المصروف ..:(

**بنت دبي ؟** · 2010-12-08, 13:07

السلام عليكم و رحمه الله و بركاته

شحالكم ..؟

ريلي و لله الحمد طيب و حنون و متدين و خلوق

بس مشكلتي فالمصرووف

بنات يوم ابا شي و لا ااخذ شي يعطيني فلووس بس ع القياس

يعني ع قد الشي اللي باخذه

و انا مب مرتاحه جي ابا يكون لي مصرووف و ادخر منه حق وقت الحايه

و استحي اقوله هالشي ماحب ع كل شي ابا ااخذه اقوله باخذ جي عشان يعطيني

يمكن انا عودته أول فتره اني ما اطلب شي

احين احسبه مب حاس بالمسؤوليه

الزبده

كيف اقوله اني ابا مصروف شهري لي ...؟؟

المزيد من آخر المواضيع من نفس القسم:

**أم خالد الحلو** · 2010-12-08, 13:13

هلا فديتج

اقترحي على ريلج انج تفتحين حساب في البنك وكل شهر يحط لج مبلغ معين

اذا رافض هالشي او انتي ما تبين

قوليله انه المصروف ما يكفيني أحياناً وخل يزيدج شوي

بس يبيله باسلوب حلو ... وكلما خلصت البيزات طلبيه

واذا تستحين تطلبيين طرشيله مسج ^_*

واذا سألج وين راحت الفلوس اللي قبل اشرحيله وين صرفتيها وانا الحين اللي يعطيج ما تييب اغراض واايد

وفي عندي اقتراح ثاني .. انج تطلعين معاه تاخذون اغراض البيت ..

من غير يعطيج مبلغ لج كل شهر خاص بج ^_^

**bellegirl** · 2010-12-08, 13:13

لا حول ولا قوة إلا بالله

غاليتي

الحمدلله ان ريلج طيب وحنون معاج

معناه ان فيه الخير وما ينخاف منه بإذن الله ^_^

وأختي اذا ما قدرتي تخبرينه مباشرة ,, في طرق بسيطـة لكن فعــالة

اكتبي له رسالــة واعطيها حقه ^^

أو مسج أو إيميل

واكتبي فيها الكلام الي بخاطرج ,, وهو بيقراها وبتوصله المعلومـة بإذن الله ^_*

بدون ما تنحرجين أو تستحين ^^

واعذريه أختي اذا حريص ,, مافي حد يضمن الغنى ..

وربي يسخركم لبعض

*** ام خماس *** · 2010-12-08, 13:14

لا اله الا الله 00حبيبتي تفااهمي معااه ونااقشيه

وخليه يسأل المطااوعه عن هالشي اذا كاان مب مقتنع ^^

عزيزتي الزوج لااازم يعرف ان الدنياا غلت والزوجه محتااجه اذا ماا كاانت تشتغل

وحتى لو كاانت موظفه فالزوج عليه النفقه الي تكفي وتسد البيت والزوجه

بالتفااهم فديتج والكلمه الطيبه 00ولا تنسين الاستغفاار عنووني

الله يسخركم لبعض ويسعدكم ياارب

**Miss_Patchi** · 2010-12-08, 13:16

شوفي انتي و متى ريلج يكون بمزاج رايق

قوليله حبيبي اباك تمشيلي معاش ^^

**ميييمي8** · 2010-12-08, 13:17

عاادي حبيبتي..
أنا من البداايه مع ريلي اتفقنا على المصروف كاامل شااركته بتقسيم البيزات بحيث انه مبلغ لي ومبلغ له ومبلغ نخليه وقت حايتنا ومباالغ مصااريف الثانيه العرس والبيت والسيارات وغييييييره ..
وبعدين داايما يوم بتظهرين مكان خليه يعطيج بيزاات ولا تقوليله شو بتاخذين ولو سألج قولي بشووف شو بااخذ لا تعوديه من الحين يقصر عليج بشي وبعد رااعي ظروووفه لا تضغطين عليه بس وقت ظهرتج خليه يعطيج مبلغ وانتي حددي 500 أو 1000 أو 2000 حسب رااتب ريلج ومصااريفكم وانتي ادراابهاا أكيد بيسألج جم تبين؟؟ فالبدايه خليه رووحه يعطيج شوفيه جم بيعطيج وعقب إذا ما كفااج زيدي من عندج وقوليله ابا جي جي جي فالطلعات اليايه..
مبين عليج عااقله وتقدرين الظرووف بس بعد لا تتنازلين عن حقوووقج من حقج إنه ريلج يعطيج مصرووف..
وعندي لج فككره.. قوليله حبيبي ممكن اطلب منك طلب .. عطني مصرووف كل شهر واللي بيزيد انا بدخر منه للاياام بنستفيد منهم وهني حددي المصروف اللي تبينه 4000 او 2000 حسب ميزانية ريلج انتي شووفي وفعلا اللي بيزيد خليه للاياام باجر بتحتايونها هالبيزات ...
والله يوفقج حبيبتي
ويسعدكم إن شااء الله

**جرح وحداوي** · 2010-12-08, 13:20

صاارحييه خلييه يخصصلج مبلغ معين وطبعا ممكن اتني اتحدديه بس بلي يقدر عليه مب تعجزيينه وتقووليلة ان هشي يريحج عشاان مااتميين تطلبيينه كل مرة واذا مااواافق ممكن كل مرة تطلبيه تطلبين اشوي زياادة وتخشيين البااقي وبجيه يكوون عندج مبلغ كل ماتحتاايين وتحسيين انج تبين اتييبين شي.
موفقه

**ام سلوم ^^** · 2010-12-08, 13:23

الحمدلله ع كل حااال

مثل ما قالو البنات ما قصروو اكتبي له مسج وااشرحي له ان البيزات ما يكفيج للاخر شهر

واطلبي منه المبلغ اللي يكفبج بس ان شاء الله ريلج يقدر عليه ...

او افتحي حساااب وخل يحط لج مبلغ يكون وااايد اريح ...

وعن اغرااض البيت دوووم عوده ياخذ وانتي ويااه خل يشوووف ان السوووق نااااااااااار

وبيفهم اكيد لانه حنوون ...
لا تستحين من ريلج هذا حقج ... وانتي تستاهلين كل الخير ,,, ^_^

**الجوري 44** · 2010-12-08, 13:55

حبيبتي طرشي له مسج وووفهميه وقولي له ممكن اتزيد من المصروف

**مشوطه** · 2010-12-08, 14:00

ريلج وشريك حياتج تفاهمي وياه بمزاج رايق انتى الادري برييلج يالغاليه وقوليله ممكن تزيد مصروفي لان كل شيء غلا

**بنت دبي ؟** · 2010-12-08, 17:51

مشكوراات الغالياات ما قصرتن

**بنت دبي ؟** · 2010-12-10, 23:01

..........

**سوارة** · 2010-12-10, 23:16

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن

**Night's Lover** · 2010-12-10, 23:27

للرفع

**مالكـ أمل** · 2010-12-10, 23:47

المشاركة الأصلية كتبت بواسطة ام سلوم ^^

الحمدلله ع كل حااال

مثل ما قالو البنات ما قصروو اكتبي له مسج وااشرحي له ان البيزات ما يكفيج للاخر شهر

واطلبي منه المبلغ اللي يكفبج بس ان شاء الله ريلج يقدر عليه ...

او افتحي حساااب وخل يحط لج مبلغ يكون وااايد اريح ...

وعن اغرااض البيت دوووم عوده ياخذ وانتي ويااه خل يشوووف ان السوووق نااااااااااار

وبيفهم اكيد لانه حنوون ...
لا تستحين من ريلج هذا حقج ... وانتي تستاهلين كل الخير ,,, ^_^

الموضوع: المصروف ..:(

أدوات الموضوع

عرض

المصروف ..:(

المزيد من آخر المواضيع من نفس القسم:

المواضيع المتشابهه

مشكلتيه ويا المصروف<ساااعدووني>

المصروف الشهري؟؟؟

المصروف في تركيا

ترتيب المصروف