شعري التعبان سابقا

[النخلة الشامخة]

هلا يا حبايبي الحلوات شحالكم

بخبركم عن قصتي الحزينه من سبع سنين توفت الوالده الله يرحمها ويغمد روحها الجنه كان شعري طويل مب وايد ومش ناعم بس الحمدلله غليظ وصحي وكنت كل يوم اقص عليها واقولها بقص شعري فديتها الله يرحمها ان شاء الله وهي تنازعني ..
المهم بعد وفاتها بكم شهر وما رمت اتحمل شعري وما اهتم فيه رحت وقصيته ومن هاك اليوم شعري يلوع الجبد ومتقصف وطبعا صبغات وسحب لوووووووووووون وخلاص اخترب الشعر

ومن العام في الصيف قلت بهتم في شعري والله العظيم ما خليت شئ ما استخدمته ولا خليت خلطه ما سويتها لشعري ولا خليت زيت ما جربته ولا بول الناقه والمشااااااااط والنتيجه ما بقول 80% لا 10 %

وكل ما اسحي شعري يا ريت بس تساقط لالالالا يا قمرات يتكسر يعني حد ماسك موس او مقص ويقصه لي يا ويلي حالي وقلبي على شعري


واخيرا وانا في السياره تذكرت وحده من الخوات كاتبه عن دكتور للشعر والحمدلله اني مخزنه الرقم والموضوع تقريبا من شعرين والرسايل كلها امتسحن اتصلت فيه وخذيت موعد


والله ثم والله ثم والله والله شاهد على كلامي انس شعري من اول غسله تحسن وحسيت انه طري وفيه لمعه حتى ربيعتي اليوم الثاني سألتني انت مغيره القصه ( الغره) طبعا لا هاي من اول غسله طبعا اليوم لي ثاني جلسه الله على شعري ماشاء الله وتبارك الرحمن قبل ما اروم اخليه مفتوح قبل ما ينشف ارفعه عن حد يدش علي ويخاف الحين يالسه اكتبلكم موضوعي وانا هاده شعري

نصيحتي ودروا عنكم كل شئ تموا على زيت واحد بس لا تسوون مثلي واللي تبى تسال عن الدكتور انا حاااضره واسمحولي على الاطاله بس علشان تستفيدون ولا تسون مثلي والله يحفظكم ويطول شعورنا كلنا

المزيد من آخر المواضيع من نفس القسم:

• خلطة عصير البصل السحرية لتطويل الشعر حصري
• طريقة استخدام المايونيز لترطيب الشعر
• ابرز فوائد بذور الكتان للشعر
• طريقة عمل شامبو طبيعي للعناية بالشعر الجاف...
• افضل خلطة طبيعية لعلاج قشرة الشعر نهائيا
• افضل خلطات زيت الارغان الفعالة للعناية بالشعر
• ماسك طبيعي لترطيب وتغذية الشعر الجاف حصري
• خلطة البيض والزبادي لاستعادة صحة وجمال الشعر...
• 3 أسباب تجعل زيت جوز الهند معجزة للشعر حصري
• 6 أسباب تجعل زيت الزيتون رائعًا لشعرك حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mariam2004]

اختى وين ممكن تعطيني رقم الدكتور وين مكانه كم اسعاره شو عطاج من علاج

[رواحل]

ماشالله...موفقه انشالله غناتي...

ممكن تعطيني رقم الدكتور؟؟ وفي اي اماره؟؟ وشو اسعاره؟

و السمووووووووووووحه

[روح الــــورد]

انا بعد ابي الرقم .. وفي وين

[قلب دبي 1]

وانا بعد في أي اماره
وشو اسعاره
^_^

[orphan]

ممكن رقم الدكتور واسم العياده وفي أي اماره ومشكوره

[kho]

في اي امارة هوو ؟؟ وخبرينا شو عطاااج؟؟ وعقبال مايصك شعرج الارض ويكون صحي وحلووووووووووووووووووووووووووووووو ..


عقبالنا يارب والله انه شعري كان طويل واتجاشرت عليه وقصيته وايد قصير والحين مب 5 سنين وانا اباه يطول وصل لين جتفي بس مب طايع يطول والحبيبيه كل يوم تغير صبغتها !!

[النخلة الشامخة]

ان شاء الله يا حبايبي بعطيكم الرقم على الخاص وادعولي وادعوا لصاحبة الموضوع اللي دلتني عليه
ولله الحمد

[خسوووفه]

انا بعد ابا رقمه واياماره

[شما المحيربي]

يزااااااااج اله خير حبوبة ^_^

الصراحة شي طيب ^_^ و بنجاول انجربها ^_^

[العنقاء]

ممكن رقم الدكتوره واسعارها فديتج

[النخلة الشامخة]

حبايبي السلام عليكم


وايد سالوني على الخاص طريقة العلاج رديت عليهم كلهم الا وحده
الحين بكتبه بالتفصيل الممل بس طبعا الحين جلستين سويت وان شاء الله باجر الجلسه الثالثه انا كنت بسوي بس جلسه في الاسبوع لان بعيد علي انا في الشارجه وهو عدال لامسي بس لاجل شعري يهون كل شئ وفعلا اتفقت معاه على جلسه في الاسبوع بس من اول جلسه حسيت بالنتيجه اتصلت فيه واتفقنا 3 جلسات

اول شئ كشف على شعري وقاله الحمدلله جذور الشعر قويه بس التساقط قال يمكن من الاكل او الحاله اللي امر فيها وقالي سوي تحليل دم بس تكاسلت

عطاني شامبو وكريم لبعد الشامبو وابر ومرطب للشعر وفلتر للماي( روعه حبيته الفلتر ) والكورس 22 جلسه
واول جلسه بديت فيها يوم السبت اللي فات وامس الاثنين يعني يوم وترك 3 ايام في الاسبوع

اشتغل بجهاز مثل الكهرباء ازززززززززززززز ما اعرف اوصف لجذور شعري هذا الجهاز خبرني عنه انه ينظف فروه الراس من الكلور
وبعدين رش على شعري شئ ريحته مثل الدواء انا افتكرته ماي علشان يخرس شعري وعقب حطيلي الكريم وحطالي جهاز غريب

واخلا شئ رش فيه ماده غريبهههههههههههه

يا حلوات شو رايكم اللي متخوفه وشاكه انا بعدني لي شهر الين ما اسافر يعني بسوي 12 جلسه خلووني اجرب واشوف
وعهد بيني وبين ربي اني اخبركم بالنتايج ان ايجابيه او سلبيه

وادعولي الله يرحم والديه ويغمد ارواحهم الجنه ويسعدني ويسر لي امري وينصرني على من ظلمني

[سلام ـه]

الله يرحم أمج ويغمد روحها الجنه يا رب .. صدقتي لو ما سمعنا كلام أمهاتنا نندم ..

أنا شعري واايد يطييح .. و السبب انه ظربوني بعين .. حسبي الله الله ونعم الوكيل ..

ان كيدهم في نحورهم .. والله اني اصيح يوم اشوف انه شعري يطيح..

أحس أغلى شي املكه فيني هو شعري اهىء اهىء

بعظهم قالولي نقص وبعظهم حسد و بعظهم ....................

ممكن أختي رقم الدكتور .. و الله اني بكون شاكرتلجـ

بروحله وبخليه يفحص لي



وتسلمين الغلا ع الافادهـ

جعلها الله في ميزان حسناتجـ

[!! غرور !!]

ممكن رقمها واسمها ومن وين ؟؟

[Miss World]

اختي ممكن اسم و رقم الدكتور؟ و شو الأسعار؟
اليوم سرت مركز كايا لكن بعدني مب متشجعه لأنه ماعرف حد سارلهم و جرب