ريلي وعمي

**روبي باربي** · 2010-12-20, 14:04

السلام عليكم خواتي محتاره وابا مساعدتكم وخاصه للي ساكنه مع اهل ريلها انا متزوجه من شهر وساكنه مع اهل ريلي ومب عارفه كيف اتعامل معاهم اكون معاهم عادي يعني علاقه سطحيه ولا اعاملهم مثل اهلي انا حابه اندمج مع امه وخواته بس احس عصب وريلي يقول اباج تندمجين مع اهلي وهم الصراحه اسلوبهم وايد دفش وكلامهم يحرجني وريلي يبغاني كل ما اشوف عمي وعمتي احبهم ع راسهم في الدخله والطلعه حتى لو عشر مرات في اليوم وانا اشوفها وايد اتمنى تعطوني رايكم وتفيدوني

المزيد من آخر المواضيع من نفس القسم:

**مواليد2010** · 2010-12-20, 14:12

ريلج مبالغ حتى هم بيملون قوليله مره كفايه والصراحه تعاملج خليه عادي

**زوجي غلا روحي** · 2010-12-20, 14:20

خلج سطحيه لابعد الحدود نصيحه مني
ترا بتستوي لج مشاكل مهما حبوج
الا مايسون لج مشكله او تستوي حساسيه امبنكم
ترى حتى الاهل احيانا يكرهون ولدهم شحال حرمه ولدهم
نصيحتي خلج بعيده احسن يعني ع قوله امي خذي منهم ولا تعطيهم مب تاخذين منهم شي مادي او هدايه
لا يعني ان خبروج عن سالفه انتي تمي ساكته وجوابي ع قد السؤال ب هيه او لا او نعم
ولا دقين وايد سوالف خاصه مع خوات ريلج
لان في الايام ان صارت حساسيه امبينكم بيحسبون كل شي قلتيه غلط بغلط وهم الصح
ونصيحتي نصيحتي نصيحتي لا تأمنين لحد يعني ان صارت لج مشكله او اي شضي لا سمح الله لاتخبرينهم ولاتشاركيهم
همومج ترى بيزعلون عليج بس يوم وحده منهم تظايق منج بتتشمت بج
حتى فرحتج مع ريلج لاتخبرينهم لان يمكن وحده منهم تغار منج وهم تسوي لج مشاكل من دون سبب
وها رائي
حتى لو عاملوج نفس اختهم الا ايه يوم ويسون لج مشاكل
وابصم لج ع العشر
الخوات وايد يتضاربن يوم يكونن في البيت كيف بنات الحمو
بس الخوات يتم فيه حنيه وقلبوهن ع بعض بس خوات الريل مستحيل يكونن حنونات ع حرمه ولدهم

**MOON_AD** · 2010-12-20, 14:51

الله ييسر امورج

**روبي باربي** · 2010-12-20, 14:52

كلامج صح اميه بالميه وبالحرف ها اللي يستوي لي مع اهل ريلي

**جرح وحداوي** · 2010-12-20, 14:58

انا من رااي اتكوونيين سطحية احترمييهم وقدرييهم صح بس خليها سطحية لاتنسي معاملتج لواالديينه مثل واالديينج وقووليلة ابي احترمهم واقدرهم باسلوبي ممكن اتسلمين علييهم وتبوسيهم على راسهم كل ماتشوفييهم الصبح ولا يوم بترديين من برع كفااية حتى هم بيملوون وبيحسووج تناافقييهم..ربي يسخرلج ريلج يارب

**نم نم مي** · 2010-12-20, 15:11

لا إله إلا الله ..
أختي الفـــــــــــاضلهـ ..
حبيهمـ وتعايشي وياهم كــــــــأنهم أهلج ولكــــــــن لاتدخلين بحياة حـــــــــد إلا إذا بتقدميـــــن نصيحـــــهـ لوجــــــهـ الله ..

ريـــــــــــلج يحب أهلــــــهـ يبغيج تحبينهمـ >>> علشــــــــانهـ كل شي يهون .. إستحملي دفــــــاشتهم (يحليلهمـ )...

وبالهــــــــداوه اقنعي ريلج ماله داعي اتحبين راااسهم كل ساعهـ قوليلهـ حلاتها من صبح لصبح >>> أعتبريهم والـــــدينج >>> الشـــــــــاهد الله بيقدرون منج وبيحبونج وما بيرضون عليـــــــــج ...

الله يجعـــــــــــلج الزوجهـ الحنونهـ لأهــــــــل زوجج ..

السموحهـ ..

**Yuki-chan** · 2010-12-20, 15:13

احترام اهله مطلوب بس بحدود. وريلج هو المفروض الي يحبهم على راسهم مب انتي . يعني اذا كنتي على طول ساكنة معاهم جامليهم في البداية ويلسي معاهم في لانهم يختبرونج ويشوفون علاقتج فيهم ولا اتخلينهم ياخذون عنج فكرة انج ما اتسوين لهم سالفة.وبعدين مع الوقت مب شرط اتجاملينهم طول الوقت تراج بتتعبين يعني اطلعيلهم على فترات متقطعة صبي لهم شاي قهوة وشوي سوالف وسيري عنهم . وبعدين منو قاللج بتستوي مشاكل؟ لا حبوبة مب شرط هالكلام ويعتمد على اهله واطباعهم.بالعكس واايد ناس علاقتهم حلوة مع اهل رياييلهم وهالشي انتي الي اتقررينه بتعاملج معاهم خلج ثقيلة وبنفس الوقت خلج طيبة بحدود وصدقيني هالشي بفرح ريلج واي شي يقولج قوليلي حاضر ولا اتبينين له انج متضايقة وما تبين خاصة بداية الزواج

**عالية الغالية** · 2010-12-20, 15:16

انتي كيف تحبين حرمة اخوج نعامل اهلج

وع هالاساس عاملي اهل ريلج

لاتقولين اهلي غير وما في منهم

كل واحد يشوف اهله هم الاحسن والافضل

فعامل الناس كما تحب ان يعاملوك

**قارب uae** · 2010-12-20, 15:20

شوفي الغلا هو حسب معاملتهم لج و اسلوبهم معاج

و الي همته من كلامج انهم من النوع الدفش الي عادي يعلق ويدخل في أمور غيره

فالأحسن ان تخلي علاقتج فيهم سطحيه بس طبعا احترميهم و لا تدخلي بأمورهم
و لا تكونين بعيده وايد حببيهم فيج

**رشـة عطر** · 2010-12-20, 15:49

السلام عليكم ورحمه الله وبركاته

هذايلا اهلج ,,شرات امج وابوج

ماشي مانع تحبينهم على راسهم يوميا ,, شرات ما تحبين والدين

ايلسي معاهم خلي علاقتج معاهم قويه

اظهري واضحكي وسولفي واعزمي "معاهم"

اهدي عمد ومره عمتج مرررره شرات والديج

خليهم يعفرنوج خليهم يحبونج ويحسون انج طيبه وحبوبه وتحبين الخير

لازم تقوين علاقتج معاهم ,,وامدحيهم قدام ريلج ترى وايد بيستانس

دقينيه مافي حياه احلى من جيه ,,وانتي بعد بتستانسين ^^

ربيه يوفقج

**ام شوق وعزوز** · 2010-12-20, 19:45

الله يعينج بس توه الناس باجر بتتاقلمون مع بعض

**um haya-1** · 2010-12-20, 20:07

اخيييج ريلج مثل ريلي

في البدايه جي كان يباني اندمج

للعلم ريلي ماعنده خوات كلهم اولاد وهواكبرهم
و يباني ابوس راس امه في الروحه و الرده

أنا ما تحملت ودوم مشاكل و اخر شي دزيت عمري و سطهم
وقلت له امكوابوك من جمعه لي جمعه بحب رؤسهم

اللحين ريلي متندم إخوانه مايحترموني لدرجه يسبوني

وامه نفس الشي تنتقم مني في بناتي

الله يعينا

نصيحه خليج سطحيه

**ام محمد 9119** · 2010-12-20, 21:12

الله يسخرهم لج

**روبي باربي** · 2010-12-20, 21:40

للرفع

الموضوع: ريلي وعمي

أدوات الموضوع

عرض

ريلي وعمي

المزيد من آخر المواضيع من نفس القسم:

المواضيع المتشابهه

ريلي خاني !!! ريلي عيونه زايغه !!! ريلي اتزوج عليه !!!! الخ الخ

{ ريلي عرس عليه ..!!.. ريلي مهمل فبيته ..!!.. ريلي .. و.. و.. }<< حياكم

قول عمي الرجال مايسمع كلام زوجته لانها بتضيعه وعمي مايشك خيط في ابره الا برائي زوجته!

ولدي تعبني وعمي يقول الجنة تحت اقام المهااات اصبري عشان الله ينولج اللي تبينه

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش