تبطلت الخياطة

[bent eljassim]

السلام عليكم ورحمة الله

بغيت شوركن خواتي خاصة اللي مرّت بهالتجربة لني مضايقة وايد ومب عارفه شو
أسوي

أنا خلصت الأربعين من ?? أيام تقريبا وما طاحن الخيوط إلا قبل ما أخلص
الأربعين بكم يوم مع اني ما خليت ماي دافي ولا ديتول ولا ملح إلا استخدمتهم
بس ما طاحن إلا يوم استخدمت الميبو
ومن حول اسبوع حسيت بحرقة واستغربت فرحت أجيك شفت الخياطة مفتوحة
قلت بروح إلمستشفى أتاكد خاصة اني ما رحت من عقب ما ربيت
وتوني يايه من عند دكتورة نهله ف مركز أميه وفحصتني وأكدت لي ان الخياطة
اتبطلت ( ومن زمان ) وعندي التهاب وقالت كان المفروض تروحين تراجعين بس إذا تبين
بسوي لج خياطة من أول ويديد باجر إذا تبين
وبما اني خوافة وايد وحتى ما خليتها تفحص عدل خافت وقالت انتي كيف بتخليني أخيط
لج وأنتي جي
وخلاف قالت حطي ميبو ع الجرح وتعالي عقب عشر أيام ( شكلها غيرت رأيها خخخخ )
وسألتها بيلتحم قالت هي
قلت لها بس بيلتحم عشوائي قالت مب مشكلة بيخيطون لج ع الولادة الياية
قلت لها ما بيأثر ع العلاقة قالت لا على ضمانتي

الحين سؤالي هل فعلا بيلتحم مكان الخياطة بس بالميبو ؟
وما بحتاج خياطة من أول ويديد ؟
وشو أسوي لني محتارة وخايفه وهاي أول ولادة وما أعرف كيف اتصرف

بخبركن خواتي ان ما يتني الدورة لين الحين وما كان في أي اتصال بيني وبين
زوجي طول هالمدة وبالنسبة للرضاعه أرضع صناعي
غير عن ان المنطقة عندي حساسه وايد حسب ما قالت لي الدكتورة اللي ولدتني في
مستشفى دبي وكان بروحه يتطرطر قبل ما هي أتقص عشان توسع لي إياه

الله يخليكن خواتي بغيت نصيحتكن لا تبخلون علي بها

بارك الله فيكن ويسر ع الحوامل ورزق كل محرومة بإذنه تعالى

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[قمرية]

تبين الصدق خوفتيني يمكن من الدكتوره في مستشفى دبي ...

وانا بصراحه اراجع معاهم وللحين متردده .. رغم اني جربتهم من خمس سنوات كانوا اوكي
لكن اختي جربتهم من كم شهر قيصري والتهبت عليها العملية ...

فاخاف يكون من الدكتوره والا انت شو رايج؟؟؟

[مها جميرا]

ان شاء الله اللي عندهن خبرة بيفيدنج .

[نسيم الشرق 99]

اذا كانت الخياطة متبطلة شوي فعادي بيلتئم مع مرور الوقت بس احسن سيري تشيكي عند دكتوره ثانية وشوفيها شو بتقول

[A+k]

ماعندي فكرة,,سوي خياطه من اول ويديد اذا خايفة وتحاتين,,

[مزيونة البلاد]

راجعي مره 2 والاخوات ما بيقصرن ..

[bent eljassim]

تسلمن خواتي ع الردود بس ياليت اللي مرت بهالشي تنصحني كيف اتصرف
وتخبرني عن تجربتها

أختي قمريه
والله ما ادري شو أقولج بس أحس الولادة انتي وحظج
وف النهاية كله تيسير من رب العالمين

[ام مطمئنة]

انا مامريت بهالتجربة والحمد لله
بس طالما الدكتورة قالتلك كل شئ بيكون اوكي
ليش متوسوسة ومتعبة نفسك
خليك على نصائح دكتورتك هي ادرى ولا توجعي راسك
بالنسبة لمستشفى دبي جاراتي الاثنين قيصري وحدة انفكت غرزها من ثالث يوم والثانية مسكينة التهبت خياطتها فترة طويلة سبحان الله , بس الحين صاروا تمام ومافيهم شئ ابدا .

[bent eljassim]

والله ما تعرفين وين أدقين براسج

الله المستعان

تسلمين أختي أم مطمئنه

والله لا يبلي حد من المسلمين

[saraab]

هلا حبيبتي ..

داومي على تمارين كيجل ... في اليوم أكثر من 200 مره عشان تقوى المنطقه عندج وتنشد

والجرح إن شاء بيبرى بإذن الله وكثري من الاستغفار عسى الله يسر أمورج ..

[ســــارة]

انا مريت بشي يشبه حالتج ،،، اول شي خياطتي كانت وايد اوكيه وحتى الدكتورة زينب قالتي انها وايد زينه بس المشكلة انه الدكتورة اللي ولدتني خيطت بس اللي الشق الجراحي اللي هيه سوته مب اللي كان منطر قبل من الطلق ،،، يعني كان لازمني بعد غرزتين زيادة ،،بس قالت لي انه ما بيأثر بالمرة على المنطقة لكن الولادة الياية اطلب منهم انهم يخيطونه كامل ..
انا الصراحة كنت مثلج احاتي ورحت لدكتورتين ثانيات وقالو لي نفس الكلام ،،، بس لأني مو مرتاحة طلبت الخياطة ،،، ورحت زدت الغرز اللي ناقصة والحمد لله كل شي اوكيه الحين ...

نصيحتي لج روحة لدكتورة ثانية شاطرة وخل تقول لج رايها ،،، اذا ما كنت مرتاحة اطلبي الخياطة لأنه الموضوع كله راجع لج انتي وراحتج ...

[أم العلالي]

اختي ربت في مستشفى دبي وكانت الخياطه غلط لانها كانت واااايد تتحرك ولعوزت الدكتوره ....لانها خايفه واول ولاده...بس وديناها عند الدكتوره زينب عادة لها الخياطه وحطت لها ملحه والحمدلله ثالث يوم هي بخير

[^%سمر%^]

الله يعينج ...
للرفع ...