قصص من واقــعي ... للعبره...

**جوهره عمان** · 2010-11-25, 11:42

السلام عليكم ورحمه الله وبركاته

وااايد نسمع هالاياام سوالف الزوجه الثانيه سواء بالسر او بالعلن ...

الريال حلل له الشرع 4 اذ قادر ومقتدر...

وسمعنا ان الريال اذ كون علاقه مع بنت وتزوجها لازم تستوي مشاكل بينهم ويتزوج عليها او يطلقها
ليش بتقولون تستاهل اهي باعت نفسها له وباعت اهلها والحين جاء اليوم الي يبيعها فيه ..

الله يعين يا حريييم ع سوالف العرب ...

اول قصه:
انا كنت اسمع عن هالقصص واقراء بس ماشفت قدامي.. الا هذاك اليوم الي صار واقع قدامي

تزوج عليها واهي حرمه مسميه مصليه تشتغل مدرسه بمدرسه حكوميه عندها عيال بنات واولاد

ومن ربت اعلن ريلها عن زواجه الثاني كانت له سند وشاله ريلها وعيالها واهلها بكفوف الراحه
وما مقصره معاهم بشي حتى ريلها يقول فلانه تاج راسي وفخر لي وما مقصره بشي معي...

طيب ليش تتزوج عليها؟ اهو قاضي في محكمه له عده مشاريع ومرتاح .. يعني فلوسه في ايده مايدري شو يسوي فيهن قال ابرك لي اتزوج وانا ماناقصني شي ..

اوكي ماعليه تزوج بس لا تتزوج بنت بكر صديقه حرمتك جاره حرمتك واهلها ،، قلن الحريم يعني،،

واهي نفس الشي هالزوجه الثانيه حرمه مسميه ومصليه ومتدينه وصغيره ،،

تدخلها بيتهم وتكلمها عن مشاكلها وعن زوجها امنتها ع عيالها حتى اذ بغت تسال في شي عن مسائل دينيه عطتها رقم زوجها عشان يحل لها مشاكلها عشان يساعدها عشان تفهم اكثر ،، ومن عادتنا مانكلم ريال غريب كيف بزوج صديقتك فشله...

اعلن زواجه والعرس بعد اسبوعين.. اهل زوجته الاولى قامت قيامتهم يريدو الطلاق ولا يتزوج بنت جيرانهم الباب بالباب ولا يتزوج صديقته بنتهم بس الحرمه مارضت قالت ما اريد اطلق بس بحط كل شي حدود لزوجته الثانيه ما اريدها تدخل بيتي ولا تشوف اعيالي ولا تلمسهم وماريدها فبيتي ..

وحتى ريلها ما يريد يطلقها لانه يحبه لانه ام اعياله لانها تاج راسه وسنده...

بعد ماتزوج راح سفرها الخارج يعيدو شهر عسلها عشان بس يراضيها وخلت رضيعها الصغير الي ماتجاوز عمره 3 اشهر تقريبا..

صار قدامي فلم كنت اسمعه بس ما اشوفه... والحين كل شي قدامي هذي قصه وحده تقربلي ..

الله يهنيها والله يشرح صدرها والله يوفقها بحياتها..

قصه2:
وقصه واحد قربلي نفس الشي تزوج وحده يحبها بس من منطقتنا وتزوجها بدون رضى اهلها وجابت له 3 ماشاء الله وعادي مع مرور الوقت الاهل رضو ع بنتهم وخاصه ابوها كان مايريد يشوفها ابدا بس معد ماجابت اعيالها له فرح بهم ونسي المه وسمعته .. وبعدها تزوج عليها 2 واهي بذمته الاولي والثانيه اهي الي اعطته المهر وتكلفت بمصاريف العرس كانت مطلقه وعندها عيال..

ليش تزوجت عليها مدامك تحبها وتحبك مادام انها باعت اهلها بالبدايه عشانك وتركت كل شي وراها ولحقت بك....

قصه 3:
نفس الشي واحد ثاني يقربلي حييييل حب وحده لهم سمعتهم بالبلاد ولهم منصب فالدوله واخاذها الخارج وتزوجها وراحو له الخارج اهلها يدورو ع بنتهم الوحيده ولمن رجعو البلاد حصلوهم وقامو يضربوهم ضرب اهي وريلها راحو المحاكم عشان لا يتعدو عليهم مره ثانيه اهلها عذبوها عذاب احرموها من كل شي لانها تزوجت واحد ما من ثوبهم بعد مروور سنه من زواجهم جابت بنت وامها جات عندها وللحين عندها ما رجعت بيتها امها حرمه كبيره بالسن ومريضه جابوها اولادها وزوجها ميت وصارت بنتهم عمرها سنه وشي وامها معها ماتريد ترجع بيتها لانها ارتاحت فبيت اهل ريل بنتها غرفتهم قسموها نصين عشان امها تنام معها ومامعاهم غرفه فاضيه وعايشه بسلام كانها فبيتها لانها لقت معامله احسن من بيتها لقت من يرعاها ويواسيها ماتريد ترجع لالم بيتها حتى عيالها ما يجلسون مع امهم هملهم مشاغلهم وبس حتى زوجاتهم .. وللحين اهي معهم...

وقصه 4:
نفس الشي بس قديمه سنه 2000 نفس الشي من الاهل تزوج وحده حبها بدون رضى اهلها تزوجها بالمحكمه واهي تشتغل معاه كان خاطب بنت عمه يتيمه وكان يكلمها ويطلع معها وتركها عشان خاطر الي يحبها في دوامه وتزوجها وجابت اعيال وعندها الحين 3 بس زوجها يخونها واهي ماتردي بس اهي الحين متندمه ع زواجها لان بس امها الي تكلمها تزورها وبنات عمها اما خواتها واخوانها مايعرفون عن امهم الي تروح اتزورها والحين لها 10 سنين مايعرفون ان امها تزور بنتها لان الاخوان حالفين اذ راحت لها وعرفوا بسالفه راح يطلعو من البيت ولا راح اتشوفهم..

يعني بعتي امج واخوانج واخواتج واهلج عشان ريال غريب عشان بس تتزوجيه ..

صح احنا عندنا مشاعر عندنا احاسيس ونحب بس هالحب الي كذا ما اسميه حب اسميه جنوون طيش

اختي لاتتبعي قلبك بس اتبعي عقلج.. اتبعي ديننا اتبعي ربك ....

هذي الحياااه وحياه اغلب النااااس والله احس الدنيا خلاص فانيه ..

الي اريده من هالموضوع اوصل لكم رساله ان اي وحده تمر بظروف مايعلم فيها الا ربها فتلجى بالدعاء الي منقذها الي خالقها ..

الى انها تصل رحمها وترضي ربها و والديها ومب كل وحده تتزوج عن حب وتترك كل شي بالدنيا عشان خاطر ريال اتحبه.. مب دايم اهلج راح يرضو عنج ...

عيشي حياتج وعيشي يومج وربك ماراح ينسااااااك والله ماراح ينساج

خلي قلبج كبيير خليه صافي لا يوسوس لج الشيطان ويترسه لج كلام فاضي.. بلا منطق..

سامحوني يا بنات ع الاطاله

وادعولي بالذريه الصالحه ...

لا اله الا الله محمد رسول الله صلى الله عليه وسلم ...

المزيد من آخر المواضيع من نفس القسم:

**زوجي غلا روحي** · 2010-11-25, 11:47

حسبيالله على كل وحده تهدم بيت وحده مرتاحه مع ريلها

**mao** · 2010-11-25, 11:57

سبحاآآن اللهـ . . .

**بنت الطموح** · 2010-11-25, 11:57

المشاركة الأصلية كتبت بواسطة زوجي غلا روحي

حسبي الله على كل وحده تهدم بيت وحده مرتاحه مع ريلها

وليش الريال ما يخاف على حياته تنهدم ؟؟
الريال هو اللي يسير يطلبها من اهلها مب هي تروح له ^^

حافظن على رياييلكن

شكرا اختي عالموضوع

**جوهره عمان** · 2010-11-25, 12:06

المشاركة الأصلية كتبت بواسطة بنت الطموح

وليش الريال ما يخاف على حياته تنهدم ؟؟
الريال هو اللي يسير يطلبها من اهلها مب هي تروح له ^^

حافظن على رياييلكن

شكرا اختي عالموضوع

صدجك والله لازم اهو الي يخاف ع حياته.. مب احنا وبس الي نحافط ونخاف ع حياتنا من انها تهدم..

**زوجي غلا روحي** · 2010-11-25, 12:06

المشاركة الأصلية كتبت بواسطة بنت الطموح

وليش الريال ما يخاف على حياته تنهدم ؟؟
الريال هو اللي يسير يطلبها من اهلها مب هي تروح له ^^

حافظن على رياييلكن

شكرا اختي عالموضوع

صح هو الي يسير يطلب بس هي ترفض يعني وجي كل بنت ترفض تعرس معرس
كانن الحريم ارتاحن مع ازواجهن ومحد هدم حياتهن وتكون دخيله غير مرغوب فيها

**جرح وحداوي** · 2010-11-25, 12:15

انا ويااج نادرا مانحصل وحدة تتزوجج من غير رضى اهلها ومستاانسة بحيااتها والريل صاانها وعزها وقدرلها تضحيتها..
فعلا الاهل فووق كل شي ومهما كاان لا زم كل بنت تتخذ القراار السليم فلوقت المنااسب وماتبييع اهلها مهماكاان.

اللهم ارزقني الزوج الصاالح عاجلا غير آجل يالله كلكم قولوو معااي اللهم آآمين

**جويرية** · 2010-11-25, 12:16

لا تنسون بنات الشرع حلل اربع ...

والحلال ارحم من ان الريال يطيح في الحرام والعياذ بالله ...

**بنت ماهر** · 2010-11-25, 23:09

ممكن يقولتش حرمتي مو مقصره وهي وهي بس فياشياء ما تنقال بعدين احس العلاقه الجنسيه هي اساس الزواج بثانيه

**شيخه بمعانيها** · 2010-11-26, 00:01

المشاركة الأصلية كتبت بواسطة زوجي غلا روحي

صح هو الي يسير يطلب بس هي ترفض يعني وجي كل بنت ترفض تعرس معرس
كانن الحريم ارتاحن مع ازواجهن ومحد هدم حياتهن وتكون دخيله غير مرغوب فيها

ربج حلل الزواج الثاني والثالث والرابع وله حكمه في هالشي.. !

الزوجه الثانيه مش دخيله ف حياة حد .. هذا نصيبها وانكتب لهآ ..

يعني مادري ليش تعتبرون الحرمه الثانيه انسانه مش من مستواكم ؟؟!

لو الرياييل يخونون بترضون وبتسكتون لكن لو خذ حرمه ثانيه ربعتن تبن الطلآق !!

سبحآن اللـهـ .. اخر الزمآن ~

**بنت الزيودي** · 2010-11-26, 00:13

مشكوره ع القصص

**A+k** · 2010-11-26, 00:31

الله يهدي الجميع,,الغلط من الاثنين من البنت والريال,,

الي يبغي يحافظ على بيته ,,مستحيل يسوي شي غلط,,

لو الف وحدة كلمته,,

**علـآآآيه** · 2010-11-26, 09:03

الاهل ع قولتهم " الظفر عمره ما يطلع من اللحم " ...
مردها لاهلها ....~ محد يدري شو بيصير باجر !!
اليوم ملاك باجر ذيب !!

**خاطري ف بيبي** · 2010-11-26, 14:46

الله يرزقج و يرزقني بالذرية الصالحة عاجلا غير آجل

**جوهره عمان** · 2010-11-30, 10:29

صح الشرع حلل اربع لكن برضى الزوجه الاولى اذ كانت ثانيه

بس موضوعنا مش عن الزواج المتعدد بس الي تتزوج بدون شور اهلها..

الموضوع: قصص من واقــعي ... للعبره...

أدوات الموضوع

عرض

قصص من واقــعي ... للعبره...

المزيد من آخر المواضيع من نفس القسم:

المواضيع المتشابهه

للعبره

قصص للعبره

قصص للعبره

قصه للعبره