امس كنت في المستشفى

[**أم غزلان**]

شحالكم بنات

انا الحين حامل في الاسبوع 14 وفيني حاله غريبه هي صارتلي من قبل الحمل عقب مايبت بنتي الثانيه

الا هو الصداع قام ايييني وايد يعني يظربني صداع في نص راسي ويتم واكل بندول ومايخوز وريلي حليله يهمز راسي ويحطلي فكس بعد ماشي فايده لين ماروح المستشفى ويحطولي دوا عبر الوريد عقب ارتاح .....مره قالولي صداع توتر مره قالولي ضغطج نازل من الحمل وهو سبب الصداع والبارحه الدكتوره تقول ماله خص لازم دكتور باطنيه !!


ومن شهر نفس الحاله وامس بعد نفس الحاله ويوم تيني هالحاله لازم ارجع للعلم ها اعراض شقيقه لانه ريلي في من 15 سنه والشقيقه اللي فيه قويه لدرجه الاغماء بس البارحه يوم سرت شيكووو على الحمل وكل شي طبيعي وحولوني على طبيب باطنيه ان شا الله اليوم بسير


بس في شي غريب انا اهل ريلي من امه لين خواته كلهم فيهم صداع نصفي وحاله نفسيه يعني شي مب طبيعي انا قتلهم انه حد ظركم حتى نصيبهم مايا واكبرهم 39 لانهم لقووو كذا مره سوووا وحتى في ملحقي قبل مااعرس يوم كان ينبني حصلووو بس اخت ريلي ماعرفت كيف تتصرف وفرته ولا خبرتنا حتى الا عقب

هل معقوله انا منظره وياهم تخيلووو ريلي صداعه فظيع والله مره اغمى عليه وانا وياه وهو يسوق تخيلووو بس الحمدلله حط السياره على P وداخ ونحن في نص الشارع الله ستر بس ويت الاسعاف ودنيا بس الحمدلله يتعالج وتخطيط المخ قالو سليم مايعرفووون شو سببه وهو المشكله معاند مب مقتنع بالحجامه الله يهداه بس ..بس انا مابستسلم لين ايييييييييييب راسه هع

انا خايفه ماعرف منو هاللي ظارنهم وانا حريم حمياني ماختلط فيهن لانهن وايد اذوني ويغاروون مني وهم السبب اني ظهرت من البيييييييييييييييت


بنات قولولي شو اسوي انا ان شا الله بسوي فحوصات وبسوي حجامه انا وريلي

بس انا ابا ايييييب مطوع يقرا علينا وعلى اهل ريلي والله قمت احاتي عمري انا عمري ماشكيت من صداع من هالنوع

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري