والحل شو ؟!!!

**نوف11** · 2010-12-23, 18:52

هلا حبوباات
عندي ربيعة عمرها 27 سنة للحين مب معرسة كانوا يتقدمولها معاريس بس أهلها يرفضوا لأسباب الله العالم فيها ... المهم الحين هي حالها مثل حال أي بنية تبا تعرس وتستقر وخاصة أنه مشاعرها مذبذبة وقابلة للإنحراف يعني ممكن الشيطان يغلبها .. وأقصد تبا تحس إنها بنية وتكبت مشاعرها الي تحركها ...الخ مابوضح أكثر عن جذي .. عندها مسؤولها في الشعل عارض عليها الزواج لكن يباها مسيار وهي رافضة .. ويحااول وكثر الدق يفج اللحام صارت تقول لتزوج مسيار أو أي شي بس اسد هالفراغ .. وعقب قالت لا وسمعة أهلها ومن هالكلام ..مسؤولها في الشغل قالها بعرفج على ربيعي ويبا يتزوج وشافته وشافها وقال بيأخذها بس هب بعد مسيار ورفضت ..

وبعد فترة قالها شفت لج واحد من ربعي يبا يتزوج بس بعد مسيار أو بالسر دون مرته ماتعرف ... وهي ضاجت بهالدنيا ما عاد يتقدمون لها إلا مسيار أو بالسر وزوجة ثانية وأهلها لا يمكن يوافقوا على أشكال هالزواج .. وهي وصلت لمرحلة إنه ممكن تزوج وتحط أهلها جدام أمر الواقع ..
أنتن شو رأيكن ؟؟!! شو تسوي

وعلى فكرة مسؤولها هم بعد يباها ،، وهي تباه بس بالحلال ..، ويبا لها الخير ويقول أنا لازم أزوجج أنا أو غيري وأستر عليج ..

المزيد من آخر المواضيع من نفس القسم:

**فوآغي** · 2010-12-23, 18:56

لاحول ولا قوه الا بالله

اول شي لازم ترمس اهلها شو سبب الرفض من البدايه ليش اهلها من البدايه كانوا يرفضون ؟؟

هل البنت فيها عيب او اللي يتقدمولها فيهم عيب او يمكن اهلها مايبونها تعرس من الاساس !!

وخلها تبتعد من مسؤولها لأنه لو يباها بييها من باب البيت !

وخليها تدعي ربها ان الله يرزقها بولد الحلال ..

والله يوفقها انشالله ..

**أغليـــــــك** · 2010-12-23, 19:01

انزين شو بتستفيد ؟؟؟ اذااا تزوجت زواااج مسيار خلهاا اتفكر ف هالشي والله واتحط اهلهااا جدام الامر الواقع

انزين مافكرت ف اهلهااا عقب شو بيستوي اذاا سوت هالحركه ؟؟؟

خلهااا تكلم مسؤوولهااا هب من هب ودب يعرفهااا ع ربيعه او ربيع ربيعه ؟؟ والله استغربت من هالشي يعني

شو جايفنهاااا

خلهااا اتقوله اذااا صدق يباهااا يدق البااااب ويخطبهااا عادي او يتناااقش ف هالشي هالصح بيكون

تيلس ويا اهلهااا واجوف سبب رفضهم ليش يعني شرات ماقالت الاخت لي فوقي . .

انصحهااا الغاليه نصيحه خلهااا اتقوله هالرمسه وخلها اتفكر ف عقب عقب ماتسوي هالحركه شو بيكون

ردة فعل اهلهااا تدعي ربهااا انه يرزقهااا بالزوج الصالح وتكثر من الاستغفااار والله يسرلهااا امورهاااا

**فتاة العين** · 2010-12-23, 19:21

لا تستعيل
هذا تزوجنا عمارنا في الثلاثينات ..

**سوارة** · 2010-12-23, 19:32

اللــهم أسترني فوق " الأرض " " وتحت الأرض " " ويوم العرض "

أستغفر الله . . أستغفر الله . . أستغفر الله

**أم نظارات** · 2010-12-23, 19:40

الله يــهدي الأهـل لي يـخربـون على بــناتـهم و ييسـرلـها الزوج الـصالح يـاااارب

بـس نـصيحة غناتي خليـها تـسكر على بااب مسـؤولـها و ربـعه ,, لأنـه لو صدق يبـاها بيسير بيـتهم على طـووول

و بيـتـفاهـم ويا اهـلها , و أصلاً مابيرضـى عليـها كل يـوم اييــبلها واحد يبـاها بالـمسيـار!!

الله يســتر على بناتــنا يااااارب

**إمرأة لا تنسى** · 2010-12-23, 20:14

مهما كان اهلها لازم تتفاهم معاهم

اما زواج بهالطريقه مصيبه لج ولاهلج لالالالالالالالالالالالالالالالالاتوافقي والله لا توافقي

**غلاتي كيوت** · 2010-12-23, 20:30

لاحول ولا قوه الا بالله

**بنت بحور** · 2010-12-23, 20:37

مانصحها فزواج المسيااااار مب لصالحها ..

**بنت قانون** · 2010-12-23, 21:13

يعني الحينه كل وحده تبا تعرس وصلت لعمر ع قولت بعض البشر "سن العوانس" ووو تبا تسد ما ادري شو ...

اروح اتزوج مسيار او بالسر ....>< وين يالسين نحن

**Mis alsabousi** · 2010-12-23, 21:24

سبحان الله

يا مثبت القلوب والابصار ثبت قلوبنا على دينك وطاعتك

صبري على رزقــــــــــــــج واطلبي ربج

**sakura-san** · 2010-12-23, 22:32

إحتمال لأنها تصرف على البيت

وااايدين من البنات إللي يشتغلوون ويصرفون على البيت يتبهدلون يوم حد يتقدم لهم لان الاهل يرفضون عسب إذا البنت عرست منو بيصرف على البيت واقول بعض الاهل مب الكل

وخلها تبتعد عن مديرها الخبيث يبى الستر لها ويعطي اقتراحات غريبة !!!!

**يدوه صغيره** · 2010-12-23, 22:33

لا حول ولا قوة إلا بالله

وربي يرزقها بولد الحلال

^^

**دلـــوعـــة** · 2010-12-24, 01:48

مسؤولها شو مشكلته ؟؟؟

يعني هو بيتزوجها .. وبنفس الوقت يعرضها على صاحبه ... ويقولها في واحد ثالث بعد ؟؟؟

بصراحه احس انه نظرته لها مش ولا بد

غريب امره

خلها تبعد عنه احسن وتستخير بكل خطوة تسويها

ولاتستعجل على الزواج

المسيار بيضيع حقوقها

ليش ترضى فيه ؟؟

شو ناقصها عن باقي البنات اللي تزوجوا بكامل حقوقهم ؟

خليها تلجأ لربها وتدعي وبيكرمها هو اهل الكرم كله وبيرزقها فوق اللي تتمناه

من حقها تتزوج بالعلن وقدام كل الناس وبمهر وبيت زوجية وكامل الحقوق لاتتنازل ابدا
و27 ابدا مو مشكله

عادي جدا خاصة بوقتنا اللي البنت صارت تهتم بدراستها وشغلها

وحتى الشباب ماصاروا يتزوجوا بكير

فخليها تصبر احسن

هذا رأيي

والله يقدم لها اللي فيه الخير

**زوجي غلا روحي** · 2010-12-24, 02:10

الاهل احيانا يكونو عاق للعيال
استغفر الله ياويلهم من الله بس يمنعون عنها الحلال

الموضوع: والحل شو ؟!!!

أدوات الموضوع

عرض

والحل شو ؟!!!

المزيد من آخر المواضيع من نفس القسم:

المواضيع المتشابهه

خدم آخر زمن...والحل؟؟؟

والحل؟؟؟؟؟؟؟ دشو بنات

والحل يا بنات

والحل يعني ؟

والحل ويا الانتفاخ؟