نحن عندنا رقصه اسمها....؟

**Ms anime** · 2010-12-02, 00:58

مرحبا خواتي كيف الحال ؟ عساكن بخير ؟ بليز لا تضحكن علي انا بس ابغي احد يفهمني شيء
انا راح ادش في الموضوع على طول , انا من صغري اشوف البنات والحريم يرقصون سواء في الاعراس او حتى في المدارس , واعتقد يحق لكل وحده تتعلم الرقص لان فيها فايده لانها نوع من انواع الرياضة وتخلي الجسم ممشوق واحس انها تعطي نوع من الانوثه , فاعتقد ان حلو الوحده ترقص لزوجها مثلا عسب تغريه و لا يطالع البنات بره , بس اهم شي الرقص يكون جميل شرقي مثلا والحان لاباس منه , بس في الفترة الاخيره صرت اشوف رقص غريب والصراحه هذا ما اسميه رقص اللي هو دقني والاغرب انه يحطون ويا اغنيه دقني وشبعني ضرب بالخيزران .. الظاهر انتوا فهمتوا شو ابغي اقول , خواتي اللي خلاني استغرب من الموضوع ان عندي ربيعاتي من دول عربيه يقولون ان هذا الرقص من تراثنا , انا طبعا قلتلهم لا هذا هب صحيح نحن عندنا رقصات شعبيه معروفه بس هب هاي , ابغي اعرف اللي يرقصون هاي الرقصه حسب بالهم انه حلو او يسوي نوع من الاغراء؟ لان انا الصراحه ما اقدر حتى اطالعهن وهن يرقصن , والله عيب يا ناس رقصوا محد يقول شيء بس هب جذي الوحده تهز جسمها من وراى وتراوي الكل عيل وين الحياء انا بنت استحي اطالع , وايد من الاجانب عبالهم ان هاي الرقصه والاغنيه من تراثنا بعد مالت على اللي ألفه صدق فن هابط , وهالفكره منتشره بره الامارات بعد , بس انا عمري ما سمعت عنها ولا شفت اجدادنا يرقصونها فمن وين يت هاي الرقصه ؟ ولا هي صدق من الرقصات الشعبيه عندنا و انا ما ادري ؟ على فكره انا ما اعرف ارقص وخاطري اتعلم رقص شرقي عسب تكون رياضه واونس زوج امستقبل اللي هب طايع يشرف لين الحين والسموحه ^^

بنات انا حاولت ادور في النت معلومات عن عالرقص طبعا ما حصلت بس شو تتوقعون لقيت ؟ حصلت رقصات غربيه مخله نفس هاي الرقصه البنات الغربيات يرقصونها بس مع الشباب تخيلو الصدمه , يعني الرقصه هاي يت من الغرب هب من عندنا واللي ما تصدق تدور في اليوتيوب لاني ما اقدر اراويكم اياه , يا بنات تحذرن هاي رقصات جنسيه والدليل حركة الجسم , لا ونحن من الجهل اللي عندنا قاموا البعض يرقصونها جدام اليهال , فانتبهوا

المزيد من آخر المواضيع من نفس القسم:

**@أمـــونة@** · 2010-12-02, 01:03

من وين يت هالرقصة الهابطة ما أعرف

بس اللي متأكدة منها 100% إنها مش من ثراثنا أبدا

والله يرزقج الزوج الصالح

**وحيده بزماني2** · 2010-12-02, 01:13

هيه والله هالرقصه فساااد..
وف نوعية من البنات يرقصون هالرقص جدام الفرقه والشباااب
استغفر الله...
ف نوعية من الناس يوم تسيرين اعرااسهم كله منكر ف منكر
بس الله يهدييهم

**أم خليفه 21** · 2010-12-02, 01:19

صدقتي نفس تفكيري ساعات أقول الحين الغرب بيتحرون ان هذا من تراثنا
بس على فكره الكل يرقص هذه الرقصه عافانا الله ..ويوم اسير اعراس استحي أطالع استغفر الله
بس اذا انت تبين تعلمين رقص الشرقي حق بو شباب المستقبل ان شاء الله فتعلمي دقني تره هذه موضه الحين ,ختى في رقص صار موضه تخيلي ..وبعض الريايل سامعين بها .. ربي يوفقج

**ريـــــــماني** · 2010-12-02, 01:24

قال خليجي قال هو كل فساد بيعلقونه عالخليج مثلا

الغااليه هاييل يسمونهم النور يتواجدون في الشام والعراق والمغرب والاردن

عاد وصلوا هنيه ولبسولهم عباه وقالوا ترانا من الخليج شي يقهر الصراحه

والنور معروفين من زمان حتى اذكر مسلسل سوري رمس عن هالشي

يوم امل عرفه حبت فراس ابراهيم اعتقد ما اذكر اسم المسلسل

بس احيدها يوم كانت تغني

**Ms anime** · 2010-12-02, 01:36

المشاركة الأصلية كتبت بواسطة أم خليفه 21

صدقتي نفس تفكيري ساعات أقول الحين الغرب بيتحرون ان هذا من تراثنا
بس على فكره الكل يرقص هذه الرقصه عافانا الله ..ويوم اسير اعراس استحي أطالع استغفر الله
بس اذا انت تبين تعلمين رقص الشرقي حق بو شباب المستقبل ان شاء الله فتعلمي دقني تره هذه موضه الحين ,ختى في رقص صار موضه تخيلي ..وبعض الريايل سامعين بها .. ربي يوفقج

خخخ اتخيل عمري ارقص هالرقص , اخاف الريال ينصدم عبال ناقه تهز ولا قاعده اخض لبن خخخخ^^

**ms.hams** · 2010-12-02, 02:03

خخخخخخخخخ

**mashed potato** · 2010-12-02, 02:05

بغض النظر من أي دوله برايي كل من رقصت بهالطريقه فهي وحده ماعندها دين ولا أخلاااق!!!

لانه باختصار رقص مراقص وتعري بس الفرق انه بثياب!

الله يرزقج الزوج الصالح وكل البنات ^_^

**نسيم الليل37** · 2010-12-02, 02:10

بلاكم الرقص حلو

بس بدون الحركات الماصخه ^^

**عآشقه عيالي** · 2010-12-02, 07:48

اتستغفر الله

**m-lady** · 2010-12-02, 08:11

استغفر الله العظيم

**تسونامي** · 2010-12-02, 09:00

استغفر الله العظيم

**βĔŇt ûǻĘ** · 2010-12-02, 09:16

هيه اتلوع جبدي لما اجوف نفس هالرقصات روحي استحي انزل راسي ..
مادري كيف الوحده تتجرأ وترقص دقني ..
ماقول غير ربي يهديهن ويستر ع اليميع

**كازاويا** · 2010-12-02, 09:58

الاخت الي قالت المغرب والاردن والعراق والشام احمنا ما عندنا هالرقصة نهائيا انا اول مرة شفتها هنى ما شفتها مكان تانى غير الخليج
الله يهدي الجميع

**ريـــــــماني** · 2010-12-03, 00:46

المشاركة الأصلية كتبت بواسطة كازاويا

الاخت الي قالت المغرب والاردن والعراق والشام احمنا ما عندنا هالرقصة نهائيا انا اول مرة شفتها هنى ما شفتها مكان تانى غير الخليج
الله يهدي الجميع

الغااليه سيري اقري كتب والا دوري بجوجل عن النور

ويسمونهم بعد غجر مالهم اصل بس يسكنون بالدول اللي ذكرتها

وبالاصح باطراف هالدول مب داخلها

ولو ان الروابط مب ممنوعه بالمنتدى جان حطيتلج اياهن

الموضوع: نحن عندنا رقصه اسمها....؟

أدوات الموضوع

عرض