مشكلتي بنتي

[جورية حمرا]

السلام عليكم ورحمة الله وبركاته
خواتي عندي مشكله وقلت مالي غيركم تساعدوني فيها
مشكلتي هي بنتي عمرها ست سنوات
بنتي يوم كانت صغيره كانت بشرتها بيضا مثل الثلج
وعيونها وسيعه ومضويه تحسين أنها فيها صحه
بشهادت الكل مب بس كلامي لأني أمها
وبعد ما كملت السنه ونص بدأت تنطفي
لونها قام يغمق شوي شوي سنه عن سنه سمارتها تزيد
وعيونها قامت تصير ناعسه وتطفي اللمعه لي فيها
الحمد الله صحتها زينه ما أنها كل يوم والثاني مريضه
بس يوم تمرض وايد تتعب ما فها قوه على المرض
وأكلها زين مب أنه تعبان يعني ماشي حالها بالنسبه لسنها
خواتي يا ليت لي عندها خبره أو شي تفيدني
ولي تمر وما عندها شيء لا تنسانا بدعوتها

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

[حلم صيفي]

اختي .. سيري سويلها تحاليل شاملة ... ممكن في شي بسيط بس انتي مب عارفة وش هو ....

وسلامتها ما تشوف شر

[*ام حمد*]

سويلها تحاليل شاملة
يوم اتروحين العيادة قولي حق الطبيب الكلام اللي ذكرتيه
عندنا وحدة من الأهل نفس الشي تقريبا طلع دمها مايزيد عن٨عندها نوع نادر منg6pd
اضني اسمه بيتا
الله يشفيها ويعافيها ويعافي جميع المسلمين

[جورية حمرا]

أختي حلم مشكورة على المرور والنصيحة

[جورية حمرا]

الغالية أم حمد
مشكوره الغاليه بس يا ليت تقولي لي شو عطوها دوا بنتكم

وإن شاء الله بودي البنت وبسولها تحاليل شامله

[زم_قمر_ان]

الغلا عليج بالرقيه الشرعيه

شغلى لهاا كل ليله قبل ما تنام وخليهاا

تنام على الرقيه وربي يحفظهاا لج

[جورية حمرا]

الغاليه يزاج الله خير
الله يذكرج بالشهاده يارب
ذكرتيني بشيء المفروض أسويه بدون محد يقولي
تسلمين وإن شاء الله من الليله برقيها وبخليها تقرأ بروحها عشان تتعود بعد
مشكوره ونورتينا بمرورج
إن شاء الله ما تشوفون الشر ويخلي لكم عيالكم وأهلكم

[ss91]

اللهم صلي على محمد وعلى ال محمد كما صليت على ابراهيم
وعلى ال ابراهيم انك حميد مجيد
الله يشفيها
للرفع

[newmama]

سويلها تحاليل شاملة

[*** أم ميرة ***]

اختى انا بعد بنتى كانت بيضاء بياض مب طبيعى
ولكن تعالى شوفيها الحين سمراء

سبحان الله كيف يتغير لون الانسااااااااااااااااااااااااااااااان

[ZoOyA]

ما ادري ..
بس الطفل يتغير شكله وطوله وعرضه حتى لون بشرته من سنة لسنة ..
لين ما يوصلون لسن تثبت فيه صورتهم ..
فيه اطفال يوم يكونون صغار يكونون احلى ..
وفيه يوم يكبرون يصيرون احلى ..
يمكن بنتج الحين تدرس وتبذل جهد اكبر وتسير وتجي في الشمس بتحصلينها تضعف وتسمر شوي..
وان شاء الله ما فيها الا العافية ..

[جورية حمرا]

تسلمون الغاليين على المرور والتعليقات يزاكم الله خير
الغاليين والله مب مقهوره من شكلها لانها سمره بس متضايقه عشانها
أخاف لا يكون فيها شيء وانا غافله يزاكم الله خير وجهتوني ونصحتوني
ما قصرتو وإإن شاء الله بسويلها تحاليل شامله
وبقرأ عليها كل يوم بروحي
بديت وياها أمس علمتها دعاء "بسم الله الذي لا يضر مع إسمه شيء في الأرض ولا في السماء"
وقريتها المعوذات وقريت وردي اليومي بنيه أنه الله يشفيها
وربج هو الشافي وإن شاء الله ما فيها شيء
تسلمون على المرور

[الامل القريب]

اقري عليها وسوي فحوصات

[silent soul]

الله يشفيها
اقري عليها كل يوم

[بثـينه]

بسم الله عليها ما تشوف شر ان شاء الله ..

الغاليه العين حق و ممكن حتى لو عينج انتي تصيبها يعني لو من محبه و اعجاب تصيبها العين ..
اقري عليها وعوديها ترقي نفسها بنفسها وتقرا يوميا الصبح والمسا المعوذات و ربي يحفظها ..