ابي استوي مديره

**HONG** · 2010-11-23, 19:23

اداوم بشركه شبه حكوميه ووايد ناجحه والحمد الله واشتغل في قسم الوحيده انا مواطنه فيه والباقي جنسيات عربيه وآسيويه، باستثناء مسؤوله القسم مواطنه ،
مشكلتي اول ما اشتغلت معاهم ،، جو المكان كئيب كل واحد بشغله ونسولف شوي والباقي نخلص الشغل ،،سويت طاف لهلشي، لان يايه اشتغل مب اكون صداقات واسولف ، بس اللي زاد كرهي للمكان المسؤول مالي ما يهتم شو اسوي اغيب ولا ما اغيب وكيف شغلي معاي زين مب زين ؟ يعني لاحظت اهتمامه بموظفين معينيين وانا عن نفسي ما يهتم،،
الشي الثاني ، شغلي مقسوم بيني وبين حد ثاني معاي بالمكتب ،،في مسؤول ثاني اللي هو تحت المسؤول مالي ،، اي شي يخص شغلي يروح يسال اللي معاي بالشغل وهو يعرف انه هاذا شغلي،، اي شي يديد اعرف عن طريقه هو اول شي بعدين انا ،، يبون تقارير يخبرونه هو ،، والتقارير تطلبها مسؤوله القسم واذا اي استفسارات عنده،، عطوه شي يديد بمجال الشغل بخصوص شي معين وانا لا مع انه شغلنا واحد اللهم مقسوم بيننا،،
وسرت واشتكيت للمسؤوله وخبرت المسؤول وتصرف لكن ما صار شي ،، قلت اتريا كم من شهر ،، اترييت ما صار شي طرشت ايميل للمسؤول اللي اكبر من المسؤوله المواطنه وسالني بالتفصيل و ارفقت له ايميل المسؤول مالي قالي اوك طالما صار هالشي خلاص ،، وطافت سنه ولا صار شي انا بروحي طنشت الموضوع،،
مرات اداوم غصب لانه مافي شي يشدني اني انش الصبح واروح الدوام ،، روتين في روتين ،،فأضطر اني اكسر الروتين بالغياب والحضور المتاخر او اروح بدري واعرف انه كل هذا غلط ،،
مع كل هذا عندي مجال كبير اني اكون مديره ،، عشان جي ابي احل هالمشكله تحصل في اي مكان بس ما يمنع انج تحققين طموحج و الظروف مثل هاذي تقويج،،
ابي اعرف كيف ابدأ من جديد بالدوام صح؟ شو المطلوب مني عشان استوي مديره؟ هل في شروط بالشخصيه وشروط بشغلي؟
اتريا مساعدتكم،،

المزيد من آخر المواضيع من نفس القسم:

**غرنوق** · 2010-11-23, 19:45

ان شاء الله تستوين مديرة

**Timeout** · 2010-11-23, 23:40

المشاركة الأصلية كتبت بواسطة غرنوق

ان شاء الله تستوين مديرة

**دلع شارجه** · 2010-11-23, 19:54

خليج قويه ترا هذا الي يبونه هذا يسمونه اسلوب التطفيش حبوبه

خلج اقوى عنهم وان شاء الله تستويين مديره...

ترا انا بعد اعاني شراتج والله كرهت الهنود والزلمات يبون كل شي حقهم.

**uae13122** · 2010-11-23, 20:10

**HONG** · 2010-11-23, 20:29

غرنوق + دلع شارجه + 13122uae

اشكركم على مشاركتكم ،،

**Pheno-m-enon** · 2010-11-23, 20:45

حبوبة.. انتي قبل ما تكونين محاسبة من قبل مسؤولينج
ترا ربج بيحاسبج ع كل تاخير و كل غياب سويتيه من غير عذر
انتي تاخذين راتب.. هالراتب محاسبة عليه
لا تفكرين ترضين حد غير ربج

انا مكروفة ف دوامي.. بس و الله.. من اول يوم داومت فيه
الحمد الله و ما شاء الله و لا مرة تغيبت بدون سبب أو تاخرت بدون سبب
و الكل يشكر فيني هالشي الحمد الله
يعني لا تقولين مسؤوولي و لا غيره

تبين تستوين مديرة
برهني للكل انج قدها و قدود
اذا شفتي اللي وياج حد يالس يعلمه
قوليله ممكن تعلمني

سوي نشاطات لو تقدرين ف المكان اللي انتي فيه
بيني لمسؤولج انج قد المسؤولية
لا تحطينلهم سبب شرات التاخير و غيره عسب ما يرقونج
ع الاقل تعرفين انج يالسه تسوين اللي عليج و الباقي ع ربج = )

**βĔŇt ûǻĘ** · 2010-11-24, 10:58

حللي معاشج
مايستوي تطلبين شي وانتي مب قده
الحينه انتي تتأخرين
وتغيبين
وتبغين تكونين مديرة ؟

وعذرج انج تبين تغيرين الروتين ؟
لاحراام مايجووز ..
حتى لو مسؤوولج مب مهتم ..
ربج هو الي بيحاسبج ..

نآس غيرج تغيب بعذر مايقبلوون العذر ..
الحمدالله ع كل حال ..

موفقه وان شاء الله تحققين الي افبالج ..

الموضوع: ابي استوي مديره

أدوات الموضوع

عرض

العرض المتطور

ابي استوي مديره

المزيد من آخر المواضيع من نفس القسم:

المواضيع المتشابهه

الأخت مديره ؟؟؟ ... لا تدخلين هالموضوع

سالفتي ويا مديره الروضه ,,,,,

مديره التوطين

مديره سيدااااااات الامااارات...

الحقوني .... خلوني مديره على رياييل !!!