بنات دخيلكن اللي عندها خبره بالموضوع تنصحني .. صدمني كلام الدكتوره

**super eimy** · 2010-11-25, 10:22

السلام عليكم خواتي

شحالكم

عسى ربي يرزق كل من تدعيلي ولا تنصحني بكل اللي تتمناه ويحقلها اللي فبالها

بنات صارلي 6 شهور معرسه وللحين ما حملت

امس لما راجعت الدكتوره قالتلي ان التبويض عندي ضعيف وايد

كنت فاليوم العاشر من الدوره واكبر بويضه عندي حجمها تقريبا 11

وقالتلي الطبيعي ان يكون حجم البويضه من 18 الى 25 تقريبا عشان يصير حمل

وعطتني حبوب اسمها fartch وقالتلي استخدمها الشهر الياي من ثاني يوم للدوره وحبتين فاليوم عساس تنشط البويضات
مع العلم ان دورتي طبيعيه ومنتظمه الحمدلله الحمدلله الحمدلله ولا اعاني من التهابات ولا شي

دخيلكن بنات اللي تعرف اي شي طبيعي ممكن ينشط التبويض تخبرني واللي جربت هالحبوب تفيدني بتجربتها

شو ممكن اسوي عشان التبويض يكون طبيعي ؟؟؟؟
مثلا اشياء طبيعيه اشربها ؟؟؟
سمعت ان المراميه او الحبه السودا ممكن تفيد ؟؟ حد منكم جرب ؟؟

اتريا تجاربكم خواتي والله يرزق كل محرومه بالذريه الصالحه يا رب

المزيد من آخر المواضيع من نفس القسم:

**سارونه85** · 2010-11-25, 10:25

انا اللي اعرفه .. ان الدكتورة لازم تشوف التبويض في اليوم ال 15 من اول يوم نزول الدورة عليج

و اللي يقوي المبايض - العسل مع عشبة الجنسنج و المرمية

**.. محتارهـ ..** · 2010-11-25, 10:26

يقولون الاناناس ينشط ..

و ربي يرزقج الذريه الصالحه عاجلا غير اجلا ..

**نسيم الشرق 99** · 2010-11-25, 10:26

كلي اناناس واشربي مردقوش ومرمية
وامشي كل يوم نص ساعه يساعد على تنشيط المبايض

**الدبلوماسية 81** · 2010-11-25, 10:28

الغاليه لا تخافين الله يسر أمورج المراميه زينه والمرقدوش بعد يساعد على تنشيط المبايظ

**عيون المهاااا** · 2010-11-25, 10:31

كلي اناناس ينشط ومرمريه

**زوجة يعقوب** · 2010-11-25, 10:38

حبيبتي عليج بعصير الاناناس من اول يوم الدورة الى 12 من الدورة وبعدين وقفيه وجوفي شغلج وربي يرزقج وتبشرينا يا رب

**super eimy** · 2010-11-25, 10:37

مشكورات خواتي يزاكن الله خير
امبوني اكل اناناس وايد مع اني ما كنت ادري ان يساعد على تنشيط التبويض
بس اللي مجربه ممكن تخبرني كيف استخدم المرميه ؟؟ وكم يوم استمر عليها لان سمعت ان كثرتها تضر

**نسيم الشرق 99** · 2010-11-25, 10:41

ملعقة مرمية مع ملعقة مردقوش مع كاس ماي فوريه وشوية سكر واشربيه مرتين الصبح والليل لمد اسبوعين

**توفي كراميل** · 2010-11-25, 10:57

هلا اختي

انا عديت السنه وانا عند زوجي ولا حملت
ما خليت مكان الا يعطوني ادويه منشطه وجي للبويضيه
والحمدالله التزمت بالدوا وسولي برنامج كل شهر

بس الحمدالله الله رزقني والله يتمملي على خير

لا تحاتين خويتي واذا بغيتي تساليني بشي ^^ راسليني

**super eimy** · 2010-11-25, 11:43

للرفع

**زوجي غلا روحي** · 2010-11-25, 11:53

الغلا عسى ربي يرزقج ومايحرمج يارب ولا يحرمني ولا يحرم كل وحده منا تبي الحمل
الغلا الميرميه تسبب تكيس والله دكتوره قالت لي اكثر من 3 ايام بالشهر تسبب تكيس وانتي الحمدلله
مشكلتج وايد بسيطه
شربي بردقوش طول الشهر
والميرميه بس اول 3 ايام من الدوره ويقولون خلطه عين الجمل تساعد ع تنشيط التبويض انا
الشهر الي فات اكلتها بس ماصار حمل لان انا عندي حليب بصدري
المهم يبي عين الجمل يكون مجروش معلقتين كبار وحليب نوق وحليه بعسل طبيعي من ثالث يوم الدوه الى يوم التبويض يعني 14 وعسى ربي يفرحج ويفرحنا بالحمل القريب العاجل

**dnyailwalah** · 2010-11-25, 11:54

موووووووووووول ماصدق كلامهم

لاني شفت بعيني جذبهم

**nano1984** · 2010-11-25, 12:05

عزيزتي أنتي ما عندج مشكلة ان شاء الله

الدكتورة لازم تتابع وياج التبويض لين اليوم 18 تقريباً

وبعدين تحكم على نوعيه البويضة موب من اليوم الـ 10 ينحسم الموضوع

برايي انج تعطين نفسج فرصة شوي وحاولي تاخذين مساعدات كـ الفايتامين مثل الفوليك أسيد & الرويل جل

وايد مهمات وان شاء الله راح تستفيدين

أهم شي الدورة منتظمة & الهرمونات في المعدل الطبيعي

وربي يوفقج ان شاء الله ويرزقج الذرية الصالحة في القريب العاجل اللهم آمين

^___^

**super eimy** · 2010-11-25, 12:49

اشكركم خواتي الله يفرحكم ان شاءالله باللي تتمنونه ويفرحني بالحمل السليم يا رب

الموضوع: بنات دخيلكن اللي عندها خبره بالموضوع تنصحني .. صدمني كلام الدكتوره

أدوات الموضوع

عرض

العرض المتطور

بنات دخيلكن اللي عندها خبره بالموضوع تنصحني .. صدمني كلام الدكتوره

المزيد من آخر المواضيع من نفس القسم:

المواضيع المتشابهه

دخيلكن بناات اللي عندها خبره بالايفون

خواتــي الي عندها خبره بتنسيق الالوان .. تنصحني شو احط لون الورود ..

بنات اللي عندها خبره تدخل

بنات بوظبي اللي عندها خبره في الصالونات