شركة ستراتا

**ام العنووود** · 2011-01-18, 23:27

هلالالالالالالا
اتصل عبدالله وعطاني نفس المعلومات .. الدوام بيبدا اول اسبوع من شهر 2 ... بس نسيت اساله متى بنوقع العقد ... ان شاء الله خير

المزيد من آخر المواضيع من نفس القسم:

**عيون الفلاحي** · 2011-01-18, 23:45

ماعندي فكره بس عندي دعاء حلو

الله ينور دربج ويكتب لج الخير ويوفقج ويرزقج العمل الصالح

**سيده مصرية** · 2011-01-19, 02:36

ْْْ استغفر الله الذى لا اله الا هو الحى القيوم واتوب اليه ْْْْ

**ام العنووود** · 2011-01-19, 15:16

يوم الخميس بيكون في ميتنج وبنوقع العقد .... حد فيكم دقوله

**سحايب شوق** · 2011-01-19, 20:07

هيه دقولي
واخيرااا هانت
مبرووووووك مقدمااا والله يوفقنا ويوفق الجميع

**ام العنووود** · 2011-01-23, 14:18

مرحبااااااا

حد فيكم يعرف امتحان الاجليزي والرياضيات كيف بيكون ؟؟؟

**سحايب شوق** · 2011-01-23, 15:14

هلا بنوتات

اللي عندها خلفيه عن امتحان تحديد المستوى يا ليت تخبرنااا ؟؟؟

**جفلة** · 2011-01-25, 04:44

ممكن اعرف شو سالفة هالشركة

وشي وظايف في بوظبي؟؟؟؟؟؟؟

**سحايب شوق** · 2011-01-25, 19:19

مرحباني ،،

حبيت اليوم احط لكم تقرير بسيط عن شركة ستراتا لتصنيع هياكل الطيارات ، والي مقرها العين ، وايد ناس يسالون عنها وماعندهم المعلومات الكافيه ، فحبيت افيدكم بما ان الشركة توها يديده ومش معروفه ، وأصلا حرام مشروع بهالضخامه مايحصل ع الشهره الكافيه .

طبعا الشركة تبع مبادله ، وأتوقع وبدون مبالغه تحل مشكلة شح الوظايف فالعين بدرجه كبيره جداً.

ستراتا ، مثل ماقلنا راح تكون لتصنيع الطيارات ومثل ماهو معروف نادرة الشركات الي تصنع الطائرات فالعالم ،وستراتا الوحيده فالشرق الأوسط .

بناء هياكل الطيارات راح يكون على شكل خطوات ، مثلاً الذيل الجناج ، الهيكل ، السكيورتي ، الخ ، والنهايه باذن الله راح تكون في 2020

::

الوظايف في هذي الشركة راح تكون نوعين :

الأولى : للمهندسين "بغض النظر عن نوع التخصص فالهندسه "

فالبدايه راح يكون في شهرين تاسيس ، وفيها بيتعرفون على الماده الي تصنع منها الطيارات وشرح الخطط والاهداف الخ ، في اكاديمية العين .

الخطوة الثانيه ، اربع اشهر دراسة للكونسبت . فالمبنى

الخطوة الثالثه ، سنة او سنة ونص دراسه فالخارج سواء في الولايات المتحدة الامريكيه او في فرنسا

الخطوة الرابعه ، راح يبدون تصنيع وديفلوب منت ، لكن تحت اشراف مختصين ، لمدة سنتين ، فالمصنع

وأخيرا ، هذول المهندسين راح يعتبرون القاعدة الأساسيه ، بينقلون التكنولوجيا الي تعلموها للي بعدهم فماراح يكون فيه داعي للدفعات الي بعد للسفر ، وايضا راح يشرفون على الفنين والصناعه .
::

الثانيه : الأوبريتور

هذي وظايف لحملة الثانوية العامه والدبلوم ، بالمثل راح يخضعون لفترة تدريب وتدريس ، لكن بدون سفر .

،،

اتمنى محد يطالع الوظايف على انها فنية وفي مصنع ، بالعكس هذا شي حلو وتحدي جديد ، تخيل تركب طيارة بعد عشر سنين صناعه اماراتيه 100% !
المشروع اماراتي والايدي العامله راح تكون اماراتيه بعد .

::

المبنى الرئيسي

المصنع

شكل المصنع من الداخل ..،

::
الدراسه والعمل مختلط

جفله ان شاء الله استفدتي من التقرير
الدراسه والعمل في العين

**كلي انا** · 2011-01-26, 10:05

انا الحمدلله ردوو عليه ووقعت العقد في العين والدوام تاريخ 6-2-2011

**كلي انا** · 2011-01-26, 10:06

الامتحاان وااايد سهل وماايباله

**ام العنووود** · 2011-01-26, 18:55

امتحان الانجليزي سهل بس الرياضيات يباله دراسه خاصه الي صارلهم فتره ما درسوا

**سحايب شوق** · 2011-01-27, 18:34

ع اساس الاحد بكون توقيع العقد
بس اليوم محد اتصل ولا طرشو مسجات
يخبرونا اي وقت بكون
شو السالفه ..؟؟تتوقعون اجلوه ...؟؟
احد رد عليكم ..؟؟

**ام العنووود** · 2011-01-29, 14:41

لا فديتج ما ردوا علينا ... انا دقيتلهم يوم الخميس اسالهم متى بيكون توقيع العقد قالولي بيطرشولنا مسجات وبيخبرونا .. بس ما اعتقد يكون الاحد يمكن ياجلون ...

**سحايب شوق** · 2011-01-29, 15:05

حتى ما عندي رقمهم اسالهم
مشكوره ام العنود ريحتيني

الموضوع: شركة ستراتا

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

استفسار بخصوص امتحان شركة ستراتا