آه تعبني الحمل

**نانو_‏** · 2010-12-25, 21:54

هلا بنات‏~‏
شحالكم

بنات انا حامل وهذا أول حمل لي ‏
وانا بعدني فالشهر الأول تقريبا
بس يابنات تصيبني حاله صداع فظيعه
تصاحبني علطول حتى احس في شي
ثجيل كاتم ع جبدي
وايد وايد اتعب بس ماأقدر أرجع
بس امس رجعت وانتوا بكرامه

وحتى مالي نفس لريلي وريلي منتبه
بس والله مو بيدي شي ‏
وهالحاله تصيبني علطول ويوميا اربع
وعشرين ساعه

الي ابا اعرفه
هل هالشي طبيعي؟
وليش جي يستوي؟
وبنات دخيلكم فيدوني بأي معلومه
عن الحمل
لأن أول حمل لي وما أعرف شي
دعواتكم الله يثبت حملي

المزيد من آخر المواضيع من نفس القسم:

**جوريه حمرا 84** · 2010-12-25, 22:04

الله يعينج الغاليه وويارب يثبت حملج
ماعندي فكره بس اعتقد طبيعي ربي يوفقج ويسر امرج

**شووقـ** · 2010-12-25, 22:05

الله يخفف عليــــــج و ربـــي يسهـــــــل عليج حملـــــج و يسخر لج زوجج و يسخرج لزوجج و ياااا الله عطني بالمثل ان شاء الله ....

فديتج ماعندي اي علم لكني حبيت ادعيلج من قلللللبي ...

**^%سمر%^** · 2010-12-25, 22:05

للرفع ...

**ام وديمه222** · 2010-12-25, 22:14

احسه شي طبيعي انا جيه باول حمل لي كرهت ريلي وملابسي وعطوري وغرفتي يلست عند امي اربع شهور
بالثاني حمل صارعادي الله يتمم عليج بالخير

**أم اشجان** · 2010-12-25, 22:17

مبروك والله يثبت حملج .. بس ها الشي طبيعي يبالج الين ماتكملين 3 شهور وبخوز عنج ان شاء الله

**بابايا** · 2010-12-25, 22:19

مبروووك

والله يثبت حملج

عادي اول ثلاث اشهر او اربع لسا بتتغيرى عندج حاسه التذوق والشم كل شهر بيتغير لج شي

على الرابع بتتغيريني

شربي ماي عشان الصداع

**أم عوض88** · 2010-12-25, 22:21

أتمنى لك الصحة والعافية آمين
حبيبتي كل اللي يصير لك عادي جدا لا تقلقين أبدا واسألي الوالدة بتطمنج أكثر
فهمي ريلج بأن التعب والإرهاق والوحام ملخبط المود عندج
يعني بتحبين أشياء غريبة (بعض الحريم ياكلون تراب في الوحام) وبتكرهين أشياء تحبينها
وجاملي ريلج قدر الإمكان قوليله كلمة حلوة مثل فديتك حبيبي أي شي ولو كانت من ورا قلبك
لأنك في وضع غير طبيعي والمشاعر عندش متغيرة بس مهما شرحتيله ما بيقدر يفهمك وحرام وحليله يحتاج لحنانك
الله يكمل فرحتك ويصبرج على تعب الحمل والولادة والتربية ويخليلنا أمهاتنا لما صرنا أمهات حسينا فيهم
تذكري قوله تعالى (وهناً على وهن) بيبي حلو تفرح فيه كل العائلة يستاهل التعب والصبر
فكري في النونو بين إيدينج تكلمي معاه وهو في أحشائك واقريله قرآن بتنسين التعب إن شاء الله

**نانو_‏** · 2010-12-25, 22:41

فديتكم والله
طمنتوني
بس يعني هالصداع بيتم وياي طول
الثلاث شهور الله يسهل علي ان شأء الله

**شوآخي** · 2010-12-25, 22:45

مبروك والله يثبت حملج .. بس ها الشي طبيعي يبالج الين ماتكملين 3 شهور وبخوز عنج ان شاء الله

**سوارة** · 2010-12-25, 22:53

{استغفر الله الذي لا إله إلا هو الحي القيوم وأتوب إليه}

{استغفر الله الذي لا إله إلا هو الحي القيوم وأتوب إليه}

{استغفر الله الذي لا إله إلا هو الحي القيوم وأتوب إليه}

**دلوو ووعة** · 2010-12-25, 23:10

حبيبتي كل اللي قلتيه عادي هذي وحام الحامل انتي متوحمه على ريلج عشان جذي كرهتيه بس هذي فترة وبتعدي
ومرات في حوامل تيهن حموضة لازم تقلل من الحوامض ولا تكثر اكل وفي حبوب خاصة تخفف اللوعه والحموضة
من تخلصين الثالث كل شيء بروح!!!
حاولي تكثرين من الماي عشان ماتصيبج جفاف والتهاب
بالنسبة للصداع هذا صداع حمل مرات بسبب نزول الضغط بس حاولي ماتاكلين حبوب بندول وايد رقدي من وقت وسكري ليتات الغرفة يعني الغرفة تكون مظلمة وايد ورقدي بيخوز عنج! هذي نصايح دكتورتي!!!
واحتمال تكونين حامل ببنت! لان اللي لاحظته بحريم خواني يوم اييبن بنات اييهن صداع! هذا والله يعلم!!!
والله يتمم عليج حملج وولادتج يارب

**نانو_‏** · 2010-12-26, 02:45

تسلمون حبيباتي
والله انكم ما تقصرون
الله يحفظكم

الموضوع: آه تعبني الحمل

أدوات الموضوع

عرض

العرض المتطور

آه تعبني الحمل

المزيد من آخر المواضيع من نفس القسم:

المواضيع المتشابهه

تعبني ما يرضع..

شعري تعبني

ولدي تعبني ..

زوجـــــــــــــــي تعبني ...

والله تعبني؟؟؟؟؟؟؟؟؟؟؟؟؟