شو أسوي ب....؟؟؟

[عذاري1975]

معاناتي................



ريلي معتمد علي بالصرف على بيت أهله وعليه وعلى عيالي... وهو مرتبه رايح على ديون البنك؟ شو أسوي؟؟؟ ساعدوني بليز.....................؟؟؟وكل وحدة تحطي نفسها بمكاني شو بتسوي؟؟؟ رضا الله من رضا الزوج وهذا اللي مسكتني... ماريده يزعل مني؟؟ وما راضيني اني ماقادرة أتهنى بدرهم واحد من مرتبي كل شي هو متحكم فيه.... ودوم يسألني بس شو تبين؟؟؟ شي ناقصنج؟؟ كتخليص ذمة ومجرد سؤال لكن من أقول أبا شي ... انزين ان شا الله ويتم التأجيل.... الى بعد حين ... وبعدين ماشوف شي لين أنا مليت وما صرت أهتم ولا أطلب منه شي؟؟؟ واعتمدت على نفسي بالمشترا كل شي... كل ما قلت ابا الشي الفلاني .. سواء لي أو لعيالي اتصلي انزين الدكان وخليه ييب لج....؟؟ واذا حد غيري طلب منه اي شي يركض ... لا والقهر كله من فلوسي انا والحجة ما بينا فرق فلوسج وفلوسي واحد.. ليش أنا آخذ من فلوسك شي اصلا....؟؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[@أم عمر@]

[IMG]http://www.*******.org/images/gzddy9lja582f3t733cr.gif[/IMG]

[أم علـي]

عسى ربي يهون عليكي يارب

[LADY LOVE]

لاحول ولاقوة الابالله !!!
مب مجبورة تصرفين عليه وعلى اهله وعياله
حتى لو عنده ديون لازم يحط مبلغ شهري
عوديه يدفع

[ام الغالي08]

انا اشوف اذا عنده ديون حلو منج انج واقفة وياه وتساعديه
بس هذا مايمنع على الاقل يخصص مبلغ معين يسلمه لج مصروف للبيت او العيال او لج انتي المهم يتسمى انه شايل ولو شوي من المسؤولية
والله يهون عليج ان شاء الله

[ام راكـان]

لا حول ولا قوة الا بالله ,, الله يعينج ويصبرج ختيه ..×

بس انتي اللي سمحتيله بهالشي من البدايه ف لازم تتحملين نتيجة تصرفج وما تزعلين منه ..×

اذاا انتي متأكده ان ريلج ما يبقاله ( ولا درهم ) من راتبه ما عليه اللي تسوينه هب غلط انج تساعدينه ..×

تساعدين ريلج وعيالج هيه بس اهله انتي هب مسؤووله عنهم ومن حقج ما تعقين عليهم درهم واحد لو كنتي محتاآآيه ..×

انتي لازم تدبرين عمرج عالاقل تيمعين فلوس تحطينهم حقج انتي اللي تشتغلين ما يستوي تحرمين عمرج من شي خاطرج فيه ..×

ولا قولي حق ريلج انا بيمع كمن فلس عسب اسويلي شغله استفيد من وراها وتطلعين ربح تستفيدين منه ..×

والله يوفجج حبوبه ..×

[عذاري1975]

الله يسعد كل وحدة ردت علي وريحتي ويرزقها الجنة يا رب...

[أم موزانة]

حبيبتي اصلا مذكور ف القرآن انه الرجال قوامون على النساء،‏ صح مثل ماقلتي رضا الله من رضا الزوج بس مب معناتها انج تصرفين على اهله وعليه انتي مب مسؤوله عن اهله ‏،‏ اوكي ساعديه بمصروفج بس مب دوم ومايعتمد عليج اعتماد كلي ‏،،‏ يمكن انتي عودتيه انج تصرفين عليه وهذا غلط منج حبيبتي حاولي وياه قوليله انج مب ملزومه من اهله وعسى ربي يفج ضيجتج يالغاليه ‏..

[أم خلوفي..~]

up

up

up

[اذكروا الله]

انتي جد مرة يلستي وياه وتفاهمتوا على هالموضوع؟

[فينيسياا]

شي غريب معقولة ولا فلس يبقى من راااتبه ,,,

صح ان رضى الزوج وااجب ومن رضى الله , بس بعد الريال مجبور شرعا ان يصرف على زوجته وعياله

يعني انتي ممكن تصرفين على نفسج وعيالج وتساعدين لو الحالة وايد تعبانة بس ليش اهله شو يخصج فيهم ابدا مب مجبورة فيهم وحتى هو مايقدر يحاسبج لو ماصرفتي عليهم ؟؟؟!!!! وهو ريال المفروض يعرف كيف يكون مسؤوول ويوازن بالصرف ويعرف كيف يوزع المصاريف , شرعا لازم يصرف عليج وعلى عيالج لو انتي ماتشتغلين شو كان بيسوي ؟ الله يهديه

هذا جزء من مسؤولياته لازم مايهمله ويتهاون فيه ويعتمد عليج انتي بس بالصرف مايصير

[عني يبعدونك]

انت‏}ي عودتيه افرضي مثلا انج ماتشتغلي شو بيسوي اكيد بيصرف عليج بعدين ناس كله عنده ديوون بس يصرفون علي ناس بعدين مب مجبوره انج تصرفين علي شي صدق مستغلنج استغلال مو طبييعي

[أم عبادي وحسوني]

الغاليه مايصير جي غلط

قوليله انا بلساعدك بمصروف البيت بس مايخصني باهلك والشرع جي يقول اصلا

بعدين هو كم يتم من راتبه لازم هو يصرف من راتبه وانتي لاتخلينه يلعب بمالج خلي بطاقتج عندج

[فديت طلتي]

شدعوه تصرفين على أهله؟
إنتي الغلطانه لإنج عودتيه من البدايه
مالج خص في أهله

[روووز2008]

الله يهون عليج وييسر أمورج..

بس الله يهديج إنتي عودتيه إنتي اللي تدفعين كل شي..

ألحين بترجعين تقوليله ..لا إنته إدفع..

أحس الحركه مب حلوه فحقج.."مادري أحس فشله"

مادري ليش أحس إنج تدفعين وإنتي مجبوره مو من خاطرج..

لأني أحس من كلامج إنج مضايجه من هالشي..!!!