بنتي ما تتكلم ><

**شيخة الحلوات،** · 2010-11-28, 03:18

السلام عليكم ورحمة الله وبركاته ..

شحالكم و شحال كتاكيتكم

لكم وحشة والله من زمان ما دخلت المنتدى ...
فديتكم انا عندي بنوتة عمرها سنة و 10 شهور ما تتكلم ><
يعني تتكلم تقول كلمات بسيطة ماما بابا تقلد طيور الجنة شوي يعني حركات بسيطة ..
و تقول باي بس يوم اكلمها و اقول لها ييبي الشي الفلاني ما تعرف ><
هل هي طبيعية و الا اغلب اللي بعمرها جي ؟!
لان بنت ربيعتي من عمر بنتي و ما شاء الله عليها تدق سوالف ..
و الشي الثاني ان وزنها وايد ناقص يالله توصل 10 كيلو ..
هل عندكم خلطة معينة تزيد الوزن لانها وايد ضعيفة فديتها و حجمها صغير ..
بلييييز اللي عندها الخبرة لا تبخل عليه لاني صدق محتايتنكم ..
و السموحـــــــــــــة ..

المزيد من آخر المواضيع من نفس القسم:

**or_nahyan** · 2010-11-28, 03:34

عادي لاتحاتين نفس بنت اختي ولا بعد عمرها تقريبا سنتين

**حـور العين** · 2010-11-28, 09:35

عاادي... انتي علميها الرمسه وبترمس لج...
يعني سولفي وياااها... احكي لها حكااايااات
راوييها صور الحيوانات والحرووف الأبجدية والحروف الانجليزية والارقاام....

**جرح وحداوي** · 2010-11-28, 09:47

يالبا قلبي..
فدييتها الله يخلييها لج ياارب..
حبيبتي لااتحااتيين فيه يهااال يثنوون قبل ويتاخروون بالنطق وفيه العكس ..اكييد بنتج بدت تثني قبل وعلعمووم هاي بعد مومشكلة .
اناولد اختي الله يردة بالسلاامة الباارح كمل 3 سنواات وتوة متقن الكلاام..قبل مجرد كلاماات ويمشي.
هشي عاادي انتي حااولي اتحااوريينها دووم وتخلييها بين اليهاال هشي بيفييدها تتعلم بسرعة ولاتحاتيين ماعليها الا العاافية ...
خذيها نصييحة لاتقاارنيين بين اليهاال ابدا ابدا لاتقوولين بنتي وبنت غيري اليهاال تختلف وعلى حسب المجموعة اللي عايشة معااها بعد.
الله يحفظها لج ياارب..
ومن نااحية الاكل عطييها الاشيااء الطبيعية المفيدة ووديها عند دكتوور تغذية يصرفلها اشيااء زينه لها..
بالتوفيق

***العاااامرية*** · 2010-11-28, 10:10

حبيبتي اناعندي ولدي نفس المشكلة بس عادي كل طفل له ميزاته الخاصة وقدراته

لا تقارنين ابدا وفي اطفال يتكلمون بعد 3 سنوات فهذا الشي طبيعي

**سوارة** · 2010-11-28, 10:27

ڛبحآڹ آڷڷـہ .. آڷحمدڷڷـہ .. آڷڷـہ أڪبر
ڛبحآڹ آڷڷـہ .. آڷحمدڷڷـہ .. آڷڷـہ أڪبر

**^ روح ^** · 2010-11-28, 13:45

عادى فهودي نفس الوزن عشرة كيلو وسنة وعشر شهور كلامه غريب هههه ما بفهم عليه حبوبة كل بيبي وقدراته اهم شي تكون عند النطق تطلع هوا يعنى ادا بنتج تعمل اشوووو يعنى اسكت اش اش معناته بنتج سليمة الحمد لله ذاهم شي خروج الهوا

**شامخة باخلاقي** · 2010-11-28, 14:41

عادي فديتج انا ولدي لين عمر 3 سنوات بس يقول كلمات وجمل بسيطة و الحمدالله احين هو في كي جي 2 والحمدالله تبارك الله متفوق و ذكي و وحده من اهلنا في عمره لكن ماشاء الله عليها من عمرها سنتين تسولف و فهيمة لكنها في المدرسة ميحة فكل ياهل له قدراته الخاصة و خليها على راحتها لا تمين توسوسين والله يحفظها لج

**حياتي ولدي** · 2010-11-30, 01:27

ولدي عمره سنه و سبع شهور و بعده ما يرمس عدل .. و الكل يسألني و يقولي ليش متأخر بس عادي دامه يخربط بالرمسه أكيد إن شاء الله بيرمس

**miss.88** · 2010-11-30, 01:54

لا تحاتين حبيبتي

اليهال قدرات مب شرط كلهم نفس الشي

مثال ..

بنتي وعيال عمها الثنين .... ثلاثتهم قد بعض

بس بنتي وولد عمها رمستهم اوكى ومفهومه .. اما ولد عمهم الثاني ماما وكم من كلمه بس و خربطان

**مس مزيونه** · 2010-11-30, 23:58

عليج باللعسل يفتح الشهيه ويزيد الوزن والفيتامينات بعد

الموضوع: بنتي ما تتكلم ><

أدوات الموضوع

عرض

بنتي ما تتكلم ><

المزيد من آخر المواضيع من نفس القسم:

المواضيع المتشابهه

بيبي تتكلم

كيف تتحدث دون ان تتكلم...

قبل ان تتكلم ؟؟؟

الجريئة الي تقدر تتكلم في البث المباشر تدخل موضوعي.. و تتكلم عن الاستهتار الي صاير

الصور هي ألي تتكلم ....... ؟؟؟