اللي مركبه حجر للفلا ( الديكور الخارجي ) تدخل !!!

[قنوشه]

السلام عليكم

اشحالكم بنات ان شالله بخير


حبايبي انا انشالله بيتي ييخلص قريب و حابه اسالكم اني ابا اركب حجر للفلا فشفت كذا نوع من الاحجار اليديده منها السعودي والسوري وحبيت السوري اكثر

فكل وحده مركبه لبيتها تخربني شو رايها واي نوع ركبت وعند منو ( المكان ) وبكم المتر عطاكم مع التركيب للعلم بيتي فـ راك ؟؟؟؟؟؟؟؟؟؟؟؟؟

اترياكم لاني مستعيله ع التركيب

المزيد من آخر المواضيع من نفس القسم:

• شركه بلد الفوارس تقدم لكم تنظيف واداره...
• احدث ديكورات غرف معيشة اسكندنافية لعشاق...
• احدث موديلات سجاد مخطط لمنزل عصري انيق حصري
• احدث اشكال بلاط حمامات بألوان وتصميمات عصرية...
• احدث ديكورات غرف معيشة انيقة وناعمة باللون...
• احدث تصاميم مطابخ بألوان محايدة انيقة وهادئة...
• اجمل موديلات كنب منحنية عصرية وملفتة حصري
• احدث موديلات كنب باللون الرمادي غاية الاناقة...
• اجمل تصاميم كنب مودرن باللون الاخضر حصري
• احدث ديكورات غرف نوم باللون بالأبيض والأسود...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[um easa]

امممممم

مااعرف والله بس برفع لج الموضوع

[Night's Lover]

للرفع

[cute uae]

امممممم

مااعرف والله بس برفع لج الموضوع

[**هدوء**]

للرفع بالتوفيق

[سوارة]

سبحان الله وبحمده --- سبحان الله العظيم

[براعم الربيع]

هي انا مركبة جزء صناعي حاصة قطع الديكول حول الدرايش والباقي اردني

[السكرتيره]

السوري احلى وارقي من السعودي انا مركبه بيتي كله سوري والمتر ب75 درهم بدون تركيب والسعودي عقب فتره ما ينفع لان اصلا مصنوع من الرمل جذه قالو لنا اصحاب المحلات
انا ماخذتنه من الشارجه

[نبع الإبداع]

أنا مركبه حجر صناعي لبيتي صراحه روعه .. المتر ب 90 درهم وعليه ضمان 10 سنوات في منه تقريبا 7 أو 9 ألوان .. ثابت عالجدار ما يتأثر بعوامل التعرية والماي وتقدرين تصبغينه باللون إلي أنتي تبين إذا بعد كم سنه بغيتي اتغيرين لونه .. وتقدرين تغسلينه متى ما بغيتي .. بيتي فله طابقين و سعر الحجر مع التركيب 40 ألف للفله كاااامله ويسوولج دزاينات مختلفة حسب اختيارج .. من شركة الرزي في دبي ويشتغلون في أي إمارة وما يحسبون المسافه إلي ياخذونها إلين بيتج بس سعر الحجر والتركيب و الدفع سهل ومريح .. وإذا حبيتي اتركبين اشوي وعقب اتوقفين واتكملين عقب ما تخلصين أمور ثانية بالبيت عادي عندهم

[ســــارة]

صباح الخير ،،،

الحجر انواع ،،الصناعي ما اعرف عنه بس يقولون زين ،،، والطبيعي فيه اردني وسعودي و سوري ...
احسن نوع هو الأردني لانه حجرهم قوي بس الوانه محدودة وتقريبا اغلب الناس ركبتها (تعتبر شوي كلاسيك) الاصفر (اغلى شي ويسمونه حجر معن ،، اقوى انواع الحجر وما يتأثر بالرطوبة والمطر وحتى اذا صابه مطر يغمج لونه شوي و مع الشمس يرجع عادي) ،، الوردي نفس الشي بس اللون يعتبر مستهلك يعني اول ما طلع الحجر الأردني الكل ركب الوردي ...
السوري ثاني اقوى حجر بعد الأردني ،، ونسبة امتصاصه للرطوبة اقل من السعودي واذا خذتي الانواع الزينه وما انغشيتي يعمر معاج والوانه هي الدارجة حاليا (الأبيض والبيج) يعتبر شوي غالي بالنسبة للحجر السعودي و الصناعي وسعره تقريبا مثل الاردني ..
والسعودي هو اقل نوع في الجودة ونسبة امتصاصه للرطوبة والماي كبيرة (يتأثر بالمطر وايد) ،،، لاحظي البيوت اللي عليها حجر سعودي تلاقين القطع اللي تلامس الأرض لونها غير وتبدي تتكون عليها طبقة من الاملاح لانها تمتص الرطوبة من الأرض ،، لكنه الأرخص و اللي متوفر بكثرة و الوانه درجات من الأصفر الغامج (يميل للبني) والأصفر (انا اسميه جاي كرك) و البيج و الابيض ،،، وهذا مو معناته انه مو زين لكن من ناحية الجودة و تحمل العوامل الجوية يعتبر اقل من الباجيين ....

وفي النهاية على حسب اختيارج وميزانيتج ،، و اذا بتركبونه على البيت كله ولا بس ديكور في اماكن معينه ،،، لأني اعرف وايد شركات تركب لج الحجر على الفيلا سوري او اردني وتسوي لج ديكور بالحجر السعودي لانه ما يكون ضارب بالارض و ما بيتأثر بالأملاح ...

[الحديقة]

سبحان الله وبحمده --- سبحان الله العظيم

ألي حابه تركب الحجر فالمهندس سوري وشغله روعه عندي عنوانه

[الحديقة]

ويسوي الحدائق والشلالات

[ام مهره و شمه]

انا بعده بيتي ما خلص بس فيه من اهل ريلي مركب حجر ب 200الف حق فيلا دورين و اعرف ناس مركبين ب 185الف
لا تسالوني ليش الاسعار جي لاني ما اعرف انا سالتهم و قالولي هل الاسعار

[الحديقة]

الغاليه ثلاث ادوار مركبين وسعره 200
بصراحه واايد حلو
يعني ارخص وضمان

[ام شيخه.]

انا حاطه حجر اردني