اسئله

[mischocolat]

السلام عليكم

اشحالكم بنوتات

الموضوع اليوم مايباله بسيط وكل اللي بتدخل ممكن تجاوب لانه يخص كل البنات والحريم

كيف تشترين اغراضج الشخصيه ؟؟؟؟
يعني تحددين طلباتج وتكتبينها عشان يوم تطلعين تشترينها ؟؟؟ واللا اللي تشوفينه تاخذينه؟؟؟؟؟
وين اكثر الاماكن اللي تعتمدين عليها في توفير مستلزماتج: الجمعيه او الصيدليه او النت او باريس غاليري واريج وهالمحلات؟؟؟؟
عندج ميزانيه محدده لمستلزمات البشره مثلا شهريا او لا؟؟؟؟
كم الميزانيه اللي تحطينها شهريا لشراء مستلزمات العنايه الشخصيه؟؟؟
ممكن يمر عليج شهر ما تكونين اشتريتي فيه شي يخص البشره؟؟؟
كم ممكن تصرفين على علاجات مركزه للبشره ؟؟؟ يعني لو بتاخذين انبولات كولاجين او كورس لتفتيح البشره؟؟؟؟
يهمج تكون المنتجات ماركه عالميه او طبيه او ماركه معروفه واللا ممكن تاخذين اشيا من منتجات دول شرق اسيا؟؟؟؟
شو العامل الاهم في اختيارج واللي يساعدج في الشرا؟؟؟؟المجلات؟؟؟ او الصديقات؟؟؟؟ او المنتديات والانترنت عموما؟؟؟؟؟
اذا دورتي شي تبغينه وما حصلتيه ممكن تشترين شي مشابه له او ممكن تضربين خط عشان تشترينه؟؟؟؟؟ او ادورينه في النت وتشترينه؟؟؟؟ او ممكن توصين حد بيسافر اييبلج اياه؟؟؟؟؟يعني المهم اتيبين راسه غصب عنه

بثبت الموضوع فوق لمدة اسبوع فقط ( حسب اوامر الاداره) وعقب بينزل تحت ويا المواضيع

يللا اتفضلوا

المزيد من آخر المواضيع من نفس القسم:

• سكراب الشوفان وعصير الليمون لتقشير البشرة في...
• طريقة استخدام زيت شجرة الشاي لعلاج الهالات...
• طريقة عمل مرطب شفايف طبيعي بالجريب فروت حصري
• سكراب القهوه للقدمين واهم فوائده حصري
• تعرفي على ابرز فوائد زيت الورد السحرية...
• سكراب الروزماري الفعال لتقشير القدمين في...
• طريقة عمل مقشر شفايف طبيعي بأربع مكونات فقط...
• افضل فيتامينات لصحة وجمال البشرة حصري
• سكراب القرفة وزيت جوز الهند لتقشير الشفايف...
• خلطات سحرية لتبييض الابطين والمنطقة الحساسة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دودوالحلوة]

طبعا شهريا يكون في مستلزمات لازم اييبها..
احدد شغلاتي على ورقة صغيرة و كل شي من وين بشتري
اغلب الطلبات من الجمعية ... وفي اغراض من body shop
الميزانية تتحدد على حسب احتياجي يعني في شغلات خلال شهر تكون خلصت و في شغلات اتم عادي شهرين

[هدوية]

للـــــــــــــــرفع

[يحراويه]

كيف تشترين اغراضج الشخصيه ؟؟؟؟
يعني تحددين طلباتج وتكتبينها عشان يوم تطلعين تشترينها ؟؟؟ واللا اللي تشوفينه تاخذينه؟؟؟؟؟

احيان في اشياء اكون سايره عشانها ويوم اوصل هناك اخذ اشياء زياده اذا عيبتني

وين اكثر الاماكن اللي تعتمدين عليها في توفير مستلزماتج: الجمعيه او الصيدليه او النت او باريس غاليري واريج وهالمحلات؟؟؟؟

الصيدليه ومحلات نزيه + النت احيانآآ

عندج ميزانيه محدده لمستلزمات البشره مثلا شهريا او لا؟؟؟؟

بعض الاغراض شهريآ وبعضها لا احيانآآ

كم الميزانيه اللي تحطينها شهريا لشراء مستلزمات العنايه الشخصيه؟؟؟

200 بس

ممكن يمر عليج شهر ما تكونين اشتريتي فيه شي يخص البشره؟؟؟

هيه احيان اذا كان عندي كفايه منه

كم ممكن تصرفين على علاجات مركزه للبشره ؟؟؟ يعني لو بتاخذين انبولات كولاجين او كورس لتفتيح البشره؟؟؟؟

ماجربت

يهمج تكون المنتجات ماركه عالميه او طبيه او ماركه معروفه واللا ممكن تاخذين اشيا من منتجات دول شرق اسيا؟؟؟؟

انا بشرتي حساسه فاكيد لازم ماركه او طبيه او معروفه

شو العامل الاهم في اختيارج واللي يساعدج في الشرا؟؟؟؟المجلات؟؟؟ او الصديقات؟؟؟؟ او المنتديات والانترنت عموما؟؟؟؟؟

المنتديات والصديقات ههههه

اذا دورتي شي تبغينه وما حصلتيه ممكن تشترين شي مشابه له او ممكن تضربين خط عشان تشترينه؟؟؟؟؟ او ادورينه في النت وتشترينه؟؟؟؟ او ممكن توصين حد بيسافر اييبلج اياه؟؟؟؟؟يعني المهم اتيبين راسه غصب عنه

اذا دخل البلاد اطلبه من حد واذا برع اخذ شي بديل له


ونشكرج ع الموضوع الغاليه

[mischocolat]

وين الحلوات؟؟


يحراويه مبلغ ٢٠٠ درهم صدمني الصراحه
يعني يادوب اشتري به غسول للبشره وماسكارا منظف مكياج العيون بس مايكفي حق شي ثاني

[أغليـــــــك]

السلام عليكم

وعليكم السلام مس جوكوليت شحالج عساج بخير خخ

كيف تشترين اغراضج الشخصيه ؟؟؟؟
يعني تحددين طلباتج وتكتبينها عشان يوم تطلعين تشترينها ؟؟؟ واللا اللي تشوفينه تاخذينه؟؟؟؟؟

يب اكتب الاغراض لي ابااااهااا ف ورقه واسير اشتري منهااا مم واخذلي لفه صوب كل شي ههـ

وين اكثر الاماكن اللي تعتمدين عليها في توفير مستلزماتج: الجمعيه او الصيدليه او النت او باريس غاليري واريج وهالمحلات؟؟؟؟

عشقي الكارفوور خخـ بتقولين الله يعين هالبنيه مم وثاني شي بودي شوب وشي من ميشا يعني

عندج ميزانيه محدده لمستلزمات البشره مثلا شهريا او لا؟؟؟؟

يب

كم الميزانيه اللي تحطينها شهريا لشراء مستلزمات العنايه الشخصيه؟؟؟

يب بالكثير 400 بس

يهمج تكون المنتجات ماركه عالميه او طبيه او ماركه معروفه واللا ممكن تاخذين اشيا من منتجات دول شرق اسيا؟؟؟؟

أفضل المنتجات اتكون طبيه

شو العامل الاهم في اختيارج واللي يساعدج في الشرا؟؟؟؟المجلات؟؟؟ او الصديقات؟؟؟؟ او المنتديات والانترنت عموما؟؟؟؟؟

صديقاتي والمنتدى

اذا دورتي شي تبغينه وما حصلتيه ممكن تشترين شي مشابه له او ممكن تضربين خط عشان تشترينه؟؟؟؟؟ او ادورينه في النت وتشترينه؟؟؟؟ او ممكن توصين حد بيسافر اييبلج اياه؟؟؟؟؟يعني المهم اتيبين راسه غصب عنه

يب ماحب يكون شي مشابه يوم ابااا الشي اباااه شرات ماطلبته هب شي ثاني

ويستاااهل التثبيت

وانتي خبرينااا مس جوكوليت يعني جاوبي ^^

[mischocolat]

أغليك .... بجاوبج ولو اني قايله ما بجاوب يمكن البنات يقولن مدخله نفسها في كل شي فتركت الموضوع للبنات واشوف ردودهم


المهم. بالمختصر المفيد ما احب احط ميزانيه دايما عندي الميزانيه مفتوحه والبطاقه تصرخ في كل محل. شييييط. شييييط شييييط. مسكينه
بس يعجبني طبع حلو فيي اني ما اشتري الا الشي اللي محتاجه له وبس شو ماكان سعره المهم شي احتاج له وماركه زينه. لو وين ما يكون اييبه اييبه
عندي طبعا دفتر صغير اكتب فيه كل شي محتاجه اشتريه او شي قريت عنه لاني وحده نسايه
احيد مره كنت في العياده اتريا دوري ويلست اقرا في مجله وعلى طول طلعت الدفتر وكتبت عن الكريمات اللي قريتها حتى الحرمه اللي بالصيدليه تعودت علي وتسالني وين الدفتر
مصادري من النت و المجلات والتجربه الشخصيه
بنات لاتفهموني غلط انا مب مبذره لكن ما احب شي يقيدني يعني ممكن اسير اشتري لي شي واحصل شي يديد حابه اجربه اخذه واكون طايفه حذال محل ثاني اشوف اعلان بره عن ماسك مثلا ادخل اخذه وانا طالعه ايدي تلطم غرشة فاونديشن فاقول خل اجربها هههههههه

[أم نهيـان]

الله عليج يا جوكليت .. عيبتني الـ شيط شيط شيييييييييييييييييط .. هههههه ..

[أغليـــــــك]

هههههه وانا بعد

وين التفاعل بناااات ولا برد وايد ماتروموون اجاوبون خخـ . .

ماشاءالله حلوو مس جوكوليت يعني اوكيك

[çϋтê мéмë]

كيف تشترين اغراضج الشخصيه ؟؟؟؟
يعني تحددين طلباتج وتكتبينها عشان يوم تطلعين تشترينها ؟؟؟ واللا اللي تشوفينه تاخذينه؟؟؟؟؟

قبل لا أظهر السوق اكون محدده الأغراض اللي اباها أو اللي امخلصه عني .. واذا شفت شي يديد ابجرربه اشتريه

وين اكثر الاماكن اللي تعتمدين عليها في توفير مستلزماتج: الجمعيه او الصيدليه او النت او باريس غاليري واريج وهالمحلات؟؟؟؟

امم مثلا اغراض النظافه الجمعيه , كريمات وسوالف حق البشره من بووتس والصيدليات ..... و مكياج وسوالف تدمير البشره من اريج وباريس غاليري لووول

عندج ميزانيه محدده لمستلزمات البشره مثلا شهريا او لا؟؟؟؟

لا الميزانيه مفتوحه

كم الميزانيه اللي تحطينها شهريا لشراء مستلزمات العنايه الشخصيه؟؟؟

مثل ماذكرت فوق الميزانيه مفتوحه

ممكن يمر عليج شهر ما تكونين اشتريتي فيه شي يخص البشره؟؟؟

هييه مرات شهرين بعد او أكثر ... اذا الكريمات او الصوابين وغيره مب امخلصات عني ..

أو اني مابا اجرب شي يديد واريح بشررتي

كم ممكن تصرفين على علاجات مركزه للبشره ؟؟؟ يعني لو بتاخذين انبولات كولاجين او كورس لتفتيح البشره؟؟؟؟

على حسب العلاج .. واذا قريت انه نتايجه مضمونه ... بصررف عادي بس مب اكثر عن 3000

يهمج تكون المنتجات ماركه عالميه او طبيه او ماركه معروفه واللا ممكن تاخذين اشيا من منتجات دول شرق اسيا؟؟؟؟

مب شرط اتكون عالميه .. بس شرط طبيه ... منتجات شرق اسيا اخاف منها

شو العامل الاهم في اختيارج واللي يساعدج في الشرا؟؟؟؟المجلات؟؟؟ او الصديقات؟؟؟؟ او المنتديات والانترنت عموما؟؟؟؟؟

المنتديات او النت بشكل عام و المجلات

اذا دورتي شي تبغينه وما حصلتيه ممكن تشترين شي مشابه له او ممكن تضربين خط عشان تشترينه؟؟؟؟؟ او ادورينه في النت وتشترينه؟؟؟؟ او ممكن توصين حد بيسافر اييبلج اياه؟؟؟؟؟يعني المهم اتيبين راسه غصب عنه

ادوره اونلاين بدال ما اتعنى واضرب له خطوط لوول
أو اوصي حد مسافر

وشكـرا

[sweeeet]

موضوع حلو
ولي عوده ...

عسب اذاكر شوي

وارد على الاسئله ؟؟ ههههههه ظريفه اوني !!!

المهم انا من النوع اللي احب اشتري منتجات العنايه بالبشره
بس فاشله فالاستعمال
يعني بشط عمري وبشتري وبستعملهن يوميين وخلاص ....

ما اعرف ليش ؟؟ مب رايمه اثبت على شيء

[نوودي ~]

السلام عليكم ^___^

كيف تشترين اغراضج الشخصيه ؟؟؟؟
يعني تحددين طلباتج وتكتبينها عشان يوم تطلعين تشترينها ؟؟؟ واللا اللي تشوفينه تاخذينه؟؟؟؟؟
- ع حسب ، مرات اكون حاطه ف بالي الشي الي اباه واذا ماحصلته اخذ شي بديل ..

وين اكثر الاماكن اللي تعتمدين عليها في توفير مستلزماتج: الجمعيه او الصيدليه او النت او باريس غاليري واريج وهالمحلات؟؟؟؟
- الجمعيه لبعض الاشياء [ مزيل المكياج من بيبي جونسون ، بيبي اويل ، فيت وهالسوالف ] ، بودي شوب للكريمات واللوشنات والشاور جل و و ، ميشا بعد للكريمات واللوشنات وبس، ماحب اخذ من باريس غاليري .

عندج ميزانيه محدده لمستلزمات البشره مثلا شهريا او لا؟؟؟؟
كم الميزانيه اللي تحطينها شهريا لشراء مستلزمات العنايه الشخصيه؟؟؟
- لا ، لني ماكون حاطه فبالي مثلا اني بسيير مرات بالصدفه ادخل المحل واخذ الي اباه

ممكن يمر عليج شهر ما تكونين اشتريتي فيه شي يخص البشره؟؟؟
- سابقاً لا ، بس الحين هيه خخخ

كم ممكن تصرفين على علاجات مركزه للبشره ؟؟؟ يعني لو بتاخذين انبولات كولاجين او كورس لتفتيح البشره؟؟؟؟
- ما حب اخاااطر واجرب هالسوالف واحب المنتجات الطبيعيه ، وغالبا ما احط كريمات على ويهي لنه ويهي ماشاء الله صافي ف مايحتاي ..

يهمج تكون المنتجات ماركه عالميه او طبيه او ماركه معروفه واللا ممكن تاخذين اشيا من منتجات دول شرق اسيا؟؟؟؟
- أهم شي المنتجات اتكون طبيه لنها اذا مافادتني مابتضرني إن شالله


شو العامل الاهم في اختيارج واللي يساعدج في الشرا؟؟؟؟المجلات؟؟؟ او الصديقات؟؟؟؟ او المنتديات والانترنت عموما؟؟؟؟؟
- ممم لنه ماعندي صديقات وايد وماحب اختلط فيهم ف أكثر شي اعتمد على الأنترنت والمجلات والمواقع الرسميه للمحلات الي اسيرلها


اذا دورتي شي تبغينه وما حصلتيه ممكن تشترين شي مشابه له او ممكن تضربين خط عشان تشترينه؟؟؟؟؟ او ادورينه في النت وتشترينه؟؟؟؟ او ممكن توصين حد بيسافر اييبلج اياه؟؟؟؟؟يعني
- طبعاً أدور له شي مشابه ، واذا ماحصلته الحين يمكن احصله عقب فتره ، أو يمكن أتريااه وأسير أدوره مره ثانيه


ويعطيج العافيه عالاسئله الحلوة نفسج ..

[mischocolat]

تسلمون بنات يا حلوكم والله ومشكورين ع المشاركه
البنات اللي راسلوني ومب عايبنهم الموضوع اونه خصوصيات وجذه ... ما ادري وين الخصوصيه اللي انتهكناها ؟؟؟ موضوع موجود... عجبج حياج ويانا ما عجبج ف وداعة الرحمان حالج حال بنات وايد يدخلون للفرجه بس

[mischocolat]

تم ازالة الموضوع من قسم التثبيت بعد اكماله اسبوع

[حرم الغلا]

هههههههه وناسه حده لو سويتيلي مس كول مس تشوكليت

احب هالخرابيط والله اسبوعيا وانا مشتريه من هالسوالف وشكثرهن ولا استخدم شي وكل شي يديد



كيف تشترين اغراضج الشخصيه ؟؟؟؟
يعني تحددين طلباتج وتكتبينها عشان يوم تطلعين تشترينها ؟؟؟ واللا اللي تشوفينه تاخذينه؟؟؟؟؟

في اشياء احددها واشياء اشتريها الا جي احتايها ولا لا
وين اكثر الاماكن اللي تعتمدين عليها في توفير مستلزماتج: الجمعيه او الصيدليه او النت او باريس غاليري واريج وهالمحلات؟؟؟؟

نص من الجمعيه ونص من بوتس وبدي شوب ونص من المنتدى من كل مكان اسيره تقريبا


عندج ميزانيه محدده لمستلزمات البشره مثلا شهريا او لا؟؟؟؟

الميزانيه مفتوحه
كم الميزانيه اللي تحطينها شهريا لشراء مستلزمات العنايه الشخصيه؟؟؟

ميزانيه مفتووووووووووووووووحه
ممكن يمر عليج شهر ما تكونين اشتريتي فيه شي يخص البشره؟؟؟


مستحييييييييييييييييييييييييييييييييييييييل تقريبا 4 ولا 3 مرات انا اسير اتشرا فيني طبع اذا اشتريت شي لازم اخذ منه 2 ولا 3 ولا بتم ندمانه ومارقد ههه

كم ممكن تصرفين على علاجات مركزه للبشره ؟؟؟ يعني لو بتاخذين انبولات كولاجين او كورس لتفتيح البشره؟؟؟؟

على حسب العلاج اذا بيفيدني ولا لا عموما وايد خسرت
يهمج تكون المنتجات ماركه عالميه او طبيه او ماركه معروفه واللا ممكن تاخذين اشيا من منتجات دول شرق اسيا؟؟؟؟

موب شرط عادي عندي
شو العامل الاهم في اختيارج واللي يساعدج في الشرا؟؟؟؟المجلات؟؟؟ او الصديقات؟؟؟؟ او المنتديات والانترنت عموما؟؟؟؟؟
امممممممممممم كل شي احب اكتشفه بروحي بس كم مره خذت شي عيبني من المنتدى وبس
اذا دورتي شي تبغينه وما حصلتيه ممكن تشترين شي مشابه له او ممكن تضربين خط عشان تشترينه؟؟؟؟؟ او ادورينه في النت وتشترينه؟؟؟؟ او ممكن توصين حد بيسافر اييبلج اياه؟؟؟؟؟يعني المهم اتيبين راسه غصب عنه

اييييييييييييييييييييييبه من وين ما يكون