شركة رنيم

[العيون الشهلة]

مرحبا يالبنوتات... بحيت اسألكم عن شركة رنيم في الشارجة في مركز سارة طارق الثاني.. الي تعاملت معاهم ضروووووووووري ترد علي

المزيد من آخر المواضيع من نفس القسم:

• ابا نصيحتكم ..
• سداد القرض ، القرض الشخصي ، تمويل المشروع.
• أطقم مواليد
• وين القى مخاوير جمله
• مشروع مختص بحقوق المراه
• تصميمات ڤلل و بنايات رائعة
• تاجرة جديدة تبغي فزعتكم
• فرصه عمل مميزه
• طلب من بنات العين
• كيف بدات بزنسي من البيت

[شيما]

السمووووووووووووحة

[ماما قصايد]

بلاهم ..............أنا تعاملت معاهم

[العيون الشهلة]

ممكن اختي ماما قصايد تشرحي لي عن خدماتهم..اعتقد عندهم بطاقات خصم بس شو!!!!!ما اعرف ممكن تشرحي لي؟؟

[ماما قصايد]

فديتج طبعا مع الاغراءات الي عندهم يعطونج بعض الخصومات ..على الفنادق ااثاث والمفروشات على الصالونات وووووووووووواشياء واايد والخصومات بي 5 الى 20 او 30 ولكل مدينة محلاتها الخاصة بيعطووج كتلووج فيه أسامي المحلات الي عليها الخصومات في كل امارة " دبي الشارجة راس الخيمة ووووو" وكم الخصم ..

طبعا انحن اهم شي عدنا الصالونات .. صالونات واايد عندهم وعليها خصومات تقريب من 10 الى 20 بس المشكلة الصالونات أغلبها مب معرووفة يعني ماتعرفين شغلهم ..وخصومات على الذهب توصل 50% ويوم تروحي عندهم يقولون بس على الامااس

ويعطونج بطاقة خصومات لمركز ميغامول تقريبا كافة المحلات ووتتراوح نسبة الخصومات ...

ريلي خذ بطاقة رنيم ب 800 على قولتهم ايام الخصومات واخوي ماخذا قبل 1400 تقريبا بس صدج مايستخدمووها كلج ...عني انا ما استخدمته كلج قاطينها فالدرج..

خاطريه تشوفي الكتلوج الي عندي او اسامي الصالونات وكل شي وبروحج بتحكمي ,,, شي واحد ريلي استفاد منه الخصم الي على تصليح مممممم ما اعرف بس شي يخص السيارات خصم 500درهم

كلامهم مقنع جدا ومغري .................... بس ما اظن بتستخدمينها بتروح بيزاتج على الفاضي

[سما دبي 2]

حبيبتي مانصحج فيهم لانهم يقصون عالناس اوكي البدايه يتعامل وياج المحل على اساس الخصم وها الكلام يستمر شهر او اقل وبعدين يقولولج لا خلاص احنا فسخنا العقد مع هاي الشركه لان فيها مشاكل ومحل يجر محل واخر شي مايتم ولامحل عليه خصم فحرام والله تعجين بيزاتج عليهم لانهم اي شي

[العيون الشهلة]

وانا اقول بعد ..احس اني ما متحمسة وااايد للموضوع كبداية عطيتهم 200 بس باجي 650 افكر ما اشترك أحسن...ما تقصرون وشكرا على ردودكم

[همسة الإمارات]

أنا اتعاملت وياهم
صدق أغراءت
ويقوللي خصومات وخذيت من عندهم البطاقه وسرت كذا محل طبعا من المحلات إللي مسجله بالكتلوج وتعرفون شو قالولي من نعرف هالشركه!!!!!!!!!!!!!
وتمت البطاقه عندي دون ما استخدمها في شي..........

[رحلة أمل]

خواتي أنا ريلي اشترا هالبطاقة ب800 درهم في مركز سارة
وانا لمن رحت صالون عندنا في راس الخيمه قالت لي مانقبل هالكوبون فرحت قلت حق ريلي وريلي اتصل ب شركة
رنيم وقال لهم انه في بعض الصالونات ماتقبل كوبونات .. وبعدين الشركة اتصلوا براعية الصالون وتفاهموا معاها
وقالوا لي روحي حق الصالون وراح تاخذ الكوبون .. انا للحين مارحت وماعرف اذا صج بتقبلها او لاء.. بس عن ريلي حجز تذكرتين سفر علشان شهر العسل.. وقال انه خصموا عليه كثيييييييير .. فأعتقد انها مفيدة شيئا ما..

والسموحة

[هنودة]

ما انصحج فيها ـ والخصومات اللي فيها اكثر شي بنسبة 10% وطبعا هذي نسبة ماتسوي شي