هالشواب بهدلونـــي :(

[مــزون]

.. السلام عليكم ورحمة الله وبركاته ..
"
:
خبلوني هالشواب واللي صابغين لحاهم ، كل ما اسير مكان يتحرشون فيني ، لين ما لاعت جبدي واخاف في يوم من الايام اضارب واصارخ على واحد منهم ، واتيله صكة قلبية ويطب ساكت هههه


حريم انا ما بقولكم يودوا رياييلكم ، انا اقولكم يودوا ابهاتكم يودوا يدودكم الرياييل ههههههه

والله كل ما اسير مكان يتمون يطالعوني يغازلوني !!!!! هههههههه

قبل شهر كنت يالسة اتريا سيارتي في مواقف الفستفال الا واحد صابغ لحيته ، خذي رقمي خلني اسلم عليج وانا مروح بوظبي هههههههه قلت له السموحة ( ريلي ما بيرضى ) مع اني عزباء 10 على 10 لكن عااااد اصووووم اصووووم وافطر عليه ( لا والف لالالالالالالالا ) هههههه

وعقبه كنت سايرة كارفور سنتشري بلازا ، فترة الصبح اشتري تلفون حق اميه من فوق صوب الالكترونيات الا واحد انتي تشتغلين اهنيه ، قلت له لا ، قالي عيل شو عندج الصبح اهنيه انتي ما تشتغلين ، ( وانته شو لك خص ) ( طبعا في قلبي ، استحي اقول هالكلام ) جان ابتسم ، وكانت غلطة عمري اني ابتسمت اهئ اهئ ..... ما بكمل خلاص

وعقب كنت سايرة حمر عين بعد نفس الشي ونفس السيناريو انتي تشتغلين في هالمحل ، محل يهااااااااال ، كنت سايرة اشتري من محل كيدز وي ثياب حق عيال اخوووويه ، شو ****ي ما يشوفني اشتري ثياب حق اليهال وفي محل يهاااال ، يمكن معرسة وريلي فديته يترياني خاري المحل ، عادي عنده ابتسامه ومشاركة في اختيار ثياب اليهال هههههههههههه

وبعد غيره وغيره وغيره ، كل مركز وكل سوق حتى الصنادق لي مغامره معاهم اهئ اهئ
يا بنااااات انا اتعقدت منهم ، استويت ما احبهم ولا احب اشوفهم هالشواااااااب

اين الشباب هههههههههه ولا للشوااااااب اهئ اهئ اهئ

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[غــلاوي]

الشواب ردوا شباب هههههه

الله يهديهم ان شاء الله

[سوارة]

ذكرتيني مره انا حامل وطالعه من المعرض الا شيبه ورايه يغاااااازلني؟؟؟؟؟؟؟؟؟؟؟؟؟؟؟؟؟؟؟ والله مت ضححححك اقووله ما تشوووف الكرشه انا حاااااااااااامل ؟؟ جان ينقفط هههههه حليلهم تشببوا

[بنت بحور]

ههههههه ذكرتيني بموقف صار لي لما كنت اتمشى فالجمعيه وواحد عود كبر ابوي يطالعني ويسلم علي وانا من خوفي كنت ابا اشتري الجبن ورديته ماعرف ليش خخخخخخخ

[كلي حب وحنان]

خخخخخخخخخخخ ضحكتيني
يحليلهم شووووووواب مرة اقولج شايب قال انتي منو ابا اخطبج حق ولدي تخيلووووووا والله قفطت
خخخخخخخخخخخخخخخخ
مرة بلعيد بست شايب علي راسة يقرب لنا استوت لي مصيبة واللححين مفتشلة منها علامات البوسة مكياح ملطخة علي غترها خخخخخخ

[Ana Uniqe]

ههههههه الله يهديهم ماخلو حق الشباب شي

[KFK-GRL]

ههههههه الله يهديهم ماخلو حق الشباب شي

[bellegirl]

الله يهديهم ان شاء الله

بس غلطتي فشي أختي

يوم رديتي عليهم ..

الأولى انج ما تعبرينهم وتجاهليهم

وأكيد بيفهمون أعمارهم

وبيعرفون انج بنت أصل


وشكلـج غاليتي ماشاء الله يمكن جمالج أو لبســج ملفت

فلو تراجعينــ نفسـج وكيف تطلعين من بيتكم يمكن تحصلين الحل لهذا الشي

ولا تسنين اتحصنين عمرج وأذكار الخروج من البيت

ويفضـل أختي دام ماشي ضرورة ..تطلعين مع محرم شرات مادينا الحكيم وجب علينا ^_^

وما أعظم حكمة ديننا فينا

وربي يوفقج لكل خير

[نم نم مي]

الله يهديهم ان شاء الله

بس غلطتي فشي أختي

يوم رديتي عليهم ..

الأولى انج ما تعبرينهم وتجاهليهم

وأكيد بيفهمون أعمارهم

وبيعرفون انج بنت أصل


وشكلـج غاليتي ماشاء الله يمكن جمالج أو لبســج ملفت

فلو تراجعينــ نفسـج وكيف تطلعين من بيتكم يمكن تحصلين الحل لهذا الشي

ولا تسنين اتحصنين عمرج وأذكار الخروج من البيت

ويفضـل أختي دام ماشي ضرورة ..تطلعين مع محرم شرات مادينا الحكيم وجب علينا ^_^

وما أعظم حكمة ديننا فينا

وربي يوفقج لكل خير

الله يحفظ شوابنا من الفــــتن ..

[مياسة]

الله يهديهم ان شاء الله

بس غلطتي فشي أختي

يوم رديتي عليهم ..

الأولى انج ما تعبرينهم وتجاهليهم

وأكيد بيفهمون أعمارهم

وبيعرفون انج بنت أصل

وشكلـج غاليتي ماشاء الله يمكن جمالج أو لبســج ملفت

فلو تراجعينــ نفسـج وكيف تطلعين من بيتكم يمكن تحصلين الحل لهذا الشي

ولا تسنين اتحصنين عمرج وأذكار الخروج من البيت

ويفضـل أختي دام ماشي ضرورة ..تطلعين مع محرم شرات مادينا الحكيم وجب علينا ^_^

وما أعظم حكمة ديننا فينا

وربي يوفقج لكل خير

انا مع كلام الاخت ^^

[*غرور*]

الله يهديهم ان شاء الله

بس غلطتي فشي أختي

يوم رديتي عليهم ..

الأولى انج ما تعبرينهم وتجاهليهم

وأكيد بيفهمون أعمارهم

وبيعرفون انج بنت أصل


وشكلـج غاليتي ماشاء الله يمكن جمالج أو لبســج ملفت

فلو تراجعينــ نفسـج وكيف تطلعين من بيتكم يمكن تحصلين الحل لهذا الشي

ولا تسنين اتحصنين عمرج وأذكار الخروج من البيت

ويفضـل أختي دام ماشي ضرورة ..تطلعين مع محرم شرات مادينا الحكيم وجب علينا ^_^

وما أعظم حكمة ديننا فينا

وربي يوفقج لكل خير

[جرح وحداوي]

ذكرتيني بلذي مضى. هاهاهاها
صدق انهم تحفة..الله يهديهم ياارب

[انا وحبي]

الغاليه محد صاحي هالايام الكل تخبل

الشواب صارو مراهقين ويغازلون وكل شي خايس يسوونه مع انه ريال كبير ابو عيال

والشباب حالتهم صعبه اغلبهم خبايل يركضون ورا البنات مثل الجلب الي شايف عظمه

والبنات ياعيني عليهم كل وحده تمشي وراصه عباتها والي مطلعه استرجها من تحت مع كعب تك وتك ولي حاطه روج احمممممممر تفكر نفسها مارلين مونرو والميكب الي جنه كانت ناويه تسير عرس بس غيرت رايها وراحت المول والي رازتلج هذيج النظاره الشمسيه مع انه ماشي شمس في المول جنها عميا ,، لا والمصيبه حتى البنات المراهقات قوم 15 و16 صارن يسون هالحركات

ااااخ ياقلبي اختل نظام الكون الله يستر

[مرحبا فد]

ههههه الله ايعينج والله

بس تصدقين عالأقل الشايب يوم بتسمعينه كلمه في العظم بيتقفط مب شرات الشباب كل واحد ضارب ماسك لوح عويهه

بس زين قلتيله انج معرسه والا كان ما خلاج في حالج

واااايد منهم هالشواب خصه عدنا

المشكله مالهم حس في الفرجان

ما يحلالهم لمغازل الا صوب المولات والسناتر والسوبرماركتات هههههه

يعرفون هناك الصيد سمين

استغفر الله

فديتج لا تحطين في بالج

وانتي عالاقل تعرفين تتصرفين كم مره رديتيهم وما سكتيلهم

[بنت المرموم]

احليلهم