااض...تحسين واايد بطلع عليه....

والله شي موديلات روعة ملكية بس تكووون ارخص شوي......

حبوبة نصيحة مني لا تخلي ريلج ياخذ منج فكرة من الحين انج تحبين الاسراااف..

انا اعرف انها ليلة عمر...بس هي 4 سااعاات ع الألالالاف..ما يصير حبوبة....

طبعا انا هاا راايي...والسموحة

موفقة حبوبة ...ربي يهنييج ان شاء الله

**Miss_Patchi** · 2011-01-08, 20:46

المشاركة الأصلية كتبت بواسطة ga6utah

لا تخلينه يسوي شي هو مب مقتنع فيه نصيحه والا خليه يلف المحلات ويشوف الاسعار

**عـروس 2010** · 2011-01-08, 20:54

اذا الريال مب قادر .. خلاص لاتضغطين عليه لان بالفعل في كوش حلوه وبسيطه وباسعار زينه اما بالنسبه للفستان ترا الاسعار كلها جيه وصعب تلاقين اقل عن 10 آلاف الحين .. يعني 15 الف سعر حلو ..

الله يوفقج الغاليه

**![ملكية]!** · 2011-01-08, 20:55

ختيـه انتي كل فتـره والثانيـه تنزلين موضوع ان ريلـج عليـه ديون وتبين تسـآعدينه وتخففين عليـه ,,

ف ليـش تزيدنه ديون وهمــوم ؟؟ مو كـآفي اللي عليـه ,, بعد تطلبين شي فوق طـآقته بارك الله فيج ؟!

انا لو مكـآنج ,, بسـوي عرسيـه ف البيـت ,, مو مهم شو بيقولون الناس \

المهـم انا و ريـلي نفرح ونكون لبعـض ,, مش مهـمه المظاهر والكماليـآت ,,

وانتـي ادرى بريلـج عزيزتيـه

الله يسهل عليكم اموركـم ,,

اختج ف الله

الموضوع: أبغي أقنع ريلي

أدوات الموضوع

عرض

أبغي أقنع ريلي

المزيد من آخر المواضيع من نفس القسم:

المواضيع المتشابهه

كيف أقنع ريلي؟؟

أبغي اهدي ريلي

يا ترى بقدر أقنع زوجي!!

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش