دائما انا الغلطانة !!

[emaine]

السلام عليكم و رحمة الله

توه استوالي الموقف و واااايد تضايجت

اخوي عطاني مفتاح السيارة قالي شلي الاغراض من السيارة

زقرت الخدامة و شلينا الاغراض صكيت الباب و رحت اعطيه المفتاح

هو دوم يقول لي دقي الباب و زقري اذا ما رديت لا تدشين

انا زقرته و ما رد و زقرت مرته ما ردت

قلت اخاف ادش و يصارخ حطيت المفتاح فالمطبخ

و للعلم محد يدش حجرتم لا الخدامة و لا احدعشان يخاف على المفتاح

سرت الصالة اشوفه يزقرني جي مخلية المفتاح فالمطبخ

قلت انا زقرتك و زقرت مرتك و محد رد عليي

لا ازقري بصوت اعلى

و تم يصارخ

مرة استوى نفس الموقف بس انا دشيت و تم يصارخ عليي

اللحين ما دشيت و صارخ عليي

و لو ما يبت له المفتاح و نطرته هم يصارخ عليي

بس حبيت افضفض و ابا اعرف كيفية التعامل مع ها النوعية من الناس

اذا سكتنا ما يعيبهم و اذا رمسنا ما يعيبهم

المشكلة هو يقل ادبه و يعيب على الخلق و نحن نسكت و اذا تمصخرنا وياه

يقول انتي قليلة ادب و مو متربية

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[يحـــــ ام يى]

طنش تعش


مثل طبع اخوي بعد ما تزوجت تغير معاي وصار العكس

ربي يهديه

[شيخه بمعانيها]

مممـ لاتردين عليه لو قال شي خليه يصارخ لين يسكت روحهـ ..
ماعرف كيف اتصرف ويا هالنوعيه بس انا اصيح على طول لو حد صارخ علي ... اخس حركهـ عندي هآآآآي وان شاء الله فالمستقبل ريلي يكون انسان بااارد مايعرف يصارخ .. قولي آمين ~

[emaine]

امين يا رب العالمين

حتى امي قالت لي مينونة انتي مسوتله سالفة

سويله طااف خل يولي

المشكلة مرته السوسة استغفر الله

تسوي عمرها بريئة و مسوية فتنه فالبيت حسبي الله عليها من حرمة

[without heart]

الله يعينـج / أنا لو حد يصارخ علي ما أصيح وما أسكت بس .... مشكلتي أصارخ وأهاوش وبدال الكلمـة عشر خخخخ >> لا تسويين شراتي ترى بتكبر المشكله ^^... أحسن شي أسكتي أو قوليله إذا سويت جي ما عيبك وإذا سويت العكس بعد ما عيبك وضح شو تبـآ بالضبط .. والمره اليايه صارخي أكثر خلي آخر بيت ف الحاره يسمعونج خخخخخخ

[uae13122]

[emaine]

لو رديت عادي يرشني بطراق خخخخ

انا قلت اسكت احسن

بس الين متى جي بتم ابا حل

[شوق111]

الغـــــــــــــلاااا

دمعتين مع كلمة دلع قولي له اخوي ليش كل مره اتسوي معاي كذااا

والله لا ايجيب االزعل بين الاخوان

[زوجي غلا روحي]

هاك اليوم اخويه قالي انتي قليله ادب
ليش كنت ارمس امايه واقوله عن سالفه وكنت صج مقهوره
واخويه يقولي اسكتي لاايه اكسر راسج قلت له انته منو عسب تكسر راسي
قلت له مالك حق عليا تكسر راسي قالي الا بسوي وبسوي قلت شوف بابا انا ريلي هو الي يحكمني مب انته
وامي قالت لي اسكتي ها اخوج اكبر عنج قلت لها جي يرمسني وانا مايت صوبه هو ماله حق شرعن وقانون
انه يدخل بي
قالي وان غلطتي قلت له ان غلطت ريلي هو المسؤول مب انته بس ايه بيتك مطلقه هاك اليوم لك حق ترمس هالرمسه
وانتي الغلا ابوج هو ولي امرج اخوج ماله حق يصارخ عليج مني والدرب وقفيه عند حده قولي له ان بيتم
يصارخ عليج بسبب وبدون لا يطلب منج شي يسير يقول حق حرمته اتيب الاغراض ليش انتي
والله اكره شي الاخوان يوم يسون نفسهم ريايل ع خواتهم وع حريمهم شرات القطو
والعكس فيه ريايل عند خواتهم قطاو وعند حريمهم اسود
عفانا الله من هالنوع من الريايل
الله يفكج وتعرسين بريال يحبج ويحطج فوق راسه ومايزعجج بكلمه
امين يارب

[فديت طلتي]

طنشي
الله يهديه

[ام محمد 9119]

لا اله الا الله محمد رسول الله

[إيمي الحلوة]

طنشيه غاليتي وهم بيحس على دمه وبيسكت عنج مهما كان هذا اخوج


انا كله ولاحد يصارخ علي ...

[فن القفطان]

يارب ..
إجعلني أعيش حلمي واقعاً ..

يارب .. وإني لأثق بك ..
فرسم في قلبي انواع الفرحة والسعادة ..
وأمطرني بحبك وقربك ..

و إرزقني حسن التوكل عليك ..

أفوض أمري إليك ..
سبحانك لا ملجأ منك إلا إليك ..


اللهُمْ آمِينْ

[emaine]

ثاانكس على الردود

[سلطه حلوه]

انتي ماسامعه باهل الحكمه ‏‏
^‏‏_‏‏^ ‏طنش تعش واشرب ديو وانتعش