مستحيه من ريلي

[عروس جديمه]

خواتي انا واايد مستحيه من ريلي
الغاليات انا من مده ما اهديته شي
فالبصدفة دخلت القسم التجاري و اشتريت من عضوة عطور عاد استلمتهن اليوم و العشا عطيته اياهن ..3 عطور من بينهن ون مليون و ادكت و سينما ..ووايد تلوم فيني و تم يقول ليش تتعنين و من هالكلام انا قلت له ما يسون رمستك كان ودي اخذ لك شي اكثر و مميز بس صدق ما يسون شي بالنسبة للي تقدمه لي ..((انا ما اشتغل يعني معتمده ع المصروف الي يعطيني اياه ))و انزين الخلاصه ان يوم تعطر بون مليون تمت الغطاه تصرصر ..و ديور ادكت الازرق اول تسه علقت الغطاه ما طاعت تتبطل حسيته تغير ويهه ..قال متى خذتيهن ؟؟قلت له سر ..هويعرف اني ما اطلع الا وياه ما اطلع برووحي...وااايد تضايقت ..قالي خليهن في كبتي ..و عقب بساعه انا كلمته قلت له مستحية فيك انا ما اعرف احس العطور مب اصليات انا طالبتنهن من المنتدى و لا ادري انهن هاجذا ..قال عادي لا تتضايجين ما يفرق عن الاصلي ..ادري انه يواسيني ..انا وايد مضايقه وايد وايد ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غزال الروض]

لو طرشتي حد ياخذلج من السوق و اصلي احسلج ,,و لو عطر واحد و اصلي و حلو و لا مييت عطر و سوري من الرخيص ...تراها كل هديه تحدد قيمة الشخص هب تاخذيلة اي كلام ..

[عروس جديمه]

صح كلامج بس احيان الانسان ماعنده الامكانية و المواصلات ..بعدين الحرمه قالت لي اصليات

[محد شراتيه]

اخ عليها التاجره وليش تبيعج مش اصلي غطاه تصر ووحده علقت ؟؟

والله مشكله >< وفي نفس الوقت صج احراااج

الله يعينج وتواصلي ويا التاجره لا تخليها في حقهاا اشرحيلها موقفج

[أم الخليفي]

احراج صراحه ...


قوليله الغاليه انج خذتيه من المنتدى وان قدره عندج اكبر من هالهديه ...


وطبعا برري موقفج ..بأنج كنتي حابه تهدينه شي مميز ..بس انغشيتي ...


عادي بيتقبل الوضع

[@أحلى فرفورة@]

حاولي تفهمينه انج انغشيتي من وحده من التاجرات وانج مافكرتي غير انج اتفرحينه بالعطور بس انظلمتي من التاجره الله لا سامحها تراني نفسج غشتني وحده من التاجرات اونه اصلي واصلي ومناك تقليد نبر ون بس بذمتها ليوم الدين وصدقيني تقريبا نقس حالتج بس انا لوحده من هلي الله يكون بالعون

[فينيسياا]

موقف محرج والله

بس خسارة انج استعيلتي وطلبتي من المنتدى لو ترييتي لين ماتصير لج فرصة اوتوصين حد من اهلج كان احسن

[Alnoon]

اويه صدق احراج
فديتج رمسي التاجرة و اشرحي له الوضع

[عروس جديمه]

احس كله الدنيا نصب و احتيال

[* ام خماس *]

الله يسخركم لبعض حبوبة

بالنسبه للهديه المهم انهاا وصلت وبالمستقبل تعوضينه بالي أحلى عنهاااا

لكن لااازم تخبرين التااجرة يمكن التوصيل مب بالمستوى المطلووب واستوى العطب منه!!

يمكن هي مب قااصده هالشي !! اعذريهاا و اتفااهمي معاهاااا

ولا تظنين فيهاا ظن السوء فديتج 00ان بعض الظن اثم ^_*

موفقه عنووني

[قصر الحب]

الغالية ريلج اولا بيقدر انج تعنيتي مع انج ما عندج وسيله للخروج
تعنيتي وطلبتي من المنتدى بس عشان تفرحينه
وما عليج هو استانس ويدري انج ما تدرين
وما بتتعنين لشي ما يسوى الا انج انغشيتي
بس التاجرة اتواصلي وياها

[*غرور*]

الصراحه في تاجرات يمدحن البضاعة عقب تطلع مب شي,,الله يسامحها

[لمسات هادئه]

الله يسامح هالتاجره اللي كانت سبب في فشلتج اشوها انتي ليش ما تاخذينه من محلاات فخمه قبل لا تتعنين وتعبين نفسج ماعليه حبووبه الله يسعدج ويوفقج

[لأجل عينه]

اويه نفس مشكلتي ويا العطور ><"

راسلتها انا بعد بس ما اذكر انها ردت علي لانه كانت غرشه مكسوره او شي جي وون مليون مايرش عدل

[❥~S]

الله يهديهآ من تآجره
مآعليه يالغلـآ ريلج عآذرنج أكيد يدري أنج مآتقدرين تطلعين من البيتَ
ونصيحـه مني لج العطوره والدخون وهالسوالف الي تنشم لا تشترينهآ من المنتديآت